[بسم الله الرحيم
انها تقطع القلب راح اقولكم ومااطوول عليكم
صديقتي اسمها ساره وعمرها 22سنه
ساكنه بالرياض.... المهم ... كان فيه يوم من الايام
دق جوالها رقم غريب وساره ردت المهم طلع
ولد يقوول انه غلطان وصار يدق كل شوي
ويقول ابي اتعرف عليك ومن هالكلام قامت
ساره تهاوشه وهو ماعليه يدق ويقول كلام حب
وبالنهايه لعب عليها الشيطان وكلمته
وتعلقت فيييه بسبب كلامه اللي يقووله له
وانتم تعرفون قلب البنت ومشاعرها وعلى
طوول تتعلق .... وبعد فتره صاار يحلف انه
يحبها وهو اصلن كذااب حسبي الله
علييه والله يكشف ستره
المهم قعدوا مع بعض سنتين السنه الاولى
احلى الكلام فيها وارسل لها صورته واللي خلى
ساره تثق فيه انه يرسل صور
خواته وصور بنات اخته وارسلت له صورتها
وهوكان يلعب عليها بالكلام
وهي صدقته يابنااات لوتشووفون حلفه بالله
كيف وآثاريه اصلن مايخاف من ربه وساره
على نياتها صدقته....وفي البدايه قالت له
اسمها مستعار وبعدين قالت له اسمها
الحقيقي حتى اسمها بالكامل قايلته له
وهو بعد قايل لها كل شي يخصه اسمه بالكامل
واسماء خووااته
وساره احسن شي سوته ماقالت اسامي
خواتها الحقيقيه قايله له اسماء مستعاره
بس اسامي اخووانها الكبار قايلتها له
وهو ولا في حيااته شافها وجه لوجه بس
بينهم صور وهوساكن بالشرقيه
وعمره 27 سنه على قولته الله لايسعده
ويتعذر بالظروف يقول والله مااقدر اجي الرياض
وهواصلن يكذب لانه بس بيسوي سواته الشينه
وحتى رقم اهلها الثابت يعرفه لانه سبق ودقت
عليه منه وهو كان يمثل عليها ويقول لاعاد
تتصلين منه ماابي اكلف علييك
وهو كان يقول كذا عشان يبيها تثق [/SIZE][/FONT]فيه
اكثر المهم لما بدت السنه الثانيه لهم
وهم مع بعض قام يتهمها بأشياء ماسوتها
وهي اصلن ماسوت اي شي من اللي
قاعد يقوله وهو كان يكذبها بس عشان
يسوي اللي برااسه الله لايوفقه
المهم صااااار اللي ماتتوقعه في حياتها
وهو انه يهددها بالصور تخيلو يابنات بعد
الكلام اللي يقوله لها هي مااستوعبت
الصدمه ... قالت ليه تهددني ماتوقعتها منك
قال:: اصلن من قال لك اني احبك انا كنت
العب علييك قالت له:خلاص اتركني وامسح
صوري واعتبرني مثل خواتك
قالها:على كيفك اتركك كذا لازم افضحك
عند اهلك واخليهم يذبحونك ذبحة الشاه
وبعدين افتك منك قالت له:استرعلي
ولاتفضحني ............. يابنات والله انها تبكي
وتترجاه وهويقولها:لوتبكين ليووم الدين
والله مااخلييك لين افضحك وحتى الثابت بدق
عليه لين اهلك يردون واقولهم انا فاعل خير
وصو ر بنتكم عندي واذا انتم مو مصدقيين
عطوني رقم جواال وانا ارسلها على طوول
.................................................. ........
يابنات الله لايسعده يقول انه بيسوي كذا
وساره خلاص رااحت فيها من الخوف
وصارو خواتها يقعدون عند الثابت عشان
مااحد يرد ع الثابت غيرهم لانهن هم عاارفين
سالفه هالنذل وماتوقعو انه بيسوي كذا
وبعض الاحيان يفصلونه عشان مايدق
واحد من اهلهم يرد والله انهم عايشين بخووف
وحتى يابنات يقذفها في عرضها وشرفها
يقوول لها كلام انا استحي اقوله لكم بس ان
الله كرريم رااح ياخذ حقها من هالواااطي
المهم وعلى هالحال صارلهم6شهور
وبعدها ماقدرو يتحملوون تهديد هالحيوان
قامت وبلغت اختها الهيئه وماقصروا الله يوفقهم
ساعدوهم طلبو تسجيل لصوته وهو يهدد
واخذو صوورهالكلب وقالو ان شاء الله بيمسكونه
يكفي ان معااهم كل الادله اللي تثبت ادانته
وهم صار لهم من يوووم بلغو اسبوع ولحد الآن
ماردو خبببر بس دعوواتكم ان الله يكشف ستره
وانا اي جديد يصير على سااره راح اكتبه لكم
وانا والله يابنات كتيت سالفة ساره صديقتي
عشاان تتعظون منها وماتصدقووون اي احد
من هالذئاب البشريه الله يستر على بنات المسلمين
واللي ابيه منكم تنتبهوون وتعلموون كل غافله
لعب عليها الشيطان وكل وحده تمشي بها
الطريق اقولها والله ماوراء هالكلاب الاالفضاايح
الله يستر عليكم يابناات ابيكم تدعوون لصديقتي
سااره ان الله يسترعليها ويفكها شر هالكلب
ويكشف ستره عاجلا غير اجلا وان شاء الله
ابشركم قريب انهم قبضوا عليه وساره صح
انها غلطت بس والله الحيين لوتشوفونها
ندماانه على كل شي وتابت لربها واخذت
على نفسها عهد انها تبتعد عن هالطريق
والله يقبل منها توبتها بأذنه قادر على كل شي

