إحذرى تطبيق الخلطات المفتحه للبشره من النت

04-01-2009, 09:18 PM

المصرية

عضو متألق

تاريخ التسجيل: Mar 2006

المشاركات: 5,125

إحذرى تطبيق الخلطات المفتحه للبشره من النت

السلام عليكم ورحمة الله وبركاته

بنات انا كنت وعدت أخواتى هنا فى قسم المرأه
ان هنزل وصفات وخلطات
أنا طبعا عايزه أعمل خلطات قبل فرحى زى اى عروسه واطبقاها الايام الجايه دى

المهم قولت أدخل النت وأدور فى جوجل وفعلا دورت وحملت صور المنتجات المستخدمه فى الخلطات
وقولت أجرب على نفسى الأول قبل ماأجى أضر حد بواصفاتى وخلطاتى

المهم يابنات كل مادخل أقرا خلطه حلوه تفتح
بجد حوالى 20 نوع كريم مفتح +20نوع زيوت+ على 1000 بنت كاتبه تجربه مختلفه
ودى تشكر فى تجربتها ودى تقولها حرام عليكى حرقتيلى وجهى

وهكذا ورااااااااااااسى داخت من الخلطات وبعد مانزلت الصور من أحبااااااااااطى من الخلطات المكتوبه
اللى بجد تلخبط وتصدع قررت أمسحهم ومسحتهم فعلا من على جهاااااازى

وأفتكرت شيئ البشــــــــــــــــــــره الحساسه وهذا النوع ليس كل الناس هكذا حتى التى تقول بشرتى حساسه

هى نفسها ماتعرفش يعنى أيه بشره حساسه

أنــــــــــــــــا فعلا بشرتى حساسه وبليل ان البشره الحساسه نادره
أحكيلكم موقف أغلب الخلطات الخاصه بالبشره الحساسه على النت هو (اليمون+ زيت الجلسرين) فقط
لأ والبنات مقوين قلبهم أنها للبشره الحساسه ومصدقين نفسهم بقوه

فأخذنى خيالى الصاعد أتذكر الطفوله

كان ياماكان
كان أخر يوم فى رمضــــــــــان وكانت ليله شتويه بارده

نائم أهل البيت جميعا
معدا أنا

من فرحتى أن العيد بكره سهرااااااااااانه قدام جانا العيد أهو جانا العيد

المهم أفتكرت أن ست الحبايب أمى رمز الحنان والنعومه
كل شويه أشوفها ماسكه ازازه صغيره وشغاله دهن بيها
مره وجها مره رجلها مره أيدها
والنعوووووووووووووومه ياسلام

جرررررررررريت حضرتى

ومسكت الازازه على أيدى وادهن بكل ثقه
وبعدين يابنات لقتها بتحمرررررررر خالص وبتحرقنى جداااااااااا
قولت ياترى ماما بيحصلها كده

بعدين أيدى تعبتنى وهعيط

خلاص من الوجع وكأنها محروقه بزيت مغلى
جريت أغسل أيدى بماء دافئ وبكيت من الوجع وخوفت أصحى ماما

وقولت العلاج الفعال لهذه الحاله هوووووووو ميكركروم ده دهان لونه أزرق غااامق وبيلون المكان المدهون حوالى 10 أيام باللون الازرق ودهنته فعلا وأيدى بقت زرقاااااااااااااااااااا

وعلى صلاة الفجر أستيقظ أهل البيت
ولما ماما شافتنى صوووووووووتت فى وشى

وحبستنى فى البيت أيام العيد كلها عقاب ليا

وجانا العيد اهو جانا العيد

طبعا بعد هذه الذكرى المؤلمه فى نفسى أكره شيئ أسمه زيت جلسرين
ولو تجمعوا كل البشر على مميزاته مستحيل أفكر انى استخدمه

لذلك بعد الرغى الكتتتتتتتتتتتتتير وبعد ماصدعتكم
البشره الحساسه مثل حالتى لا ينفعها غير مراهم وكريمات طبيه تحت أشراف طبيب
فلن أجازف بأى خلطه من النت

