ها انا اعود مع استفسار اخر بس هذي المرة مشكله
مع كثرة مشاكل الي تصير بينا...ماعمري توقعت انه يوم يمد ايده...مره وعدينها..المره الثانيه كانت بشكل وحشي
والله اني كنت خايفه اموت تحت ايده حتى انه وصل لمرحله انه يزغدني عشان لا اصرخ بعد ما وصلوا اهله على اصواتنا حاول يضربني جدامهم..والله ماكنت حاسه بالالم كثر ما متفاجاة بلي يسويه....المشكله انه كنت اسولف وياه امه خواته..فهم جابوا على طاري زوجي انه قالهم شيء عني .مابي اذكره ..فانا انحرجت بس تفاجاة اني هذي امور لازم واحد ما يقولها.فلما رحنا البيت والله كنت اكلمه بكل ادب قلتله زوجي مو كل شيء ينقال لاهل يعني في اشياء تنقال لكن امور في غرفه النوم واني انام يكون شكلي كذا كذا هذا ما ينقال....فهو عصب عليه وكذبني معنه امه الي قايل هو وانا مره بعد سامعتنه باذني ...انا اصلن عارفه اني ينقل كلام الي صير بينا لانه مو اول مره اقول كلام معاها اسمعه في بيت اهله..حتى عن الدوره شهريه.اعرف اهله يعرفون..معنا مو عايشين بيت واحد ولا اني خبرتهم..المهم هو عصب من نصيحتي. لما صار اليل مع هذا رحت صالحته..وعشنا ليله مصالحه ..لكن شكله هو ما كان راضي بعده الصبح انقلب رد ينتقد في شكلي..والله بشكل يجرح هذي مو اول مره.ففضلت السكوت ...كنت انظف قالي روحي اكوي كندوره عشان اروح مسجد قعد ينتقد يقولي من زين تنظيفج عاد بعدين قال هاتي كندوره من زين ما تكوين الكندوره..قلتله خلاص اذا مو عاجبك هات خدامه..ما اشوف الي شخص كاسر هجم عليه.
المهم دارت فيني الدنيا..حسيت اهله مو مهتمين .فقلت اعلم اهلي.لانه مره الاولي سكت.فاحسه تمادي بثانيه ..فجاه خالي اخذني قالي لو حد اتصل فيج منهم قليلهم عندكم خالي تفاهمو وياه انا ما كنت ابي اكبر مشكله بس ما كنت ابي يتمادي مااقدر اعيش ويا ريال كل مابصير مشكله بمد ايده في نهار يضرب وفليل يتمتع ولا جنه صار شيء ولا حتى يتعب عمره يتاسف
انا عارفه كثير بقولولي غلطت بردي عليه..بس والله من القهر عمري ما سوتله شيء عجبه لازم ينتقد
حتى لو اني غلطانه بردي عليه بس ما كنت استاهل هذا الضرب كنه يضرب رجل هب حرمه

ادري بعض بقولي اصبري مع الايام بتغير..صح لاني من معاشرتي لاهله شفت وايد اشياء غلط في تربيتهم...انا استحملت كل شيءانانيته.وعدم صدقه في كلامه.وعلى علاقاته هاتفيه و.على تسلطه.وعلى كلامه جارح.على اهماله وعلى بخله .كله اقول مع الايام بتغير بس ماقدر استحمل الضرب اقول مع الايام بتغير
بنفس الوقت انا مابي الطلاق اخاف الامر يوصل لهل درجه ابي بس حاله يتصلح.معنه ادري هو لا بحن ولا شيء انا اعرفه
بس
ماعرف هل الي سويته صح اني علمت اهلى ..ولا انا كبرت مشكله اكثر من لازم

__________________
علمت بأن رزقي لن يأخذه غيري .. فاطمئن قلبي !!!

مرحبا أختي ..بحور الصمت .
بصراحة أنا لو كان زوجي بالصفات اللي قلتيها من زمان طلعت من بيته ترى ((من أمن العقوبة أساء الأدب )) بالعكس اللي سويتيه مب غلط عين العقل لأن لازم يحس انه وراج أهل يساندونج وأنه لج كرامة ترى الرجال وبالذات المتسلط اذا شاف أنج تتهاونين معاه في بعض الأمور مرة ومرتين بعدين يبدأ يتمادى ويحس أنه الشي اللي يسويه سواء انتقاد أو ضرب هذا شي من حقوقه ولا بحس أنه الشي اللي يسويه غلط ... وعلى فكرة الضرب مب شي عادي عشان تسكتين له .. وأنه يقول أسراركم على فراش الزوجية بعد هالشي أبدا مب عادي .. وكذبه وعلاقاته الهاتفية وغيره بعد مب شي عادي ..
على فكرة عزيزتي أنا أحس أنه قلبج طيب زايده عن اللزوم فهذا الشي امخلينج اتحسين بتأنيب الضمير وانا اللي سويتيه في حق زوجك شي غلط .. بس أنا أقولج يا عزيزتي طيبتج هي اللي خلتج اتحسين هالأحساس .. واذا اتراجعتي عن قرارج هذا غلط بحس أنج ما تقدرين تستغنين عنه وبعدين حتى لو زعلتي مرة ثانية ورحتي عند أهلج أهني صدق بطنشج وبقول بتزعل يومين وبترجع .. على العموم أنا أشوف اللي سويتيه صح صح صح ولا تتراجعين لحد ما اترد كرامتج ..
مع تمنياتي لج بالتوفيق عزيزتي

