السلام عليكم ورحمة الله


مشتاقة لكم وشوقي لكم لا ينتهي..


إليكم مشاركتي البسيطة بعالم الطبخ..


وهي المشاركة الأولى :14:


إحم إحم


عاد الله يعينكم


من الآن أقولكم إتصلوا بالإسعاف


لا أحد يفشلني


ترا أزعل


طبختي عبارة عن صينية كريات البطاطس بالدجاج..


ويارب تعجبكم..


عاد أنا سويتها لأهلي وإنهبلوا..


طعمها يجننننننننننننن


و ما راح تشبعون منها أبدا..


وسهلة وبسيطة جدا


وما تآخذ وقت


بس حذرتكم وتراني أقولكم إتصلوا بالإسعاف إحتياط


يالله نبدأ



المقادير:


صدور دجاج مقطع ( أنا إستخدمت البكت كله 8 قطع)


بطاطس مسلوق ( تقريبا خمس بطاطس صغار)


بصل مقطع


فلفل رومي مقطع ( حسب رغبتك أنا ما أحبه مرة فحطيت شوية)


علبة قشطة


كاس من صوص الويبن كريم


للتتبيل ( ملح + الفلفل الأسود + صوص الصويا المالح ( نحتاج مقدار 2 من غطاؤه) + قليل من عجينة موتوا ( شكله مثل الملح الأبيض) + مكعب ماجي )


جبن مبشور (موزورلا وشوية كرافت الصفرة)


جبنة كاسات كرافت


وهاذي هيه تقريبا المقادير بالصورة بس ما خطيت الجبن المشور.. والجبنة الكاسات





الطريقة:

بالبداية إسلقي البطاطس

بعدها قومي وإفرمية دقيه لين يصير مررررررررة ناعم

وحطي عليه ملعقتين جبنة كاسات وإخلطيهم زين بس ملعقتين لا تكثري

وبعد كذا قومي وكوريه كور صغيرة بحجم كورة البيسبول

وراح تكون بهالشكل ( لا تكثري جبنة الكاسات عشان ما تلين معك العجينة وبعدين ما تتكور ولا تتماسك)










وإتركيه على جنب



نجي للعميق



أول شي يحمر البصل بهالطريقة








يم يمي شكله لذيذ

و بالعافية عليكم خلصت الطبخة..


لا أمزح يالله نكمل..

وبعدين نحط الفلفل الرومي بعد أن يذبل البصل قليلا..


بهالشكل




[IMG]http://www.66n.com/pics/hosted/xydtsbvg22qlkbimmbns0***c69wr18e.jpg[/IMG]




وبعدين نحط الدجاج ونتركه يستوي بهالشكل ( ممكن من البداية تسلقين الدجاج وتقطعينه وتحطينه مسلوق)







بعد ما يستوي الدجاج

نقوم نحط الملح + والفلفل الأسود + و ملح عجينة موتوا + غطايين من غطاء صلصة الصويا المالحة بهالشكل








ومن ثم نحط عليهم علبة القشطة + ملعقتين كاتشب

ونخلطهم زين وشوية بس ونشيلهم من على النار

مثل كذا..







بعدين حطي الدجاج بالصينية بهالشكل..







وجيبي كور البطاطس ورصيها على الدجاج بهالشكل..






نجي لعمل طريقة الصوص

راح تحتاجي كوب مثل كوب الشاهي من صوص الويبن كريم

و مكعب ماجي

و جبنة كاسة ملعقة واحدة فقط






نحطهم على النار بهالشكل





بس مجرد ما يفور وتسيح الجبة كاسات مع الماجي نرفعه من على النار على طول

بهالشكل





نجي للصينية ونسكبه فوق بهالشكل





نحطها بالفرن شوية تقريبا 5 دقايق وبعدها نطلعها ونحط الجبنة المبشورة عشان ما تنحرق الجبنة


بهالشكل






وندخلها الفرن لمدة ما راح تتجاوز ربع ساعة تقريبا


إفتحي النار من تحت الأول


ومن بعدها إفتحي النار إلي فوق علشان ما تنحرق الجبنة..


بس تحمر شيليها



وراح تطلع بهالشكل














وبالعافية عليكم



إتفضلوا صحنكم..













وهنا مزين بليمونة





أتمنى تكون طبختي عجبتكم يارب

دعواتكم


تعليقاتكم تراني مررررررررررة متحمسة

تحياتي