السلام عليكم

أنا متزوجة من سنة وشهرين .. موظفة وراتبي ولله الحمد عالي .. زوجي راتبه على قده .. وسبق عرضت عليكم كم مشكلة صارت بيني وبين زوجي ولله الحمد كانت تنتهي على خير .. زوجي انسان طيب وحنون ويخاف الله فيني ويحبني .. بس مشكلته ظروفه الماديه الصعبه .. وانا ولله الحمد وقفت معه من اول زواجنا ماديا في شغلات كثير .. اخر شي في تجديد اجار البيت طلب مني اعطيه مبلغ التجديد ويرجعه لي اذا استلم مساعدة كان مقدم عليها .. عطيته المبلغ بشهر ذي القعدة الماضي وجدد الاجار .. ولما جته المساعدة بشهر صفر الحالي عرض علي عرض طبعا ما اجبرني .. عرض علي ان المبلغ اللي جاه مساعدة يسدد فيه جزء من ديونه عشان يفضل جزء من راتبه نصرف منه وماعاد ناخذ من راتبي .. وللعلم هو عليه قروض عشان مصاريف الزواج .. وافقت اتنازل له عن المساعدة اللي جاته بس اشترطت عليه انه ماعاد يطلبني شي ابد ومايزعل اذا رفضت اعطيه شي .. وافق على شرطي ..

الان هو يمر بظروف صعبه بسبب خراب سيارته اللي دايم يصلح فيها وترجع تخرب .. عرضها للبيع بس ما انباعت ..
سؤالي كيف اتصرف ؟
هل أظل على الحياد واتفرج عليه وهو يمر بهالظروف مع انه ماتكلم ولاطلب مني شي؟
او اساعده واتراجع عن شرطي؟

انا كل هدفي انه مايعتمد علي بالمصاريف وبس ..
ابي منكم الشور ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

العقل يقول ﻻ تساعدينه ، بس القلب و اه من القلب

مدري وش اقولك ، الله يسخر لك الحكيمة اللي ترد عليك الرد اللي يبرد الكبد

انا لو مكانك دامه طيب و ابن حلال احط صرافتي بيده ماعندي مشكلة بالفلوس وﻻهي اكبر همي

عموماً ... الله ييسر لك يابنت الحلال

__________________

‏
الوعي هو الملاذ ..

أستغفر الله العظيم ؛
( الفردوس غايتي )

وعليكم السلام ورحمة الله وبركاته ..
مرحباً عزيزتي ..
لعلّ هذا الأقتراح يُناسبكِ ..
هو أن تساعديه لكن تُخبريه بأن هذا المبلغ دين من العمل أوووو أي حجة ..سأسده من راتبي ..! كي لايطلب مرة أخرى كلمة دين كي لايطلب ..اتمنى فهمتي مقصدي
وضعي راتبكِ بعيداً عنه وأخبريه بأن لديكِ ديون وهكذا كي لايتعود عليكِ ..
وبهذا ساعدتيه ووقفتِ بجوراه ..
الله يفرج كربه ..

امين وجزاك الله خير.. وانا والله العالم مابصدري ليس كل همي الفلوس بس ما ابيه يتعود .. بس في المقابل هو بعد مايبيني اصرف وحتى دايم يضغط على نفسه عشان مايطلب مني او عشان اجمع راتبي وما اصرف لان يبيني اشترى ارض او بيت اكتبه باسمي .. يقول ابيك تسوين لك شي عشان ارتاح وتضمنين حياتك وحياة اولادنا في المستقبل بعد موتي .. لان راتبه ضعيف ويخاف مايقدر يأمن لنا بيت نعيش فيه .. مع انه قاعد يكمل دراسته عشان يعدل من وضعه ويحصل وظيفة زينه لها راتب افضل..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

في الحقيقة هو يعرف ان ماعلي دين او التزامات ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أي أحد من أهلكِ محتاج المبلغ وهكذا عزيزتي من أجل أن لايتعود فقط ..
أو فيه دورة في الأيام علي أن أحضرها لأنها مكلفة ..
والله يسخر لكِ الخير ولعل أحد الأعضاء يعطيك أقتراحات تفيدكِ
دعواتي ترافقكِ عزيزتي

اتركيه فتره يمكن يقدر يؤمن السياره
لا تبادري استني شوي

وهذا اللي صاير حاليا .. تاركته في حوسته وقاعدة أنتظر وش راح يقدر يسوي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

وعليك السلام ورحمة الله وبركاته

مرحباً أختي
سأقول لكِ رأيي والله أعلم

إن كنتِ ستمنين عليه أو ستذكرين ذلك إذا زعلتي عليه وتقولين له أني قد ساعدتك يوماً ما... فأرجو أن لاتعطيه شئ.. لأنه من وصفك أن زوجك كريم خلق ويتمنى لكِ الخير.. ولكن وضعه صعب

أما إن لم سوف تذكرين مساعدتك له.. فأرجو أن تساعديه ولو بمبلغ مقطوع بسيط.. إعتبريه أجر لكِ في فك ضائقة على مسلم ووقفت زوجة فاضله مع زوجها في محنته

فيمكنك أن تعطيها إياها بنفس راضية وتقولي له هذه هدية مني.

بارك الله فيك

اختي انا لو منك عطيتة من غير تردد ... اولاً لأنة زوجي وابو اولادي .. ثانياً لأنة اثبت في المرة الماضية
انة مستعد يسدد ومانسى هالشي ...
وإذا ساعدتية راح تكسبي حاجتين وقفتك معاة إن شاء الله ماراح ينساها ولك اجر تفريج كربة على مسلم ، و نوعا ما خففتي علية شوي من الديون اللي رح تتراكم علية ...
والشي هذا راح ينعكس علية لأن هم الدين مو سهل ويغير مزاج الرجال ويخلية دايم السرحان والتفكير ...
انويها لوجة الله وإن شاء ربي يرزقك ويرزقة ...
وانتي شوفي الأصلح لك ، بالتوفيق يارب .

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة