اخي الرسمي السلام عليكم ورحمة الله وبركاته

اغلقت موضوعي في القسم العام وفضلت ان ادخل لقسم ساعدني لان مشكلتي متشعبه جداً وفضلت ان تكون انت الشخص الذي اسدي له مشكلتي ارائك فيها حكمه وصبر


اكمل لك مشكلتي
ابشرك اتصل علي زوجي اليوم الصباح واعتذر لي وحتى قراء رسائلي وعذرني على تصرفي معه وهو عارف انه غلطان
رضيت كعادتي ، لكن طلبت منه ان لايعيدها مرة اخرى

وحكالي عن هذه الدوله وقال لي شي هد الجبل الي بنيته
قال : انا احتجت لحلاق ووجدت ان حلاقين الرجال كله غير نظيفه !!
وتوجهت لصالون نسائي << فجعني بكلمته هذه
قلت له : ايوه كمل وش سويت هناك
قال: وحده حلقتني وجلست تسولف معي وانا حطيت لهاحدود
وسئلتني اذا انا متزوج ولالا وجاوبت بأني متزوج بنت جميله وحتى خليتها تشوف صورتك
قالت : ايوه جميله زوجتك ليه ماجبتها معك ....
المهم صار بينهم حوار
^^
صدمني صدمة عمري كيف يتجراء ويجعل حرمه تحلقه مع انه قبل سفرته حلق عندنا والان وباقي على رجعته يومين يقدر يصبر فيها !!

يالله انا مفجوعه منه كيف كذا ؟! والمشكله قالي وصريح معي !
يأخي الرسمي والله فيني قهر والشيطان يلعب فيني لعب
وزوجي الله يهديه طايش ولا يعرف الحرام والحلال والنصيحه مايستجيب لي
واذا نصحته على طول يسكتني ويقول : خلاص مره ثانيه مأحكي معك
مفجوعه مره ومقهوره كيف يستغفلني كذا وكيف تجراء وحكالي !!
^^

__________________

ايش رايك وبسراحه هل انا على حق لو طلبت منه الانفصال ؟!

__________________

وعليك السلام ورحمة الله وبركاته

مرحباً أختي

الحمدلله أنك تطمنت على سلامة زوجك وتقبل رسالتك بصدر رحب وعذرك لذلك

أما موضوع الصالون النسائي
فأنت تعرفين زوجك وتقولين عنه أن لايعرف حلال من حرام

وأنا أقول لكِ .. هو يعرف بشكل عام الحلال والحرام ولكن عنده تساهل كثير ولا يقدر حجم الخطأ أو الإثم الذي يمكن يرتكبه ... فكل ما يخطر بباله يمكن أن ينفذه بغض النظر عن حكمه الشرعي ... ولكنه قد يتوقف عند المعاصي الكبار ويتردد عنها

وهو عندما أخبرك بقصتة في الصالون أتوقع وبنسبة كبيرة أنه لايقصد ولم يخطر بباله أن هذا الأمر قد يؤثر على نفسيتك وأنك لن تتقبلي كلام مثل ذلك... بل أخبرك من باب كيف أحوال البلد ومن باب قصة غريبة حدثت له... بل ربما كان يظن أنه كان يمدحك عندما مدحتك الحلاّقة

سوف أخبرك عن بعض الزملاء ممن سافرت معهم لحضور دورات عمل خارجية ... عند التسوق ليلاً في المولات كان هناك من يدخل للصالون النسائي لعمل البادكير والصنفرة وبعضها يحلقو ذقنهم عند الحلاقات وبعضهم جلسات مساج للرأس والأكتاف ... وعندما كنت أنكر عليهم بأنه لايجوز لهم الإحتكاك بالنساء أو أن يمسوهم... كانوا يضحكون وأنها من باب التجربة وأن هذا غير موجود عندنا... مع العلم أنهم ناس طيبين ولا أعلم عليهم إلا كل خير ... ولكن يحصل منهم تساهل في بعض الأمور... وأعتقد بشكل كبير أنه لم يخطر ببال أحدهم أن هذا يعتبر من ما لا يضر بزوجته وأنه لم يفعل شئ يمس بعلاقته مع زوجته

