السلام عليكم
الله يحيك في الرياض بين اهلك واحبابك ... بتنووووورين
ياهلا وغلا .... وماراح تندمين على زيارتك لان احلى شي في الدنيا الرياض قلب نجد
طبعا افخم الفنادق راحت تلقينها في الفيصليه
العنوان
شارع الملك فهد
حي العليا
الهاتف:
.....................
المملكه اللي هو الفورسيزون (شارع الملك فهد - حي العليا )
شارع الملك فهد
حي العليا
الهاتف:
..........................
الماريوت ( شارع المعذر - حي الوزارات )
فندق صحارى المطار والفهد كراون ( شارع المطار )
وفيه الشيرتون ( شارع الأمير عبدالله - حي الورود)
والانتر كونتنتال(شارع المعذر - حي المعذر )
طبعا كلها فايف ستار
وفي شمال الرياض اللي اهو غالبا مايكون اقرب لمراكز التسوق الراقيه ...
نفس الشي في ابراج المملكه والفيصليه مجمعات للتسوق .. شارع العلياء وشارع الامير عبدالله مليان اسوااق ومطاعم
عندك صحارى والعزيزيه مول والعلياء مول ومملكه المراءه في برج المملكه هذي نساء بس ...
اماكن ترفيه عندك الحكير لاند وسيتي ستار ومدينه التزلج << طبعا رجال صاله التزلج
وعندك الثماااامه كلها شاليهات واماكن ترفيه وتطعيس << الرياضه المتداوله في الرياض
وفي وسط الرياض فيه عندك منتزه سلام رووعه....
تقدرين تجلسين عند البحيره وتاكلين السمك خبز <<احلى شئ
اسواق شعبيه .... اممم مادري بس يمكن الثميري لانه اقدم سووق وجمبه سويقه اهو سووق بعد بس رخيص جداا
وغالبا هالمنطقه مليانه باللاجانب والهنود ..وفيه شارع السويلم..ولاتهون البطحاء << المركز الرئيسي لتجمع الهنود
وعندك بعد الديره طبعا هذي اسواق شعبيه وراح تلقين فيها اشياء تراثيه واسعارها رخيصه جداا
بالنسبه للمطاعم والمحلات الفخمه
وروحي شارع التحليه تلقينه كله مطاعم نفس الشي شارع الامير سلطان بن عبد العزيز
وعندك طريق خريص فيه اسواق حلووه ومطاعم .. نفس الشي شارع التخصصي من الشوارع الرئيسه عندنا
بالاضافه الى الشوارع اللي ذكرتها قبل
والاهم طريق الملك فهد لان عليه اغلب الاسواق من الشمال الى الجنوب ...
عندك مطعم الفور سيزن في المملكه ومقهى الكرستاله في الفيصليه
تقدرين تاكين وانتي تشوفين مدينه الرياض كامله
اماكن تراثيه عندك المصمك وهو البناء الذي يرتبط بتاريخ فتح المملكه على يد
المؤسس الملك عبد العزيز رحمه الله موجود على امتداد شارع الثميري
عندك ساحه العدل و وساحه الصفاه ومدينه الدرعيه القديمه
متحف الملك عبد العزيز رحمه الله موجود في منطقة المربع وهو منتزه ومتحف متكامل ويوجد به داار سينما
تعرض وثائق وطنيه عن فتح المملكه كما به ساحه ومتنزه تتجول فيه الشرطه على الخيول
مادري يمكن معلوماتي مافيها ترابط بس لاني اكتب اي شئ اذكره بدون ترتيب
بس اي سؤال تقدرين تاخذين راحتك ماادري يمكن فاتني شي ....
تحياااتي
يمنع ذكر الهواتف
المراقب / وجه الخير
11-12-2005, 12:47 PM
** استفسار عن السياحة في الرياض **
).. وكذلك عن أسماء مراكز التسوق اللي تستحق الزيارة والأسواق الشعبية الجميلة 
نورتي اهل الرياض
لا اله الا الله محمد رسول الله 
ضوابط المشاركة
العرض العادي
