اليوم مطيت بالنوم صار له طعم غير يمكن عشان وراي طبخ ونفخ 3 الا ربع بنت اختي مركبه المنبه وفزيت عليه
دخلت المطبخ وسميت بالله وبديت اجهز،،
اول شي بديت بفطائر الشوايه ،،
المقادير نص بيالة زيت فنجال سكر ملعقة خميرة كاس لبن ذرة ملح دقيق تقريباً 3 اكواب ،،
تعجن و تخمر ساعه وتكور ،،
ثم نجيب الشوايه ،،
وندهنها زيت ونحط فيها الكور ونضغط عليها وتطلع بهالشكل ،،
عقب نفتحها من النص ونحشيها ،،
سلقت دجاجه ونتفتها وحشيتها جواته ،،
النتيجه النهائيه ،،
عقب رحت اجهز كرات البطاطس سلقت 3 بطاطسات على النار وبشرتهم وحطيت معهم ملح وفلفل ،،
وكورتهم ودخلت جوى كل كوره جبن كرافت ،،
نجيب طحين وبيض وشابوره ،،
نغمس كل وحده بالطحين اول عقب البيض واخيرا الشابوره ،،
اخيراً نقليه ،،
سويت كم حبه من الكلوب لماي براذر ،،
نقطع خبز توست صغر ونجيب جبن شرائح ودجاج مسلوق منتف نحط فيه بهارات ونجيب الطبقه الاولى من الخبز نحط فيها جبن والطبقه اللي فوقها نحط طماط مقطع صغار مع فلفل رومي والطبقه الاخيره دجاج ونحطهم بصينيه وعلى الفرن يحمرون من فوق مجرد تأخذ لون ،،
اخر شي سويت الحلى من امس الليل سويته لانه ياخذ فتره لحد مايجمد ،،
__________________
اللهم اغفر لأبي وأرحمه يا أرحم الراحمين
اللهم اجمعني به في الفردوس الأعلى وأهلينا والصالحين اللهم اغسله
بالماء و الثلج و البرد اللهم نقه من خطاياه كما ينقى الثوب الأبيض من الدنس اللهم اجعل قبره روضه من رياض الجنه
اللهم بارك لي في أمي ومتعها بالصحة والعافية يا أرحم الراحمين