لذلك... أنا أعلم أن هذا الأمر مستنكر عندك وهو سلوك غريب وصدمتي من أجله... ولكن حبيت أوضح لك رؤية أنتِ لا تعرفيها عن تصرف بعض الرجال لمثل هذه الأمور


أما الرجال الذين لديهم لف ودوران وقلة أدب... فهم بالأساس لايخبرون زوجاتهم عن رحلاتهم... بل يكذبون بطرق ملتوية


وأنا أعلم كذلك أنك مشحونة نفسياً من يوم سفر زوجك وقصة المرأة وعقلك يودي ويجيب

ولكن... أنصحك بالهدوء
وإذا رجع زوجك بالسلامة... يمكنك بعد فترة النقاش معه حول أمور تضايقك وترغبين حل لها .


والله أعلم


بارك الله فيك

_ يعني زوجي انسان طيب وعلى سجيته ؟!

لكن في نظري ارى ان الشخص اذا تساهل في امر معين ممكن بعد فتره يتساهل بأمور كثيره
سكوتي ماينفع ويمكن يأثر على نفسيتي وخاصه انو جاء في بالي ان زوجي ممكن راح لصالون ليس لغرض الحلاقه يمكن شي ثاني !!!
_ وزوجي يكره النصيحه واذا حكى لي شي وانكرت عليه فعلته
يزعل ويرد علي اذا نصحتيني مرة ثانيه مأحكي لك
فأضطر اسكت واسمع ماعنده .

وبسراحه اتمنى زوجي يكون شخص ملتزم بدينه ويخاف ربه
ولايتساهل بالامور المحرمه

__________________

مرحباً أختي

الله أعلم بحال زوجك ونيته وطيبته
نحن لا نعلم... ولكن أنا أخبرتك بما أرآه من تساهل بعض الناس

وليس مطلوب منك السكوت... بل النصيحة دائماً مع الرفق
وحتى لو أسكتك أو قال لكِ لن أخبرك ثانية
فعليه ما يعمل ويحمل من ذنوب
ولكِ أجر مانصحتي وأنكرتي

وأما تقولي راح للصالون لغرض ثاني... يعني لو يبغى الغرض الثاني بيلقاه في الصالون وأمام الناس عشان وحدة تحط يدها على رأسه أو وجهة وتتكلم معاه كلمتين..!!

أكيد أننا كلنا نتمنى الإلتزام والصلاح والتقوى ونتمنى لغيرنا ذلك... ولكن القلوب بيد الله سبحانه وتعالى يقلبها كيف يشاء... ونحن لنا البحث عن الهداية وأسبابها بعد الإستعانة بالله والدعاء


بارك الله فيك

الله يجزاك خير
وعارفه اني تعبتك معي والله اني منحرجه منك
ولو اقدر احكي لأحد من اهلي يمكن ماجيت هنا افضفص
معليش تحملني شوي ...

_ انا ليش قلت يمكن لغرض ثاني وشكيت بالوضع
لانه قال لي : ان الصالون في بيتها !!!!!!
وسئلتو طيب هي كبيره ؟؟
قال : لا تقريباً كبرك وغير متزوجه
بعدين قالي : طيب وبعدين معك بتحققين معي !!
قلت : لا حبيبي بس مرة ثانيه لاتعيدها مو علشاني علشان ربك حرام تلمسك حرمه غير محارمك
وانا احبك واغار عليك

قالي : ابشري
وبعدين قال: تأمرين على شي لان المكالمه الدوليه غاليه ولازم اسكر
رديت عليه شكراً مع السلامه

__________________

مرحباً أختي
لاتعبتيني ولا شئ
أنا بأنصحك مثل ما أنصح أختي شقيقتي بالضبط
أبغى الخير والأجر... وأنظر من زاوية غير ماتنظرين له

حاولي أن تفكري مع نفسك ... ماذا سوف تعملين له يعني لو سافر وعمل مابدا له وأنتِ في بيتك لاتعلمين شئ عنه... أليس الله حسيبة وسيلقى عمله يوماً ما إن لم يتب... فلم تشغلين بالك وتظنين الظنون

