السلام عليكم اخواني واخواتي
طبعا انا قلت لكم من فتره اني ولدت الحمدلله
وصار عندي الان بنت وولد
وبنفس الوقت جتني وظيفه لما كنت بالتاسع
وطلبت منهم اوقع العقد بعد شهرين
وجهة العمل قالوا لي تم
والراتب مره كويس الحمدلله
وجتني هالوظيفه بعد بحث سنه ونص
وبتوصيه قويه
وبعد ما جاني اكتئاب من البطاله
كنت كل يوم اتحسر على ضياع وقتي وعمري
خصوصا اني دارسه هندسه
وعندي طموح عاااالي
ومقتنعه ان العمل يعطي للوحده دور وقيمه
وكنت دايما اشوف زميلاتي واتحسر
ماشاء الله كلهم مناصب وانا فجأه جلست بالبيت


المشكله ان توقيت الوظيفه صععععب علي
زوجي قال براحتك انتي حره
واحس بداخله مو مقتنع لكن مايبغى يرفض
يعني مايبغى يكون سبب لقتل طموحي
وانا بعد الولاده شلت هم ابني الصغير
ما ادري اذا اقدر اتركه وهو لسى بعمر شهرين
بنفس الوقت اقول لنفسي عادي
كل الامهات العاملات يعملوا كذا
ياخذوا اجازة امومه بعدها يرجعوا عملهم
بس بعدين اتردد واقول مو هاين علي
وارجع اقول عادي اول فتره بنتعب
وبتصير لخبطه بالحياه.. بعدين نتعود
وتمشي الحياة
خصوصا اني مفكره اوقف الانجاب 3 او 4 سنوات


مزايا الوظيفه
دخل جيد.. لي وللزمن
احقق استقلاليتي
ارجع لحيويتي ونشاطي وطموحاتي
العمل يفتح افااااق جديده للانسان
اعتبرها فرصه ممكن ماتتكرر مره ثانيه
علما بان عمري الحين 30سنه
يعني العمر يركض
وانا حلم عمري اكون سيده عامله وناجحه
تعبت كثير على نفسي
واهلي صرفوا كثير على دراستي
ولماكنت موظفه كنت محل اطراء واهتمام الكل
وكان الكل ينظر لي نظره اعجاب
حتى من طرف اهل زوجي
وراحت هالنظرات والاهتمام بعد ماجلست بالبيت
صرت احس نفسي ما افرق عن اي وحده جاهله
ماكملت تعليمها ولا تعبت على نفسها
بالنهايه انا وهي مقابلين البيت والمطبخ!


عيوب الوظيفه
احتمال صعوبه التوفيق بينها وبين بيتي
اولادي صغار (3 سنين ونص/ شهرين)
ولسى مافكرت وين اخذهم وانا بالعمل
دوامي الى اخر العصر.. قبل عوده زوجي بساعه
زوجي بيتوتي ويقدر جو الاسره جدا
ومن النوع اللي يحب جلسه العيله
وانو اذا دخل البيت يشوفني استقبله وطابخه له الخ
بنفس الوقت هو يعتقد ان قوامته بالصرف علي


انا لازلت محتاره بين البيت والوظيفه
عقلي يقول الوظيفه طبعا مافيها كلام
وقلبي يقول زوجك وبنتك وولدك لايكون ضحايا طموحك

بس بالمنطق مو معقوله اضحي على حساب نفسي
الحمدلله لي حوالي 5 سنين من تزوجت وضحيت كثير
وسبق وتركت عملي السابق بسبب هالتضحيات
وندمت اشد الندم بعدها
صحيح زوجي مو مقصر معي ماديا
بس انا يقتلني شعور اني مجرد عاله عليه
واخاف كثير من المستقبل.. ما اضمن ايش مخبي بكرا
لان وقت الخلافات الكبيره بينا ماكنت اخذ منه ريال واحد


وحتى زوجي نفسه
اذا احد اصحابه متزوج امراه عامله
يتكلم بمدح واعجاب واحترام عنها
مثلا يقول: ماشاء الله زوجه فلان مديره بنك!
ولما يجي الموضوع علي يكون رأيه مختلف
وانه يشوفني مو محتاجه هالوظيفه


اهلي وخصوصا امي تشجع عملي
وقالت اتركي اولادك عندي بس لاتضيعي هالفرصه
رغم ان بيتها بعييييييد وهذي مشكله ثانيه
احتاج اطلع قبل بساعه على هذي الحاله


قدمت على خدامه.. ويمكن تجي هالفتره
بس انا من النوع اللي ما اثق بالخدم
فوجودها مثل قلته
لاني بخليها تروح مع ولدي بيت اهلي يوميا



ياليت تعتبروني مثل اختكم
وكل واحد يدلي بدلوه

اختي الغاليه / كنافه بالجبن

الله يجعلك من امرك هذا وكل امر يشغلك فرجا ومخرجا ...