دعووواتكم يابنات لها الله يسترعليكم ويرزقكم
بالازوااج الصالحه
.................................................. ..............
اللهم استرني في الارض وتحت الارض
ويوم العرض وفي الدارين دار الدنيا ودار الاخره
.................................................. .............
اللهم اغفرلي ولجميع المسلمين والمسلمات
الاحياء منهم والامووات
.................[/]......................................
اللهم صل وسلم وبارك على نبينا محمد
صلى الله عليه وسلم[/CENTER][/CENTER][/SIZE][/FONT][/COLOR][/SIZE][/B][/I][/B][/I][/SIZE][/FONT]

الله يستر عليها دنيا وآخره

مااااأدري لمتى البنات يمشون ورى عواطفهم ؟؟!!!

متى يتعظون من القصص اللي نسمعها ونشوفها ونقرأها ؟؟!!

الى متى؟؟!!!


ألى متى ؟؟؟!!!


ألى متى ؟؟!!


وتتوقعين الكل بيتعض من هالقصه ماأتوقع ياما سمعنا قصص أشنع وافظع من هالقصه وبرضه مستمرين في غبائهم وتناحتهم ؟؟!!!


والحمد لله أن صديقتك ماتورطت مع هالخسيس أكثر من كذا ؟؟

والله يغفر لها ويتوب عليها

وأن شاء الله هالانسان الحقير فضيحته اليوم قبل بكره


طمنينا بآخر التطورات ويارب تكون كلها خير


الله يهدي شباب وشابات المسلمين ويحفظهم من خطوات الشيطان

__________________
أشتقت لكم جداً 💔

نصيييييحه من كل قلبي لكل بنت لا تردين على اي رقم غريب مهما كان الثمن

حتى لاتضعفين وتلينين مثل الأخت

لاتقولين لأ أنا غير وماأحد يقدر ياما بنات تورطوا والسبب أنهم يردون على كل رقم وتقعد تاخذ وتعطي معاه وتسب ومدري أيش ؟؟

وماتحس ألا وهيه متورطه ؟؟؟


نصيحه أقدمها من كل قلبي

__________________
أشتقت لكم جداً 💔

فعلا صارت هالقصص منتشرة بقوة
دايما البنات الي ناقصهم حنان عند اهلهم تلاقيها رايحة على هالطريق
ربي يرزق جميع بنات المسلمين بالازواج الصالحه يارب
يارب استر علي وعلى بنات المسلمين اجمعين
طمنينا ايش يصير معها وان شاء الله ربي يستر عليهابس اهم شي تتوب

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

زين الحمد لله اانها وصلت الى هذا الحد مااتورطت اكثر من كدى وخاصة انها صغيرة رب يسترنا كلنا اللهم اااامين

وهو فعلا خسيس وجبان ونذل وراح يلقاها فى اخواته ان شاء الله

__________________

اسأل الله ان يصرف كيده عنها

ولكن كما انها اخذت بالاسباب الدنيوية
لا تسنى الاخذ بالاسباب الربانية

لا تنقطعى عن الدعاء والتضرع الى
الله عز وجل فى الثلث الاخير من
الليل ان يصرف كيد هذا الفاجر
عنها ويقيها شره ويشغله بنفسه

اللهم آمين يا رب العالمين

__________________

انا اشوف انها هي الغلطانة اكثر منه
وين عقلها وتفكيرها وكيف اصلا يحبها وهو ماشافها
لو الحب كذا بهذي السهولة كان الانسان تبهذل وصارت حياته تعيسه وطنش كل شي شغله واهله ودينه وماله هم بالحياة الا الحب كان يحب بنات العالم كلهم في اسيا واوربا وافريقيا وكل الصور يحبهم الي بالمجلات والي بالقنوات الفضائيه وصارت البنت او الولد مايطلع ومايروح لسوق لانه مجرد مايخش بسوق بيذبحه الحب بيحب جميع الي بالسوق !!
ياختي الحب مو بمكالمة جوال او بنظره من بعيد او بصورة .
وعلى كل بنت تثق تماما انو مافي ولد يحب بنت تكلمه هذي فترة من حياته يتسلى فيها ياطالب يبغى ينتهي من دراسته او عاطل ويبغى يتسلى حتى يتوظف وهكذا.... هي مجرد تسليه وفي النهاية يتركها وينساها وبعضهم يعتبره نقطه سوداء في حياته ويدعي عليها كل مايذكرها
الحب الحقيقي لا يأتي الا عن طريق الزواج وماعدا ذاللك مصيره الزبالة طال الوقت ام قصر
ونهايته مرض نفسي اضطراب عقلي قلق حزن ارق خوف عدم امن (ومن اعرض عن ذكري فان له معيشة ضنكا....)

الله يستر عليها وعلي وعلى جميع بات المسلمين

الله يستر عليها وعلى بنات المسلمين
والأنسان المفروض ماينساق وراء عواطفه ويفكر بعقله

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

الله يستر عليها يارب وعلى جميع بنات المسلمين كثير فاقدين الحب والحنان والعواطف من الاهل دي النتيجه يارب ارحمنا برحمتك

__________________
ياررب ارح قلبي وعوضني خير