وأما إعترافه لك بزيارة الصالون... فالله أعلم عن حاله ونيته وماذا فعل... ولكن ظاهرياً يبدو الأمر أنه مجرد إخبار لك بقصة فعلها

أما الصالون في البيت فقد رأيت ذلك في الفلبين بكثرة بسبب فقرهم وعدم قدرتهم على فتح صالونات مستأجره... وقد يوجد في دول أخرى... فلا أرى الأمر مستغرب من ناحية وجود صالون في البيت خصوصاً وأن أسعاره ستكون رخيصة

عموماً أختي
قلت لكِ سابقاً
بعد عودة زوجك... يمكنك فتح الملفات التي تضايقك من ناحيته وإيجاد حلول لها... ولو حتى لم تحل كلها دفعة واحدة


بارك الله فيك

الله يجزاك خير

__________________

السلام عليكم ورحمة الله وبركاتة
البارحة اكتشفت شي عن رحلة زوجي للمؤتمر !!

لليلة امس كنت في السيارة وزوجي نزل للبقاله
التفت بجنبي ولقيت جواز زوجي وفتحته << ولا كان قصدي افتش فتحته كذا اتفرج عليه وتفاجأت ان زوجي سافر
( للمغرب ) !!!
وهو اصلاً رحلة العمل (لمصر )
فعلاً هو سافر لمصر وطلع من مصر للمغرب
تركت الجواز وبداء جسمي ينتفض ودوخة فضيعة
وقهر وظربات قلبي كانت قوية
وجاء زوجي ركب السيارة واستغرب سكوتي
وسئلني ليه ساكته ؟؟
وبسراحه على طول واجته
تركني اتكلم واصارخ عليه
ليه كذا تسوي !!
ليه مأخذتني وانا خفيفه ولا عندنا اطفال
لية تروح لحالك .. رجعت لعوايدك القديمه
يكفي السنه الي فاتت رحت لشرم الشيخ وبرضه كنت تقولي بروح مؤتمر
انا خلاص فاقدة ثقتي فيك والانفصال هو الحل
كفاية كذا ثلاث سنين وانا عايشه معك بمعانة تعبت اسكت تعبت اشوف الخطاء وارضى وامشي الحال
_ خلاص انت تزوجت تنازل عن بعض الشي
وهو ساااااكت ويسمعني .
وبعد ماسكت هو تكلم
وقال : بطلع من الجحيم الي عايشه !!!
^^
رديت الله اكبر ايش الجحيم الي انا عيشتك فيه
حتى انا مأطلب منك ولا اضغط عليك ولا اقارنك بالناس
ولا حتى بينت لهك اني احتاج شي وراضيه على كل شي بحياتي الحمدلله
_ قال : لا طفشتيني تبغي اطفال !!
^^
انا ماطفشته اقسم بالله
والحمدلله انا راضيه بقضاء الله وقدره الحمدلله << على فكرة انا حملت مرتين جبت بنت وتوفت والمرة الثانيه اجهضت
الحمدلله
لكن في هذه الامور الكل يتعب نفسياً لما يحدث له هذا الشي
يعني امنع نفسي الحزن علشان زوجي مايطيش ويفضل يسافر لحاله ويحتاج فترة نقاهه على كلامه << طيب وكلنا محتاجين لهذه الاشياء لكن انا قدرت ظروفه واتوقع التقدير ماينفع بهذا الزمن
زوجي دائماً يحكي ان راتبه ضعيف
لكن وقت سفرة ووناسته تطلع الفلوس مأدري من فين تطلع

^^
بسراحه عندي كلام طوييييييل لكن تعبانه نفسياً
اكمل بعدين

__________________

حالياً انا في بيتي ولا طلعت منه واتكلم مع زوجي طبيعي جداً ولا هو حاس اني زعلانه ابداً << يمكن جاني تبلد في الاحساس ولاعاد تفرق معي !!

لكن جواة قلبي مجروح وتفكيري كلة متى الوقت المناسب اطلع من البيت
_ وكل تفكيري يقول اطلعي بدون مايحس
_ ابغى ازور اهلي اليوم وبعدها خلاص مأرجع معه
ابغها يموت يتعذب يجرب كل الي انا جربته خلال الثلاث سنوات

__________________