لاتضيعي فرصة وظيفتك وساق الله رزقك بعد جهد وصبر وفكري بحلول وستجدين ان شاء الله بعد الاستعانة بالله
اسألي اذا فيه حضانه في مكان عملك بحيث يكون طفليك حفظهما الله معك
استقدام خادمه امر جيد جدا ممكن تكون مع الصغير عند امك وقت دوامك
هونيها وتهون ولابد تجدين حل
كل شيء في البدايه صعب ثم يتسهل مع الوقت بإذن الله
حققي طموحاتك وسددي وقاربي وبالتوفيق ياقلبي 💐

مرحباً أختي

لابد أن تجلسي مع زوجك وتطرحي جميع الأمور والخيارات والحلول

فالأمر متعلق... ببيتك ومسؤلياته... وزوجك وحقوقه... وأبنائك ورعايتهم

ورأيي الشخصي والله أعلم حسب رجوعي لموضوعك السابق والذي بنفس المحتوى

إن لم تصلي لتفاهم تام مع زوجك

فتوقعي ناقوس المشاكل ربما يدق في حياتك بسبب هذه الوظيفة


أعانك الله

أنا اشجعك على الوظيفة ..
وإنتي جربي فترة إذا تأقلمتي زين استمري ..
والخادمة مهمة جدا وبتخفف عليكم كثير ..
لما ترجعي تعبانة ماراح تضطري تكنسي وتنظفي ..
ولما تاخذينها بيت أهلك مع أطفالك بتساعد الوالدة في احتياجاتهم ..
في البداية بتتعبين لأن دوامك طويل .. بس احتمال كبير تتعودين ..
أنا دوامي إلى ثنتين الظهر بس زوجي يرجع قبلي .. وهالشي مضايقه كثير ..
لكن دام زوجك يرجع ويلاقيك بالبيت شي جدا كويس ..
وبس تحتاجين تنظيم الوقت والنوم بدري وربي يوفقك يارب ..

أهم شئ إنك تشاورين زوجك

الوظيفة لها سلبيات وايجابيات
وماله دخل العقل والقلب..
انتي اكتبي الايجابيات والسلبيات وفكري زين
حطي فبالك طول دوامك وطبيعة عملك هل هي شاقة والا شغل مكاتب..
وبرضو فكري هل شغلة نقل أطفالك يوميا عملية والا لا..
وهل فيه حلول لبعد بيت أهلك عنك..
لانه من تجربة نقل الأطفال متعب جدا وبالبرد ينرحموون ياقلبي..


بس بأمانة لو كنت مكانك مارحت
لانه اولا الدوام طويل وش بقى لأطفالي ولراحتي
انا اداوم 6ساعات بس والله اليوم ينخطف مني خطف كأني ملحوقة..شلون لو ارجع العصر..
شغلة ثانية ولدك الصغير بيجلس نص اليوم عند أمك..وانتي عارفة كيف الصغار متعبين جدا فما أشوف انه من البر انك تتركين أطفالك كل هالوقت عندها..
انا رغم انها طلبت اطفالي بس رفضت ودخلتهم حضانة لانه حرام تعبوا علينا صغار ونتعبهم كبار برضو..

لو منك انتظرت فرصة أفضل بدوام أقل الى 2مثلا

و عليكم السلام

ما افهمه يا كنافة انك محتاجة الوظيفة من اجل نفسك اولا و ليس من اجل بيتك. و هذا من حقك و لكن عندي ملاحظات:
- انت كنت بعيظة عن العمل مدة 5سنوات، فاكيد انت بحاجة اكثر لتكوين و تحديث لمعارفك خصوصا بمجال الهندسة اللي كل يوم بتعرف الجديد
- سبق و ذكرت بموضوعك السابق انه الوظيفة جاتك بواسطة، شخصيا اتحسس من موضوع الواسطة لاني احس انها ضد مبدأ تكافؤ الفرص، فبالله عليك كيف تعتقدين ان الله راح يبارك شيء في ظلم
- موضوع نجاحك يتغلق بقدرتك على ترتيب امور بيتك و بشكل كبير على الاستعانه بخادمه مستأمنة، و هده لسه ما جبتيها او حصلت عليها
- المعروف انه اللي يريد ينجح في شغله لازم بعطيه الاولوية يعني شغل لبعد الدوام في البيت و في المكتب، اين انت من هده الالتزامات

طبعا اذا الشغل بواسطة فاكيد ما راح تكوني ملزومه كغيرك و لكن الا تظنين انه هذا الشيء باثر على مكانتك بهذي الشركة

قلبي معك و اتمنى ان تحصلي على ما تريدين و تتوفقين ببنت الناس اللي تساعدك

توكلي على الله وجربي لمدة من الزمن..
بعدها تستطيعي إتخاد القرار بالإستمرار أو الإنسحاب..

في البداية دائماً تكون الأمور صعبة ومتعبة..
ولكن مع الوقت تتيسر وتأتي الحلول المساعدة..

ربنا يكتب لك الخير

__________________

(( هناك مواقف أيقظتني وصنعتني من جديد..
وهناك علاقات توقعت منها الكثير ووجدت منها القليل..
وهناك دروس لم تكن بالحسبان، لكنها علمتني الأنتباه ! ))

السلام عليكم ورحمة الله وبركاته..

مع هذا الرأي السديد، بارك الله به.

آسفة ياكنافة الوقت أبدا مو مناسب وخاصة عمر صغارك قبل زوجك أسميها أنانية منك إذا مافكرت بوضعهم،

إستقلاليتك في هذا الوقت الحالي غير مناسب لوجود مشاكل بينكما..

علاجي وبعدها فكري، موفقة.

لا يا أختي حنا ما درسنا علشان نجلس بالبيت ونربي ونطبخ

صحيح الزوج والأطفال لهم أولويات لكن أنا بعد حابه أعيش حياتي و أتوظف ويكون لي دخلي الخاص

وأستقلال مادي


حبيبتي الحل تنظمين وقتك

لازم خادمه لشغل البيت والطبخ

لأن بترجعين تعبانه ومعك أطفال لازم لهم رعايه خاصه

ممكن تطلعين بدري توصلينهم لأمك

أو سجليهم في حضانه والروضة


فرصه ما تتعوض