إلى اللى واثقه أنها أمنه 100%
وطبعا عندى هذه الوصفات وبعملها داااااااايما وهى طبيعيه
ومكونتها عسل
وزبادى
وبدرة تلك أطفال
وماء ورد
وبيكربونات الصوديوم
وزيت زيتون
وسكر

واللى عنده حاجه طبيعيه يكتبها

__________________

04-01-2009, 09:32 PM

shahd 2009

عضو نشيط جدا

تاريخ التسجيل: Dec 2008

المشاركات: 261

أهلا أهلا بأمورة المنتدى..

عندك حق حبيبتي..
مش كل الخلطات بتنفع لكل أنواع البشرة..
دي أول حاجه..

تاني حاجه انه أحيانا أقرأ حاجات بحسها غريبه وممكن مع الوقت تضر..
مثل الفكس..
كتير بلاقيه في الخلطات رغم اني مرة سمعت من دكتورة ان كثر استخدامه
على البشرة بيضر..

والله أعلم..

على أي حال شكرا يا حبيبتي على التنبيه,,
وتسلمي لكل بنات المنتدى يارب..

ويلا داومي على الخلطات اللي انت عارفاهم ومجرباهم علشان تبقي أحلى
عروسة في يوم فرحك.. :14:
الله يسعدك يا رب ويتمملك على خير..

__________________

((إن تكونوا تألمون فإنهم يألمون كما تألمون وترجون من الله مالا يرجون))

05-01-2009, 06:25 PM

مصلية على النبي

عضو جديد

تاريخ التسجيل: Nov 2008

المشاركات: 15

والله انك صادقة يالمصرية

والله في خلطات تخوف كذا كريم مع بعضهم ومايدروا عن اثارها الجانبية ولو خلطت مع

بعض ايش راح تعمل والدكاترة يحذروا منها

وفي كريمات ممنوعة في بلدان وبتتهرب في بلدان أخرى لخطورتها ولاحتوائها على نسبة كبيرة من الزئبق

أو الكورتيزون ....... والنتيجة بياض لايام وبعد تركها حساسية وسواد اكثر من قبل

وحبوب وبهاق و..و..و... واشياء كثيرة الله يكفينا شرها

بس والله اني دخت السبع دوخات علشان الاقي خلطة تفتح من جد وطبيعية وما تخوف

مالقيت غير اللي انتي اشتكيتي منه بس مو الزيت

(كريم جليسوليد الأحمر + الليمون) لكن النتيجة بسيطة وبعد مداومة 5 أشهر وبستمر بما انها ناسبتني

وكذلك النشا + ماء الورد مررررررة حلو للوجه ينوره ويصفيه

واللبن لوحده أو نضيف معه ملعقة صغيرة عسل روووووووووعة قبل المكياج

وهناك المقشرات الطبيعية مثل (السكر + الليمون + زيت الزيتون)

ولـــــــــــــــــــكن اللي بينفعني ما ينفع غيري والعكس صحيح

وربك يعينا جميعا ويعدي ليالينا على خير وستر وبركة

وربي يسعدك ويتمم لي ويتمم لك على خير ويسر

ادعيلي وادعيلك.........

تحيـــــــــــ (اللهم صلي وسلم على سيدنا ونبينا وحبيبنا محمد ) ــــــــاتي

06-01-2009, 02:57 AM

san77

عضو جديد

تاريخ التسجيل: Dec 2008

المشاركات: 12

السلام عليكم ورحمة الله وبركاته معك حق احدي صديقاتي استعملت وصفة من النت لا زالت تعاني منها الي الان فقد احترقت بشرة وجهها واصبحت جد حساسة .في المغرب شجرة ناذرة يستخرج من بذرتها زيت للتجميل اسمه زيت اركانargane له مفعول سحري في تنظيف و تنعيم البشرة يباع بثمن باهظ

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه