بوصي يا فتوشي .. انا مش فاهمة طيب والمفروض ان الست اللي اتعرضت للحاجات دي مثلا تعمل ايه
تقعد ساكته ؟؟ وتعيط في الحمّام !!
تستسلم؟؟
ولا تشوف حالها
انا من رااي بصراحة ان تعييد تقييم حياتها
وهي وبس اللي يعد التقييم ده وتشوف هي عاوزة ايه ؟؟!!
عاوزاه او مش عاوزاه
وماله يعني لو عملت هبلة ورجعت جوزها بالحيلة ... أيا كانت
مش هي اولى
مش ده جوزها وسنين عمرها كانت بتبني في امال واحلام ووصلت معاه للنقطة دي
هل ده مايستحقش التعب ؟؟!! هل مش من حقها تستمتع بثمرة تعبها وبحلالها
واول حاجة تعلمها تشوف ايه اللي عملته .. يعني تعيد تقييم حياتها وربط الاحداث
قد تكون زلة منه .. وايه يعني لو ظبطتها ... وفوقته ورجعت حياتي انا
مش عيب نعترف اننا ماكناش مصحصحين وكنا مضحين
مش عيب نعترف اننا في جانب آخر على النقيض اننا كنا انانيين ومابنفكرش غير في حياتنا العملية .. وشغلنا والدكتوراه والخ
لأ عادي.. على الاقل عشان المستقبل ...
لأن حياتي ولا حياة اي حد هتقف عند الحدث ده ...
ربنا خلقنا كدا بني آدمين بنخطئ وننندم وبعدين نتعلم ونرجع وده مش عيب
ماكنش ربنا قال خير الخطائين التوابين
طيب وياترى ايه شروط التوبة
شرط منها الندم وعدم العودة للذنب
السبب في التوبة مش مهم على قد التوبة نفسها
سبحان الله
بوصي انا مؤمنه جدا بالقضاء والقدر والابتلاءات ... مش في ايدينا
بس في ادينا نطاوع اللي حواليها .. الظروف وقتها وحسن التصرف
احنا بنختار السكة اللي هتمشي فيها حياتنا بدرجة كبيرة
انا بحب المرونة في الافكار والافعال
مافيش ثوابت .. غير حدود ربنا
مادام الحاجة دي حلال وهتوديني في الطريق اللي انا عاوزاه ايه المشكلة
ليه العند
ليه ااقول انا كنت وكنت ومافيش زيي اتنين وعملت اللي مايتعملش ومش هعمل اكتر من كدا وهكون كدا وماحدش قدي .. وخليه يدور ويعيش معاها مش هيلاقي احسن مني ..
الله طيب ليه بنصعب امور حياتنا على نفسنا !! وربنا مسهلها
على فكرة الجملة دي بتستفزني مين قال ان مافيش احسن مني ؟؟ ليه كل ست بتقول كدا ... مش اللي خلقك خلق غيرك ،، في احسن ،، واحسن شوية ،، واحسن كتير كمان !!!
وممكن جوزك مش عاوز الاحسن ... عاوز اقل أو مش عاوز حاجة خالص !!
المهم انتي انتي انتي ... حياتك انتي انتي ...
انتي ربنا خلقك ايه؟؟؟
مش من مواصفاتك انك انسان حر حياته بتم على اساس حقوق وانسانية ،، ونوعك هو انثى بكل معاني الانوثة
يبقى خلاص اتصرفي على اساس هذا المنطلق في حياتك...
والامور ان شاء الله تتعدل
روحي وارجعي وانتي بنفس المواصفات دي
اللعبة انك ماتسيبيش حد او الظروف تلعب في خلقتك دي او مواصفاتك الاصلية دي..
ولا الا هتكوني في الاخر حاجة غريبة ومسخ .. مالوش معالم
وربنا يستر
على فكرة انا رديت ببساطة وبدون تفكير خالص
سبت اناملي تتحرك على الكي بورد بدون حسابات
فياريت ماتعضنيش يا فتوشي وخليكي حنينة علية
التعديل الأخير تم بواسطة helwaya ; 09-12-2009 الساعة 12:20 PM