السلام عليكم ورحمه الله وبركاته. كيفكم أعضاء المنتدى وزواره بصراحه احب هذا المنتدى كثير وتردد قبل ما اكتب مشكلتي كثير بس ضاقت بي الدنيا واختنقت ورحمه الله فوق كل شئ مشكلتي أهل زوجي وأم زوجي بتحديد زوجي ماشاء الله بار بأهله ويحبهم ويقوم بجميع طلباتهم ومايقصر معاهم لان أبوه الله يطول بعمره مايسوق السيارة وهم عجايز المشكلة امه مسويه ليه مشاكل يعني ما اقدر اخرج من البيت إلا لازم تعرف وتقعد تتصل ليه تاخرتوا ليه كل هاالدلع ارجعوا وزوجي يرجعني إذا رحت عند أهلي تقعد تهاوش وتقول ليه تر حين وتخلين زوجك أنا ما أبيت كثير بس كل 7 شهور مره يعني أكثر من اربع أيام ما اجلس إذا احد جاني لازم تنزل ولازم تتريق وتقول انتم مدلعات وتنتقد سفرتنا وملابس الناس إذا كانت بنطلونات أو قصيره وعيال عيالها يبلسون وتقول محد تعب إلا أنا وانتم جيل مطاعم ومخاسير وتكره الواحد قعدته وإذا كان عندها احد في بيتها ضيوف وأنا عندي تجيبه بيتي علشان لا يفوتها شئ ما عليها مني ساعات زوجي يكون قاعد معانا محارمه تطلعه علشان عندها ضيوف وتبي تجي وتجيبهم معها ويخرج وأنا بطق وما اقدر اتمشي إلا وهي معنا وتقعد تقول ليه كل هالزحمه وماتطول شوي تقول رجعنا أبوك في البيت أنا ما اقدر أبي ارجع ساعه ممكن ويعصب منها لا تلف من هنا وليه تخرج في الزحمه ويحط حره فيني ويهجرني ويقول أنا مستحيل أمي علشانك وانتي مو راضيه تقولي هيا طيب أنا ماخرجت علشان ارجع في نفس الوقت وعيالك يبون يلعبون ويصير مشاكل بيني وبين زوجي وحرمت الطلعات قلت ماابي وصار والبنات مايجون بيتي منها يقولوا لاتناديها أقول تجي من حالها قالوا تعالي انتي حياك نحنا مانرتاح تقعد تتريق وماناخذ راحتنا في السوالف وفوق كل إذا خرجت أنا وزوجي فاجاه تجي مشاوير ضرورية مستشفى أو جزمه تتقطع أو أي شئ مؤ مخطط له بعد العشرة بالليل تتصل ثاني يوم وتسأل وين رحتي وجيتي ومعك كذا وكذا لا سفرات لاتماشي لا يقعد في البيت من طلباتهم وإذا ما عندهم شئ تتصل وين ولدي ويش يسوي ليه مايجي ليه مايشوفني لازم تخرجه طبعا زوجي يروح لهم كل يوم بس هذا الاتصال بعد الروحه إذا ماخرج من البيت أما إذا خرج لوحده ما تدق عليه ولا تقول ليه تأخرت أما اذا انا معاه ياويله من غير الاتصال والهوشه اذا جينا لي وله هي لحالها في شقه وأنا لحالي فترت حياتي مع زوجي وصار بارد وكأني أخته يجيني منتهي شايل بيتين إلى متى ودي أروح لهلي استجم وارجع بس كم مره سويتها مجرد مسكن ارجع للي انا فيه واللي يزيد الطين بله اذا ماعند زوجي شئ نام من العمل للعمل الصباح يقوم ويروح ماكني في البيت
اللي عنده نصيحه أو تعليق أو نقد أو دعوه أو أي شئ لا يبخل علي تراني شوي وبستخف

انا لا أتضايق من بره لأهله انا أتضايق من سيطرت امه على حياتنا

انا عندي تعليق ^_^ و ان شاء الله مايكون ثقيل عليك
فاهمه مشاعرك و رغبتك بالخصوصية و كل شخص عنده منغصات

صعبة جدا ان تحطي نفسك بكفة و ام زوجك بكفة لان هذا بيضغط على زوجك اولا
و عليك ثانيا و تجيبي مشادات انتى في غنى عنها
فضلا على ان الام لها مكانة مقدسة مهما كان و زوجك فيه الخير لاحسانه لامه

اعتبريها امك ، هل راح تزعلي من امك ؟ طبعا لا و ان كان الا انك تسارعي في ارضائها
حاولى تشوفي الامور من منظورها هي عشان يخف الصدام
و تفهمي موقفها مثل ما تبغيها تتفهم موقفك ..
و قدري مشاعرها و غيرتها على ابنها و كلامها مع الناس هذا فكرها
صعب نطالبها بتغييره و هى امراة كبيرة ...

