صباحكم ورد
انا ولدت ولله الحمد وعندي بنوته اموووووووووره ولسا ماكملت الاربعين المهم بالموضوع(زوجي) حاسه انه متغير صاير متضايق. هاااادي مع ان طبعه المرح.
عيونه فيها كلام واسرار وهموم .حاولت اعرفها بس كان رده مافيني شئ اويصرف الموضوع
ماصار يسولف معي واذا سولف احس ان شاغل باله شئ مهم بس مايقوله بصريح العباره
صار بمضمون كلامه انتي تكرهيني ماتحبيني انت ماتحترميني انت انت انت كأني شخصيه مو عاجبته وهذا الشئ جارحني
ماادري كيف اعرف وش فيه؟
اقول بنفسي يمكن دخوله معي بالولاده غير نظرته عني!!
صار يحاول يبعد عنا يشغل نفسه حتى نسي ان عنده غرفه نوم وصار ينام بالصاله ويتعذر بالمكيف مع اني اشغله او ازعاج البنت وهذا بعد اعمق من اي جرح جاء منه....
وش اسوي ابي زوجي يرجع مثل اول ابي اعرف وش سبب صدوده عني؟!!!!!!!!!
ساعات اقول يمكن اني مهمله معاه وتوجه اهتمامي لبنتي بس وربي اني احاااااااااااول قد مااقدر مايشغلني شئ عنه بس غصب عني لاني بكريه ولو بس البنوته تتحرك رحت اشوفها خوف عليها
انا مابي اخسر زوجي ويلاقي اهتمام من غيري بس عجزت اعرف وش اسوي

السلام عليكم ...



بعض الرجال يغارون من اهتمام الزوجة باطفالها وخصوصا الأول ( صدمة ) ...

فيظهر هذا الضيق على شكل ما ذكرتي ( هذا مع احسان النية )

فأعانك الله عندك طفلين لا واحد فأعطي كل ذي حق حقه


دمتي في حفظ الرحمن ،،،

يغطيك العافيه رسيل
سعدت بردك

مثل ما قالت الاخت رسيل ترى بعض الرجال يغارون من الطفل لانه راح يجعل اهتمام الزوجة بالطفل فحاولي قدر الامكان انك تكوني قريبة منه ايضا حاولي تتكلمي معه وتوضحي له انك ملاحظه تغيرة وابتعاده وخبرية اذا كان بسبب الطفله فانه هو المحور الاول في حياتك وهو الاصل حتى يطمن ويشعر بالراحة ويقدر ساعتها يتكلم معك بالموضوع اللي شاغل باله

انا متأكدة صارله نفور بعد ماشفج في الولادة اتعرفين شو اتسوين حاولي اتنسينة البسى وروحي غيري لون شعرج وحطي حنا وشوفي عقب شهر شو بيستوى

اختي ممكن السبب الغيرة مثل ماذكرو الاخوات وووووالسبب الثاني انت دخلتي زواجك معك غرفة الاولدة هذ ممكن يكوان سبب يختي لله يهدايك هذي اصعب الحظةتمر على المراة كيف تسمحين الزواجك يشوفك بعض الرجل الموقف صعب علية =====لله يعينك تحوال تعرفي السبب وتنسي زواجك الموضوع وانا انصحك لاعد تدخل زواجك معك===========

يعطيك العافيه اختي الجواكندا واكيد مهما كان هو المحور الاول

اخواتي ام مالك222ومنيره دخوله معي الولاده كان غصب عني لان ماكان احد قريب عندي خصوصا اني بمدينه بعيده عن اهلي واهله وولادتي جت مفاجاه
انصدمت لوكان هالسبب هو اللي مغيره علي فياليييييييييييت اني تحملت الالام وقاومت الخوف وولدت لوحدي
بس هو كان بعد حريص يكون معي

لا حول ولا قوة إلا بالله.

والله يا أختي هناك أمور لا أفهمها ولا أجد لها تفسيراً منطقياً!

أنتِ والدة للتو .. ولم تكملي الأربعين بعد كما تقولين .. يعني طبيعي أن تكون ابنتكِ هي رقم 1 الآن .. وطبيعي أن تكوني مشغولة ((((تماما)))) بالصغيرة الله يحفظها .. وطبيعي أن يكون وضعكِ مرتبك وغير مربت لأن أوضاع الصغيرة لم تستقر بعد ... يا أختي حتى الرضاعة الطبيعية تحتاج عدة أسابيع حتى يستقر روتينها وتستطيعي أنتِ أن تتنفسي قليلاً!

وزوجكِ ـ الذي يتمنى بكل تأكيد أن تكون له ذرية وأبناء ـ غير قادر على تحمل هذا التغيير الذي يفرضه وجود طفلة رضيعة؟!!!!



مع احترامي لمن قال إنها غيرة ومع احترامي لقول العزيزة رسيل (عندك طفلين) .. الرجل هنا ليس طفلاً .. الرجل رجل .. بالغ عاقل راشد .. يفترض أن يستخدم عقله ويكون منطقياً وعادلاً في مثل هذه الأمور ... وإن كان سيغار من طفلة صغيرة تحتاج لعناية مستمرة ويرى أنها ـ ابنته ـ أخذت مكانه وأخذت من الوقت الذي تعطيه إياه زوجته ـ فهذه ـ لا أدري هل أسميها أنانية أم قلة عقل!!!

ووالله يا أختي لو كانت ابنتكِ كبيرة قليلاً فربما كنت التمست له بعض العذر .. أما وأنها رضيعة ربما لم تكمل شهرها الأول فلا أجد في موقف زوجكِ أي حق!!!



اجلسي مع زوجكِ جلسة جادة .. اسأليه عما به فإن تهرب من الإجابة فتحدثي أنتِ عن نفسكِ .. قولي له إنكِ تحبينه وتحترمينه ولا شيء يمكن أن يبدل هذا الأمر .. وأنكِ غير سعيدة لاضطراركِ إهماله .. ولكن الطفلة تحتاج وقتاً كبيراً وتحتاج لعناية ومراقبة مستمرة خاصة في شهورها الأولى .. ووضحي له أن ملازمة الصغيرة ومتابعة كل شؤونها أمر متعب بقدر ما هو ممتع .. ويفترض أن يقدم لك العون إن لم يكن فعلياً فعلى الأقل معنوياً .. لا أن يزيد عبئكِ وتعبكِ.


الوضع الجديد يفرض نفسه وبالتأكيد ما قبل ولادة الطفلة ليس مثل ما بعد ولادتها .. وإن كنتِ تعطين زوجكِ 90% من اهتمامكِ في السابق فطبيعي أن تتقلص النسبة في ظل وجود طفلة صغيرة هي التي تحتاجك أكثر الآن.


كان الله في عونكِ.

__________________


اللهم طِيبَ الأثر .. وحُسْنَ الرحيل.

السلام عليكم والرحمة
اتفق انا مع اختي مهرة فيما قالته ^^
الله ييسر لك امرك

__________________