السلام عليكم ورحمة الله وبركاته
اغلبكم يعرف مواضيعي
يمكن....
المستجد
زوجي خبرني انه بينقلني قريب في منطقته
طبعا كلام ولاأعلم عن صدق النيه مع الايام
راح يبان الصدق
المهم في حال هالشي طلع صحيح
بقولكم عني
هالشي أبيه وبنفس الوقت ماأبيه
ابيه لانه افضل بكثير من وضعي
اشعر بشتات اطفالي وشوقهم لأبيهم
وماأبيه لاني ماودي ابعد عن اهلي ومااتخيل
يمر شهر بدون شوفتهم..
والاساس هو العدل اللي رافضه نهائي
وكل مره يطلع لي بحجه جديده

ابيكم تنصحوني من ناحية مصلحتي ومصلحة اطفالي
ايش اللي لازم اسويه
ابي احط براسي قرار واكون واثقه انه صحيح ولمصلحتي
يعني مااندم بعد كذا
شيء اخر
زمان قال في حال سكنت في نفس منطقته
راح يكون يومين لحظرةجنابها
ويوم واحد لي
طبعا هالشي مستحيل اوافق عليه
اسقاط حقوقي نفسي ماتتقبلها ابد
واني اتعايش مع وضع احس اني اقل من غيري فيه
خاصه باني مااني اقل منها باي شي
والحمدلله يارب..

انصحوني وجهوني
نوروني بأي فكره انا مو منتبهه لها
الله يجزاكم خير
خاصه واني استفدت كثييييير
من نصايحكم قبل كذا وطبقتها مع زوجي
والحمدلله مشت اكثر الامور
الله يجزاكم الجنه ويثيبكم على وقفتكم
شكرآ

تم تعديل العنوان ليتناسب مع المضمون

لا تناقشينه ولا تفتحين معاه الموضوع
اقصد موضوع اخته ..
وإذا هو كلمج عنه قولي له بفكر في الامر

لا تعطينه قرار قطعي وحاسم دامج للحين بعيد
من تروحين وتشوفين الواقع شلون ساعاتها تصرفي

حاليا اهم شيء تنتقلين

وبخصوص موضوع المبيت لا تعطينه الموافقة
وحاولي ما تبينين الرفض خلج في المنطقة الوسطى

ومن تروحين هم بعد شوفي الوضع وعلى اساسه تصرفي

__________________

حاجة الناس إليكم من نعم الله عليكم ، فـ لا تملوا النِعم ☁✨

في المره الاخيره
طالبت بالعدل بشكل صريح
قام قالي انا مااتفقت مع اهلك على العدل!!!!!!!
وقال حجه سخيفه جددددا
انه من العدل انه يكون هناك اكثر لان عددهم اكثر من هنا
ف لازم يكون متواجد عندهم اكثر
بنفس الوقت وقدامه جبت جوالي وفاجئته
وقلتله كلامك هذا راح اكتبه سؤال لشيخ معروف
ونشوف وهو يحكم مين الصح انا او انت
ارتبك مررا وقام من عندي رايح جاي
قال اوكي واصلا انا مااعترف بكلام الشيوخ
انا اعرف الحلال من الحرام مااحد بيعلمني!!
وبدأ يشككني بالشيخ نفسه
انه يمكن يكون مو شيخ اصلي
قلت له اكتب اسمه بقوقل وشوف ان ماطلع مشهور ف سكت
انتظرنا الجواب
والجواب معروف
العدل واجب شرعا على المعدد
حتى لو كانت عجوزا او عاقر
قام استحى ومو عارف وين يودي وجهه
قال ان شاء الله ربي مايحاسبني
ويغفرلي
ضحكت قلت له انا المظلومه
انا اللي ماراح اسامحك على هدر حقوقي
وللعلم حتى يوم واحد زدتها فيه
مو مسامحتك عليه
ويوم القيامه راح نتواجه انا وانت
وربي بيحكم بيننا
بس بالدنيا اقولك ترى مو مساااامحه
سكت ماجاوبني باي شيء
ولكنه مصر انه معاه الحق
ومكااابر لأبعد حد
هذا اللي صار الأخير
بس عشان تكونو بالصوره

هلا زين حبيبتي
هذا اللي كنت أطمح له وكنت حاطته براسي
لكن يوم بدأ يصير جد
خفت وصرت افكر وش اللي بيصير على نفسيتي لو انقهرت من عدم عدله
ع الاقل هنا ان راح انساه انبسط مع اهلي وعااادي
بس هناك ماعندي احد بصير انتظر جيته
وبركز بكل شي يصير وبنقهر اكثر
خايفه افكار سلبيه براسي
عشان كذا ابي احط هدف أسعى له
اروح واجرب كم شهر واشوف الوضع وبعدها اقرر
او اقول شروطي من هنا قبل لاأروح
يعني اقول للوالد يشترط عليه بالعدل
ويوعدهم على هالشي
او مااروح وهو يقرر
صحيح هاللي افكر فيه او بيخرب كل شي؟؟؟؟

والله عارفه اني طفشتكم بهالسيره
لكن هالمره غير
تقريبا اصبح جدي
ابي مساعدتكم وشوركم
هل أدخل اهلي بالموضوع من الحين
بحيث يقولون له ان بتاخذها هناك تعدل
او لا
خلك ع هالوضع اررحم

او كيف اتصرف

اللي حزنني وقلبي تأثر جدا
بسبب سوء الفهم بالدين
والتعدي على الله
مؤلف فتاوى درجه أولى
ماتوقعت فيه انسان لهاالدرجه من السذاجه
في الدين
استغفر الله العظيم

الله يجعلك من امرك هذا فرجا ومخرجا
يااختي ان كنت مرتاحه في مدينتك التي هي مدينة اهلك وبها والديك ووظيفتك وزوجك لايغيب عنك طويلا بشكل يؤثر عليك او ع أطفالك
فلا تنقلي لمدينته حيث أسرته الاولى واعتبريه خلال غيابه عنك مسافرا للعمل وانشغلي ببر والديك واغتنمي حياتهما والاستمتاع بتربية أطفالك ومهنتك الوظيفيه وصديقاتك واهلك واذا زارك استمتعي معه واسعدي واسعديه
وان كنت متضرره من بعدك وأطفالك عنه ف انقلي معه ولاتفكري بشيء اخر حتى تتم تلك الخطوه فالشخص العاقل لايفكر بعبور الجسر حتى يصل اليه
انصحك بالاستخاااااره ان كان نقلك معه فيه خير لك وله في امر الدين والدنيا ان ييسره وان كان غير ذلك ان يصرفه
انا ارى من وجهة نظري الخااااصه ولاالزمك بها ان زواجك من معدد نعمة كبيره وبقائك في مدينتك ومع اهلك نعمة اخرى عظيمه عندك فرصه في غيابه بالاستمتاع بكل شيء يحبه الله ويرضاه وأهمها برك بوالديك وقربك منهما وتأكدي انك تستطيعين ان تسعدي معه بالطريقه التي اختارها من زواجكما وقد تكون خيرا لك اكثر منه
ارضي بما قسم الله لك تكون اسعد الناس
قد يكون معك دائما ويتعبك وقد يكون معك احيانا ويسعدك ..
الله يرزقك راحة البال والاطمئنان ...

الله يسعدك على كلامك الجميل والمريح
عن نفسي احب تواجدي بين اهلي
ولكن افكر في اطفالي اخاف بكرا ان كبروا يلوموني
وخايفه ارفض ويمسكها ضدي
يصير يطول اكثر ويقول بكيفك انتي اخترتي ويتحجج اكثر

المعذره اختي نسيت ان اقول في حال كتب الله لك الانتقال عنده لاتقلقي أبدا طبيعي ان يزورك كل يوم بما انك أصبحت قريبة منه ولا احد لك ولاطفالك بعد الله غيره في مدينته واعتقد والله اعلم مع مرور الوقت سيلتزم بالعدل لان الاشكالية كانت في البعد
فثقي بالله واحسني الظن فيه سبحانه ولاتخافي سواء نقلت معه ام بقيت فلن يضيعك رب العالمين فتعلقي بحبل الكريم وحده واسأليه وحده وادع بخيري الدنيا والاخره ولن يخيبك ربي أبدا
ومن خلال كلامك عن زوجك ارى ان فيه خيرا كبيرا ف اقنعي من الدنيا باليسير تعيشي في اسعد حال وكل شيء يتم بالرفق واللين والصبر والكلام الطيب
دمت بحفظ الله ياغاليه 💐

حبيبتي
من اي كلام استشفيتي ان زوجي فيه خير كثير
وهو مؤلف فتاوى لمصلحته
انا مااشوف اي واحد ظالم فيه خير ابد
استمراري والمحافظه عليه بسبب اطفالي فقط لاأكثر
ويمكن لان وجود حبي له اللي مدري ليش احبه مستغربه من نفسي قد ايش اخاف اخسره
فيه جوانب كويسه ماأنكرها
كلامك اقنعني ودخل راسي
يمكن ارفض انتقالي باسلوب لف والدوران
اشوف ردة فعله
مااتصور بعدي عن اهلي
وعلى شي مايستاهل لاني اعرف انه فاشل بالعدل