السلام عليكم ورحمة الله وبركاته


انا جايتكم اليوم وانا اسال الله ان يهديكم للصواب وتنصحوني بالنصيحه اللي نفيدني ..


انا شابه عمري 24 متزوجه من 3 سنوات عندي بنت عمرها سنه ونص والحين حامل ..

زوجي يحبني وما يقصر علي بشيء ماديا او اي شيء ابيه ..

يقول احبك وعارفه اني غاليه عنده ..

بس هو مايحسسني بوجوده ابدا ..

في الصباح يداوم واذا طلع تغدا ونام للعصر .. واذا قام راح للأستراحه ويجلس الين الساعه 10 في الايام العاديه

والساعه 1 باليل بالخميس والجمعه ..

وما يتواجد في البيت حتى عالوجبات الرئيسيه ..

مع اني ساكنه مع اهله وانا اللي قايمه بالبيت كله ..

يعني اطبخ واصلح الوجبات ويتغدون اخوانه واهله وهو مايكون موجود ..

واذا جا ونوا يقعد بالبيت جلس تحت وما عطاني وجه ..

هو يظن ان الحياة كلها ماده وتلبية طلبات ..

مع اني اذا طلبت منه نسافر لمدينة ثانية نغير جو وننام هناك يوم او يومين يقول لا ..

اصبغ شعري واغير نيو لووك ما ينتبه اصلا ..

اشتري والبس وموب صوبي ..



ابيكم تدلوني كيف اتعامل معه وكيف اجذبه والفت انتباهه ...


ابيه يحسسني اني شيء اساسي بحياته ...

حبيبتي
اسمحي لي
وجودك عند اهله مسبب بعد بينكم
رتبي وضعك بحيث يحس ان عنده اسرة ويحس بالاستقرار
الا اذا وضعك مريح ولك جناح خاص فما اعرف ياليت توضحين

حبيبتي انا كان صاير معي كذامع اني ساكنة في بيت لوحدي كنت اعمل كل الي تسوية وكمان ماينتبة بس كنت اعمل هذا الشي لله وادعي ان ربي يكتبلي الاجر الين الحين مل من القعدات مع الشباب وصار مايقعد الا في البيت وايام العطل مايخرج غير للصلاة حاولي تهتمي بالمواضيع الي يحبها شوفي ايش مريحة في الاستراحة واعملية ربنا يسعدكم ويوفقك للخير

هلا اختي


انا لي جناح خااص وبمطبخ خاااص ومتكامل ..

امه تصير خالتي وغاليه عندي بالحيل ولا عندها بنات الا وحده وتدرس ..

واخوانه اثنين وكلهم مستقلين بشققهم وبمطابخهم ..



بس اذا كانت نزلتي تحت هي اللي مخربه حياتي مو مشكله عادي استقل لحالي ..

بس كيف اغير الوضع وش تنصحيني فيه ..

وكيف اقدر استقل وكيف اجذبه وابي حركات تحسسه اني مهتمه فيه ..

تكفون مالي احد غيركم ..

انا البنت الكبيره لاهلي .. وماعندي خوات يعلموني ...

حبيبتي اذكر اني كتبت موضوع تحت عنوان مشابه لعتوان موضوعك وهو"نفسي احس اني متزوجة"
وكنت اقول انني اعاني نفس ما تعاني
الظاهر يا اختي ان المشكلة تكمن فعلا في السكن حيث انني انا الاخرى اسكن مع اهله
الظاهر ان الرجل عندما لا يغير مكان معيشته بعد زواجه ويظل ساكن عند اهله ما يحس بشيء من التغيير سوى ان هناك امراة كلما تذكر انه يحتاج الى تفريغ شحناته فهي موجوده لهذا الغرض
وبسسسسسسسسسسسسسس
اشكو همي وحزني لله تعالى
الله يهون علينا ويصبرك يا اختي العزيزة

من ناحيتي انا يكاد يكون طلبي في الانتقال للمعيشة مستقلين شبه يومي
والله المعين

__________________

	ترافقت انا وصديقي وذيب تحالفنا ثلاثتنا ما للخوف داعي صديقي من يجي الليل انومه على ذراعي خفت من الذيب يغدر وخوفي هيج اوجاعي قمت من نومي لقيت الذيب يحرسني وصديقي ورفيق دربي سارق متاعي

طيب هو يشرب شيشه في الاستراحه

عادي اسمح له يشيش بالبيت ؟؟


والا اخليه يستبدله بدخان مع العلم انه ماخليت وسيله عشان يترك الدخان الا وسويتها ..


الله يهديه ويرده ردا جميلا ..

وكمان عنده نت بالاستراحه .. واحنا ماعندنا

انا اشبك من عند خواتي ..

ينقل إلى عالم المتزوجين ... مكانه الأنسب وليلقى التفاعل المنشود بإذن الله

احترامي ؛؛

__________________
... ( بالحب نعيش أجمل حياة ) ...

اختي العزيزة ..... والله كانك تتكلمي عني ..
بس صدقيني المشكله ماهي بسكنك مع اهله ... عمر قربك من اهله مايبعدك عنه ... انا كنت ساكنه مع اهله واللحين طلعت ... والله حياتي يوم كنت عند اهله اهون بكثير ... اللحين اتغدى لحالي واتعشى لحالي ... احيان اطلب من المطعم مالقى احد ياكل معاي...
كلميه وبصراحة يمكن يفيد معك ... انا كلمته اكثر من مرة بس يقول انا كذا وماراح اتغير ...الله يعينك ويعيني وياك .

اعانك الله وهكذا هم بعض اصناف بعض الرجال عليك بالصبر والحوار الهادئ

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً