--------------------------------------------------------------------------------

السلام عليكم ورحمة الله وبركاته

في البدايه أحب أبشركم إني إنسان ملتزم ولله الحمد والمنه ، عندي أخت أكبر مني بعشرين سنه و أنا عمري عشرين سنه تقريبا ، أختي ماهي ملتزمه ، لكن إن شاء الله الله يهديها ، أنا دايما أفكر أني أأثر فيها وأحسن أسلوبي معها بس مدري كيف ، عشان كذا قلت خلني أكتب موضوع وأسال يمكن أحد عنده تجربه من الشباب أو البنات ، بسألكم كم سؤال .

أول سؤال وش أفضل هديه ممكن أجيبها لأختي عطر ، ملابس، الخ، إذا كان عندكم عطر معين الرجاء ذكر أسمه والسعر والمكان اللي يبيعه، نفس الشي إذا كان ملابس أو أي هديه ثانيه .

2- هل الأخت تفرح إذا أثنى عليها أخوها بكلام حلو مثل لبسك حلو أو أثنى على جمالها ولا ماله داعي .

3- بعض الأحيان أفكر أسلم على راسها وأقول يمكن إذا سلمت على راسها أكسبها بس أهون على طول و أحس أني بنذل و أخاف أندم بعدين وحتى مدري هل يجوز أن الواحد يسلم على راس أخته، ياليت إذا في واحد جرب يسلم على راس أخته وحس أنها فرحت وحس بفرق، أو إذا فيه وحده جربت أخوها اللي أصغر منها سلم على راسها ، هل فرحت بهذا الشي، وهل صغر في عينها ولا كبر .

4- وش أحسن الكتب والاشرطه اللي ممكن أهديها لاختي وممكن تكون سبب في هدايتها .
5- كيف أسعد أختي يعني مثالا أعزمها على كوفي شوب ولا أوديها السوق بدون ماتطلب ولا أعزمها على مطعم .
6- أيش ممكن أشياء أسويها تسعد أختي .
7- إذا جيت أنصحها كيف أنصحها وكيف أختار الوقت المناسب .

ممكن بعدين أكمل أسئلتي في الردود إذا تذكرت شي .

تم النقل إلى قسم التربية والحوار الأسري ..

__________________

وعليكم السلام ورحمة الله


أخوي الكريم

هل ممكن تبين لنا حال اختك ،،،،؟!!!

كيفها مع الفرائض وكيفها مع السنن ..؟!!


وكيف العلاقة بينكما ؟؟!!!




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

أخووي ربي يسعدك دنيا وأخره زي مانت تحاول تسعد أختك والله ويوفقك ويهدي أختك

__________________

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

تصلي كل الصلوات بس ماتصلي السنن،مشكلتها تلبس بنطلونات وبعض الأحيان تلبس تيشرتات تبين الصدر وتتابع مسلسلات تركيه.

العلاقة بيننا كويسه يعني في مزح، ومن ناحية الطيبه فهي طيبه.

بزيد سؤال
كيف أقدر أأثر على لبسها وماأخليها تشوف مسلسلات تركيه.

74 قارئ مافي إلا ردين .

من واقع تجربه زوجي الله يرحمه كان أصغر اخوانه وملتزم واخواته ملابسهم شوي الله يصلحهم يجيهم بطريقه مررحه يقول نفسي اجلس اسولف معاكم بس عاد استحي منكم وانتم لابسين كذا ويضحك ويقوم وتكرر الموقف كم مره بعدين هم صاروا والله يستحو وصار فيه حشمه باللبس بس الله يصلحهم بعد وفاته رجع الحال
كمان الاشرطه والكتب له دووووووور كبير وهي معك بالسياره شغل شريط عطها مجموعه اشرطه واطلب منها توزعها استشيرها بامور خيريه راح تحس انك تشوفها بنظره حلوه وانها صالحه وهي بنفسها تحاول تحافظ على هالنظره ومع الايام يستقر الايمان بقلبها
الله يكثر امثالك لو كل اخ حرص على خووواته كان انصلح حال الكثير

اول شي بالنسبه للعطورات .. فيه كثير عطورات ..

احسن من اللبس انا اشوفه واذا عندها اطفال تقرب لهم ! واشتريلهم العاب وهدايا


من ناحية تبوس راس اختك .. يجوز شرعا << عجبني سؤالك يجوز ولا لا !

اخـوي الله يحفظه اصغر مني .. مو كثير بس 4 سنوات بس اذا لزم الأمر يبوس راسي هههههههه

وانبسط والله يكبر راسي من الفخر .. لبى تسبده ..

وعلى فكره اكثر شي يفرح الأخت ان اخوها يكون قريب منها ويثني على اناقتها وطبخها وعلى سوالفها بعد

وانت بعد تحمس واثني حتى على اطفالها ..

ومن ناحية المطاعم وهالأشياء ليش لا بس الأهم معاملتك معاها .. يعني حسسها انها كبيره وانك تلجأ لها

عاد انا متأكده انها تموت فيك اكثر من حبك لها لأن اختي الصغيره بيني وبينها 20 سنه << يمه كثير

بس هي توها صغيره .. يوم جات والى يومك انا متعلقه فيها مررره فا احس يوم انك ولدت اختك عاملتك معامله خاصه بما انها كانت كبيره وانت توك بيبي .!

المهم تقرب منها وانصحها مره بمزح ومره قولها انا احبك واعزك بس عشان خاطري اذا انا موجود لاتلبسين هاللبس استحي منك

وهي اكيد بتستحي وتسمع كلامك

الله يجزاك خير على حرصك على اخواتك ..

__________________
{ احبــــ ـــكم بلا استثنـاء ~