الدنيا سلف و دين و كل ما نعمله نحصده بالدنيا و الاخرة
احسنى لها قدر استطاعتك و احتوي زوجك و قدري موقفه لانها امه
و شاركيها معك قبل ان تشاركك هي من نفسها
بمعنى اذا طلعتي قولي لها وين كنتم و وصليها سلام امك و اهلك حتى لو مو صحيح
و اهديها بكل مناسبة و بدون مناسبه
حسسيها ان لها راي في بيتك و شاوريها ببعض الاشياء
و اذا جوك ضيوف كلميها تجي و تجلس معكم و شاركيها بالكلام
و بكذا تنشغل معك بدل لا تنشغل فيك ...

و ربي ييسر امرك و يرزقك و زوجك بر ابنائكم
كما يبر بامه ...

هنا مربط الفرس يا غالية

أم الزوج مهما بلغت من القسوة مع الكنة إلا أنها في النهاية أم .. وتغار وتشعر بأنه لم يعد لها مكان في حياة ابنها بسبب هذه الزوجة التي سرقت لبه وقلبه منها

بعضهن وليس الكل تستبد بها الغيرة من الكنه فتحاول أن تتشبث بكل قوتها بما تبقى لها من سلطة مع ابنائها فتشعر الكنة بأنها مهاجمة وأنها منتقدة دوما وأن والدة زوجها الغالي لا تحبها

حبيبتي

ان كانت لا ترغب بك زوجة لابنها ما كانت خطبتك ..ولكنه شيء خارج عن ارادتها وغيرتها عليه لا تعرف أن تعبر عنها إلا بهذا الشكل فتحمليها

غدا سيكبر ابنائك ويتزوجون وتشعرين بأنك مهملة مهما جلس معك ولدك ومهما اكرمك .. سيبقى هناك شيء في داخلك قد تكوني أكثر سيطرة عليه منها المسكينه

الحلول سهلة جدا

مثل ما قالت أختي ام سفيان .. اشغليها معك

ادخلي في قلبها والتصقي بها كما التصاقك بأمك

قولي لها كم يمدح وصفة معينة ولدها واطلبي ان تعلمك اياها

اطلبي مشورتها بخصوص أي شيء بحياتكم (حتى وإن كنتي تعرفين الحل مسبقا) .. فهذا يشعرها بأنها مهمة وأن مكانتها موجوده وأن حياتكم شوربة بدونها

كوني سلسة طيبة رحومه .. اعزيها واكرميها فتنصلح احوالك مع زوجك والله سبحانه وتعالى يرد الدين بعد أن يكبر ابنائك وبناتك

__________________

الله يعينك حبيبتي بعض العمات يعورون القلب
بس في مثل يقولك اليد اللي ماتقدر تدوسها بوسها
ولا تحطين نفسك بكفه وهي بكفه لان كفتها بترجح وبقوه

انا اشوف كلام ام سفيان عين العقل
ولاتشكين لحد حبيبتي مالك غير رب العباد
ادعي ليل نهار ان ربي يسخرها لكي وتصير لك ام ثانيه
ونزلي الاولاد عندها واطبخي لها حلويات
وجيبي لها دهن عود ومصحف وسجادة صلاه وسبحه تهادوا تحابوا
الحريم الكبار يحبون هالشغلات
وبعدين لما تكون معكم بسياره انا عارفه تكونين متضايقه
وزوجك يحس فيكي حاولي طول الوقت تنكتين وتضحكين معاها
عشان زوجك يقدر موقفك
وبعدين اذا رجعتي من زيارتها اجلسي امديحها عند زوجك
ياحبي لها عمتي اليوم صايره عسل ومن هالكلام
لان والله اعلم مفتاح زوجك قلب امه

ولاتستخفين حبيبتي لفي المنتدى من شاف مصيبة غيره هانت عليه بلواه

والله أمي تسوي معي أكثر من كذا

تحملي أم زوجك هذا طبعها

هلا اختي قلب يتوهج ومرحبا بك معانا ...

تذكري يا اختي ما في شيء يدوم للأبد ..

والشيء الوحيد اللي الإنسان ما يندم عليه لا في الدنيا ولا في الآخرة هو العمل الصالح ..

اعتبريها مثل أمك واستحمليها تكسبي أجر وترضى ربك وزوجك ...

لا تحسسيها انك منزعجة من تصرفاتها وتدخلاتها في خصوصياتك إنتي من نفسك بادري

وأعزميها وشاوريها حتى لو مو محتاجه رأيها حسسيها إنها مهمه عندك يمكن تخف عليك شوي..

والله يهديها ويعينك ..

اسمحي لي عزيزتي بنقل موضوعك لمكانه الأنسب ..

__________________

أشكركم على مشاركتكم لي همي وأقول ما باقي شئ وماسويته لها لدرجه أنها اذا جئت من برى تفتش الأكياس وأنا اضحك وإعطايها شئ منها لأكن مافي فايده