السلام عليكم ورحمة الله وبركاته

الحقيقه مو انا صاحب المشكله انا ابشركم عزابي ومريح راسي

لكن المشكله على صاحبي ورفيق عمري واكثر من اخ

مشكلته باختصار

صاحبي رجل بمعنى كلمة رجل كريم وشخصيته قويه ومحترم

يعني باختصار مافيه عيوب قويه ( ومافيه احد كامل )

قبل فتره حسيت ان الرجال بخاطره شي ومتضايق بس مدري وش فيه ووش صاير له

المهم جلست احلفه بالله وش فيك يابعد راسي ونشبت بحلقه لين علمني ببعض الاشياء

قال يافلان زوجتي تركت بيتها والسبب ليته يخص صاحبي بس السبب يخص اهل صاحبي

يقول ان زوجته تقول مابي اهلك ولا ابي اجيهم ولا ازورهم ولا اشوفهم حتى

وسألها ليش قالت كذا امك تتكلم علي وماتحترمني وتدقني بالكلام

وانا بصراحه ماعرف ام صاحبي ولكن سألت اهلي عنها وانصدموا ان يجي منها كذا

لانها معروفه بالطيب والاحترام وانسانه على نياتها مالها بالمشاكل ابدااااااااا

وصاحبي يحلف لي بالله ويقسسم ان امه محترمتها وحاطتها فوق راسها وش تبين بس

الزبده بالموضوع صاحبي عنده ولد ومن راحت لبيت اهلها ماشاف ولده ولايبي يشوفه بعد

مو كره بالولد بس على كلامه ان اهل زوجته مع بنتهم ومايبون بنتهم تروح لاهل زوجها

المهم الرجال شكى لي مره وحاس ان الرجال متضايق وصدقوني هو لو يبي اختي والله لازوجه ولي الشرف

بس انا ابيه يرجع لزوجته ويرجع لولده وماينهدم بيته وانا مابي اقدم مصلحة اختي على مصلحة صاحبي

مهما كان الطلاق للاسسف اخر الحلول

صاحبي يقول بطلق ولا ابيها ولا ابي اشوفها حتى

بس ادري من ورا قلبه باين من كلامه مايبي يطلق ولو يبي يطلق طلقها من طلعت

وانا احاول اهديه واقول رح لأهلها وكلمهم وشف رايهم بالموضوع

يقول اهلها اخذوها من بيتي وتبيني الحقها بعد والمشكله ماجاء مني شي

انا بصراحه مدري شقوله لان فعلا اهلها اخذوها من بيتها وبطلبها هي وهو يقول مابي اهين نفسي والحقها

احيان يقولي صاحبي انا بطلق ولا اني مرجعها والولد عادي مايهمه بس ادري يكابر

والله ادري انه مو صادق ان الولد مايهمه اعرفه زين مو مضايقه الا ولده وكاسر خاطره ولاعب فيه

والحين ودي اساعده بحل مشكلته

وبقولكم شي اهل زوجته على حسب كلام الناس انهم بيرفعون قضية خلع

وابي منكم تعطوني معلومات هل يقدر الشيخ يخلعها وهي ترفض انها تروح لاهله وهي ماجاها شي من اهل زوجها بالعكس محترمينها وحاطينها فوق روسهم

اعذروني على التلخبط بالموضوع بسس مدري انا تكلمت معكم بعفويتي



ملاحظات :

- اهله مو معه بنفس المنطقه

- اهل زوجته يبون الطلاق وبيرفعون قضية خلع

- الرجال ما ارسل نفقه لولده نهائي ولا يبي يرسل

- صاحبي ماراح ولا كلم اهل زوجته ولا زوجته من طلعت من البيت

- هل من حق الزوجه ترفض تروح لاهل زوجها

ياليت تفيدوني وتعطوني راي عشان اساعد صديق عمري

انتظركم

شهادته هو في أهلهـ

مجروحة

بعض النساء مع كل الناس

أفضل شئ

لكن إذا شافوا زوجة ولدهم

تغيرت الأخلاق !!

خاصة إن كان ابنهمـ تغير للأفضل

بعد زواجهـ

فمن الأولى إنه يسألها

وش الكلامـ اللي تدقها أمه فيها ،،

ويعالج الأمر بحكمهـ ،،

مو يجرئ زوجتهـ على أهلهـ ،، لا ..

ولا يسب أهلهـ ،، لا ..

لكن يتداركـ الأمر ،،

وليس المطلوب من الزوجة أن تتحمل

هالدق خاصة إذا الزوج

ماعنده مبالاة لهالأمر ،،

يعني هو السبب عمدها فيما

فهمت ،،

الدق من أمهـ ،،

وعدمـ تعامل الزوج التعامل

الصحيح حيال الأمر


وتداركـ وضعهـ ،،

وبالأخير بيطلق ولا يبي يشوفها وووو

وين الرجولة راحت ؟ وين القوامة ؟

وين المودة والرحمة ؟

قرارهـ هذا فيما يبدو لي

أنه أصلا ما أحب زوجتهـ ،،

وهذا مايبدو لي ما تحس فيه زوجتهـ

وما جعلها تتركهـ

واللهـ أعلمـ ،،

أسأل اللهـ أن ييسر لصاحبكمـ الخير

ونشكر لكمـ حرصكمـ على صاحبكـمـ ،،

__________________
*** انشغل بنفسكـ عن الخلق ،،

وانشغل بالله عن نفسكـ ***

نحله بالعكسسس امه طيبه وانا تاكدت من اهلي

وبعدين لو امه تغار من زوجته كان اخوانه 7 ماشاء الله .. قبله متزوجين غارت من زوجاتهم