اذا كان ماذكرتيه صحيح فليس من بد ان تذهبي لبيت اهلك وتخبرينهم باللذي لكن بشرط ان لا يعلم بشيء حتى لو صار ردة فعل اهلك سلبية وما ساعدوك ما تتضررين ، حتى ابوه ما احس ان فيه خير يعني وشلون عندكم خالي تفاهموا معه المفروض يربي ولده ويردعه وليس يكون معه. ممكن اقول لك اصبري لكن حديثك يدل على انك صابرة اكثر من اللازم. صدقيني اذا شاف وراك اهل ياقفون معاكي بيدوس بريك او فرامل في تعامله معاكي لكن انتبهي لردة فعل اهلك ممكن تكون سلبية ويرجعونك له وهنا يستأسد الرجال عليك. بس وضحي الامور لاهلك كاملة من الى.

أحسن شئ سويته ..
لاترجعين له إلا بعهود وشهود ونقود..

وإلا ستتشوهين وقد يكسر لك يوما عظما أو يدمي لك جرحا..

تحياتي لخالك فهو والله الرجل..



وفقك الله وفرج همك ..

__________________
أحب جبالك يالجنوب وأحبك لأنك أنتي الجنوب

اختي بحور الصمت الله يساعدك على هالزوج المستهتر اصلا هو مايفكر ان كرامته من كرامتك وان المفروض يحفظ اسرارك الي هي


اسراره انا مع الي قبلي الضرب مو مساله عاديه مو من حقه يضربك انتي ماسمعتي الي يقولون طقاق المره طلاقها بس انا ماقول

تطلقي بس لازم اهلك يوقفونه عند حده ويفهمونه ان البيوت اسرار لازم يحترم اسرار بيتكم ومايطلعها مع اي احد حتى لو اهله

والله يهديه ويصلحه

اختك تفاحه

السلام عليكم .......صدقيني اخيتي اي رجل يتطاول على مرأة بالضرب لاسباب تافهه لا يستحق لفظ رجل نصيحتي لك لا تعودي الا بوعد منه على الا يهينك سواء بلفظ او فعل وفقك الله

__________________
[SIZE=7]اللهم هب لنا من ازواجنا وذرياتنا قرة عين لنا واجعلنا للمتقين اماما[/SIZE]

يا اختى الرجل بداخله طفل محتاج معامله خاصه وردود الافعال المتشنجه لا تجدى فلو غضب لا تردى عليها بغضب اكبر
فانتى مثلا رددت بصوره غاضبه على كلامه اذا مو عاجبك هات خادمه
فطبيعه زوجك بيشوفها اهانه فلا تردين عليه بثوره غضبه بنبره متحديه وغاضبه
واذا كان لك اى مطلب فليكن بهدوء ووقت يكون مزاجه معتدل
حتى مسئله كلامه عن خصوصياتك لاهله انتقى وقت هدوء اعصابه وكلميه باللين

أعانك الله وفرج عنك.. آمييييييييييييييييييين


تحياتي،،

__________________

اختي لا تكوني وايد مستسلمه وياه
دافعي عن حقك
اتركي البيت عشان يحس بالشي اللي قاعد يسويه وقولي لاهلك يتصرفون وياه ترا العيشه معاه مو سهله
وخلي يوعدهم ان ما يمد ايده عليك وبعدين رجعي
والله ان قلبي يتقطع عليك وانا اقرأ وتحملي منه لا تخلينه يضربك اختي مو زين لك وعلى صحتك

الله يهدي سركم ياربي

تحياتي

__________________

سبحان الله تعرفين أن طباعه سيئة ومعاملته لك منذ أن كنتم في مرحلة الخطوبة ومع ذلك رضيتي به زوجا لماذا قبلتي به هداك الله من الأول وأنتي تعرفين طباعه حتى لو أن تم الملاك بينكم مادام ولله الحمد لم يمسك تعتبرين بكرا وسوف يرزقك الله خيرا منه قرأة موضوع لك سابقة وعنوانه تقريبا انا لم استطع فهمه وكنتي تشتكين منه منذا أن كان خطيبك فكيف رضيت به زوجا على العموم أنا اقول مادام ماصاربينكم عيال والله الأفضل إذا ماصلح حاله إنك تطلبين الخلع وسوف يعوضك الله خيرا منه فكرامتك فوق كل اعتبار


نسأل الله الهداية لزوجك وأن يفرج كربك

__________________