السلام عليكم

عندي مشكلة واستخرت وابي استشيركم ( فماخاب من استخار ولا ندم من استشار)

صارت مشكلة بيني وبين زوجي وبصراحه هو انسان مو مقصر بشي بس مشكلته عصبي بشكل غير طبيعي ولما صارت المشكلة بينا مع انها تافهه عصب وانا غلطت لأني استفززته وكان بمكاني اسكت وتتنتهي المشكلة

وغلط علي وزعلت ورحت بيت اهلي وهذي اول مرة في حياتي ادخل ابوي بمشاكلي الزوجية وتوقعت من الوالد الحكمة في الموضوع وقلت ممكن يحل الموضوع بهدوء ويناديه وينصحني واياه ويفهم منا الاثنين اللي صار بالضبط بس للأسف الوالد عصب وقال لا ترجعين له هو مالقاك في الشارع عشان يهينك و الخ ... وكلم ابوه وقال اذا يبيها يجي ياخذها ويعرف قدره واذا ما يبي الباب يفوت جمل ومنعني ارد على اي اتصال يجين منه وقال اذا اتصل عليك قفلي في وجهه وحذرني اني اتصل عليه الين يجي يعتذر وبصراحه ابوي كبر المسألة فووووق حجمها وكان بإِمكانه يحل الموضوع بطريقه غير هذي ، والحين الوالد يشجعني اتطلق اذا ماجا واعتذر عن كلامه اللي قاله في حقي وانا اعترضت على طريقته في معالجة الموضوع وكلمته بس للأسف هاوشني وقال انتي ما عندك شخصية وتبين تعيشين منذله قلت له الحين بينا عيال وهالطريقة غلط قال اذا رحتي له ما اشوف وجهك مرة ثانيه عندي ....

وانا محتاره الحين اكلم زوجي واحل المشكلة هذي بينا ونتصافا وخلاص؟ والا اسمع كلام ابوي وانتظره يعتذر واذا مااعتذر يصير القطيعه والفراق؟

وانا استبعد زوجي يحي يعتذر لأنه يحس هذي اهانه له وشتم الوالد وكلامه فيه وفي نفس الوقت اخاف ارخص في عيون زوجي اذا جيت انا اعتذر واصلح الموضوع بنفسي ويتمادى في الايام الجايه اذا حس اني ضعيفة ومحتاجه له....

ارجوكم عطوني من تجاربكم وارائكم انتظركم بفارغ الصبر ...

تم تعديل العنوان ليتناسب مع المضمون

والله موضوعك مرة معقد ومن جد يحتاج لتفكير وتدبير
ومن راي انك كنت صائبة بالاستخارة لانه ربنا هوا اللي راح يحل الموضوع
ثانيا :كوني مقتنعة بماتريدنه يعني لو تبغي ترجعي لزوجك ارجعيله واقنعي الوالد انك تبغي فقط تحسسي زوجك بغلطه مو كنتي تبغي تقطعي وتطلقي واكيد الوالد راح يفهمك لو كلمتيه بهدوء وحنكة.. لكن لو انتي مازلتي زعلانة وتبغي حقك انتظري لغاية مايجيكي الحق ويجي زوجك ويعتذر .. انا ماقدر احكم في الموضوع لانك ماوضحتي سبب الشجار والنقاش . فانتي ادرى هل الموضوع يستحق هذا كله ولا لاء .
وصدقني ربنا راح يحل مشكلتك ويساعدك طالما استخرتيه

__________________

اشكرك لوليموا الموضوع والله ما يستاهل وفيه ازواج عندهم مشاكل اكبر من هذي والمسألة هي ان زوجي لما يعصب يشتمني وهذا اللي ابوي زعلان منه ، فيه ازواج يضربون زوجاتهم وتصير مشاكل اكبر من مسلة الشتم والكلام وزوجي انسان طيب واحبه ويحبني بس مشكلته اذا عصب ينسى نفسه ويشتمني وقال لي مره ان هذا مو من قلبه ، وانا ابي ارجع له بس بطريقه تحفظ كرامتي وكرامته ومحتاارة كيف رح تصير هذي وتنحل بطريقه ما يكون فيها طرف ضعيف وطرف موقفه اقوى من الثاني...

احيان كثيرة تراودني فكرة اني اتصل عليه وخلاص انهي الخلاف بس اتردد لأني دخلت ابوي ورح يزعل مني اذا انا اتصلت وبادرت ،،، وفي نفس الوقت اذا جلست انتظر زوجي مارح يجي لأنه زعلان مني اني دخلت ابوي في الموضوع وبعد ابوي ما قصر في كلامه اللي قاله لأبو زوجي

والموضوع الحين اذا انتظرت زوجي اخاف يعاند ولا يجي وتكبر المشكلة اكثر ويصير طلاق وفراق وفي نفس الوقت اخاف انا اللي ابادر ويصير موقفي موقف الانسانه الضعيفة وممكن يكرر زوجي الغلط نفسه معي مستقبلا لأنه يعرف اني ما اقدر استغني عنه

والله محتااره حسبي الله ونعم الوكيل

ما عندي حل حبيبتي بس عندي نصيحة من تجربة مريت بها هيك زي مشكلتك
الي بدي اقوله هو لمن نكون بمشكلة ويطلع الاهل عليها بنروق احنا ونتصافى ونتعاتب وهات يا هدايا وشوق وابصر شو وننسى في لحظة صفا
بس الاهل ما ينسو ويظلهن شايلين ع الزوج وكارهينه ولو ماقلت ودافعت عنه ما بيغير شئ
لانه حضرتك بس تكون زعلانة من زوجك بتحكي كل الدفاتر القديمة
بتمنى تكون فهمتي علي
والله يسير امورك ويزيح هالازمة ويسعدك

ام وليد

__________________


اللهم بارك لي في أولادي ولاتضرهم بإحد من خلقك او بشي ووفقهم لطاعتك وارزقني برهم,اللهم يامعلم موسى وآدم علمهم , ويا مفهم سليمان فهمهم , ويا مؤتي لقمان الحكمة وفصل الخطاب آتهم الحكمة وفصل الخطاب,اللهم علمهم ماجهلوا وذكرهم مانسوا وافتح عليهم من بركات السماء والأرض إنك سميع مجيب الدعوات, اللهم أني أسألك لهم قوة الحفظ وصفاء الذهن وسلامة القلب وسرعة الفهم ,اللهم اجعلهم هداة مهتدين غير ضآلين ولا مضلين

انا من رايي اختي تكلمي الوالد وتفهميه

واذا ماطاع تكلمي ابو زوجك وتفهمينه وضعك

وان شاء الله يتقبل منك ويحل المشكله بطريقته

الله يهون عليك

اشكرك عالنصيحه ام وليد واللي صار صار نا اقدر ارجع اللي فات ياليت مادخلت اهلي بالموضوع بس لما يفوت الفوت ماينفع الصوت

اختي همسة وفا كل الشكر لك مشكلة ابو زوجي ماله اي كلمة على ابنه ومارح يفيدني بشي وهذي والله مشكلة

اما ابوي حاولت اكلمه بعد صلاة الفجر عصب علي وقال تبين اعزك رح اخليه يرجع يعتذر واذا مارجع واعتذر خلاص اتركيه ولا تذلين نفسك قدامه

في رأيكم اتصالي فيه غلط؟ انتظره والا انا اللي اتصل (احساس قوي في داخلي يبيني اتصل واحل كل شي معه) وفي نفس الوقت مترددة اخاف اخرب كل شي واحط الوالد في موقف بايخ ويزعل مني

ينقل الى قسم الثقافة والتوجيهات الزوجية مكانه المناسب

تحياتي ،،،

اشكرك ابو فيصل لكن موضوعي كان في القسم المناسب وكان هناك تفاعل سريع وانا محتاجة للاستشاره بشكل عاجل لأن التأخير ليس في مصلحتي،،،،،، واريد اراء حكيمه كي اضع حد لهذا الهم الذي ارقني ....

سامحك الله

الصراحة يا اختي انتي اللي كبرتي السالفة مب أبوك يعني زعلك ورجعتك لبيت أبوك شي طبيعي يخلي أي أب يدور كرامة بنته....اللي عليك اتسوينه اتكلمين ابوك واتفهمينه وتشرحيله السالفة بس مبسطة مجرد هاذي عادة عند زوجك وتريدين مساعدة أبوك في هداية الزوج وقوليله انت راعي خبرات وحكم وأكيد تعرف تجيب زوجي بالحكمة..... واتكلمين زوجك هو الآخر بوجه نظرك في عصبيته وزعلك وسبب تركك للبيت واشوي دلع وشوق ولاتقولين انه ابوك يدري بالسالفة اعزمي عالغدا أو العشا في بيتكم مع أبوك واتكون عزومة مصالحة وان شاء الله يارب يهدي سره قولي آمين....

__________________

__________________
العربي ابو محمد