امه قالوا لي اهلي عن شي تسويه وربي ماعتقد ان بيجي منها شي

يقولون اهلي اذا جوهم ام صاحبي تعامل زوجات عيالهم احلى من بناتها وتضحك معهم وتمزح

وانسانه طيبه وخلوقه مسستحيل يعني بتتكلم عليها

وبعدين خلينا نتكلم بواقع ليش هي ماقالت لزوجها اذا هي صادقه فيه كلام

وصاحبي صدقيني رجال حكيم ماسوى كذا الا عارف انها مخطيه

طيب اذا هي جاها شي من اهل زوجها تتكلم تقول صار كذا وكذا ماتترك بيتها وتمشي صح ولا لا

تبلغ زوجها باللي صار لو فعلا صار شي ورضاه زوجها تقول لاهلها ماتترك بيتها وتمشي وحتى زوجها مايعرف وش الكلام على كلااااااااااااااامه وهو انسان صدوووق مايكذب ولايحب الكذب ومعرفتي فيه من سنين طويله

آها إذا هي لم تصارحهـ ،،

هنا الوضع يختلف ،،

الله أعلمـ وش فيها ،،

وإن شاء الله ذوي الخبرة

هنا ما يقصرون ،،

لكن أحب أن أنبهكـ

أن لا تقيس أبدا على ماترى من

صاحبكـ

لا أريد أن أشككـ فيهـ


لكن الرجل في بيتهـ

لربما يختلف

وترى منهـ زوجتهـ ما لاترى أنتـ منهـ

__________________
*** انشغل بنفسكـ عن الخلق ،،

وانشغل بالله عن نفسكـ ***

المراءة شرعا غير ملزمه بزيارة اهل الزوج وليسو من الرحم انما هو من حسن العشره. وقل الصاحبة لا يلزم زوجته وهي الخسرانه.

__________________
يارب أحفظ لي طفلتي ولا تبتليني بفقدها

انا اشوف انه لا يككابر ويروح يراضيها
وااذا هم ساكنين ببيت اهله ياخذها وينقلها بيت ثاني بالحالهمم ..
اذا كان صدق يحبها و م يبي يطلقها
بيكون افضل من ناحية الزوجه

وصراحةة انا موب متزوجهه توني مراهقه .. خخخ
لآككن حبيت ابدي رأيْ
والسلام ععليكم ورحمةة الله وبرككاته

__________________

اللي زعلت من نفسها ترجع من نفسها صراحه مافيه سبب قوي انها تترك بيتها وزوجها للاسف كل ماقريت مشاكل الحريم مع ازواجهم ازداد خجل وفشيله كونهن بني جنسي يعني مدري وش جاهن هالحريم للاسف مافيه عقل ولا تربيه ولااهل منصحين

1) كم عمر زوجته؟
2) كيف هو دينها؟
3) كيف هي أخلاقها؟
4) هل زوجته عنيدة؟
5) هل زوجته تنقل أسرار حياتكما لأهلها؟
6) هل أهلها يتدخلون في حياته من قبل خروجها؟
7) كيف هو دين أمها؟ كيف هي طباع أمها؟
8) كيف شخصية والدها؟
9) هل هناك من يحرضها؟
10) هل لديها أخ أو خال حكيم؟
11) منذ متى خرجت من البيت؟
12) هل هذا هو السبب الوحيد لخروجها من البيت؟
13) هل رفعوا عليه قضية الخلع أم لا؟

:::
وجه هذه الأسئلة لصديقك..ثم اطلب منه أن يأتي هنا للضرورة فهو صاحب المشكلة، ويهمني الحديث له شخصياً مع احترامي للجميع.

معتزة بديني من قالك ان الزوجة غير ملزمة بزيارة اهل الزواج ؟؟ ومن قالك انهم مو من الرحم؟؟؟ استغفر الله بس
ابو زوجها مايصير عمها ؟؟ وام زوجها تصير عمتها؟؟ كيييف يعني ماهم من الرحم؟؟ اختي لاتكتبين شي انت ماتعرفينة
اذا قطعتهم تعبتر قاطعه رحم والرسول صلوات الله وسلامة علية يقول لايدخل الجنة قاطع رحم
انصحك لاتكتبي شي ماتعرفين حكمة وياخذ بكلامك من هم على شاكلتك وانتي تكسبين ذنبهم
لا حول ولا قوة الا بالله

احس فيه حلقه مفقوده ..!
معقوله ان الزوجه تفتري على ام زوجها ويحدها هالامر الى الخلع .؟
اتفق مع اخي البليغ اتمنى حضور صاحب المشكله للاجابه عن بعض لاسئله التي
ذكرت .

سال الله ان يسهل امره ويكتب له الخير



اهل الزوج ليسوا من ذوي الارحام ومفردة عمي وعمتي من باب الاحترام ليس الا ..‘
حتى خدمتهم ليست واجبه على الزوجه ..
زيارتهم وخدمتهم من باب فعل الخير واحترام الزوج ومن باب تقوية اواصر المحبه بينهم ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]