انا صار لي تقريبا خمسه ايام عند اهلي ورح اكمل شهر ونص تقريبا لان زوجي في رحلة عمل
المهم العلاقه الان صاير كذا مع زوجي
المشكله انه قبل امس انا دقيت عليه وسلمت عليه وقلت له اني مشتاقه وهو كمان قال نفس الكلام
في نفس الليله تفاجأت فيه يدق على بيت اهلي مع انها مو العاده ....اذا بغى شي دق على جوالي
المهم انا اللي رديت مع اني ما ارد ابدا على التلفون...بس ساعتها ما كان فيه احد غيري فرديت
لقيته زوجي
انا انبسطت بشكل حسيت قلبي يرقص
هذي المكالمه بالحرف
انا...كيفك حبيبي
زوجي....الحمد لله
انا....ايش اخبارك
زوجي.....اعطيني وليد اكلمه
(انا هنا سويت نفسي ما سمعت.واستغربت و..كملت)
انا...ايش علومك...
زوجي....اعطيني اعطيني وليد اكلمه
ناديت وليد وانا كلي استغراب ...
ليش ما يعطيني وجه ويرد السلام
المهم كمل وليد من ابوه وانا مسكت السماعه وقلت اكلمه
ما سمعت الا قفلة السماعه ونغمة الخط المشغول



انا هنا جاني خوف الدنيا واجتمع في وسط قلبي
افتكرت الايام السودا الله لا يعيدها يوم كان فجأه يقلب
اشفيك يا بو وليد....يقوم ويخليني احترق من دون اي جواب



حركته هذي اللي سواها هي نفسها قد سواها من قبل
استجمعت قواي وقويت اعصابي ورحت داخل ودقيت عليه من الجوال


انا....كيفك اخبارك .....وانا مرتبكه وخايفه من رده وقاعده اتذكر هواشاتنا اللي وصلت بسببها المستشفى والنفسيه
زوجي.....انا تمام....
انا.... اشفيك ما كلمتني بعد وليد
زوجي... انا حسبتك مشغوله
انا.... انا من زمان اتفقت معاك انك ما تستنتج بالنيابه عني...كان سألتني وانت تعرف اني لو مشغوله افضي نفسي لك
زوجي.... خلاص انا كلمتك
انا.... متى
زوجي... اللي في العصر
انا.... انا اقول لك ايش اخبارك وانت تقاطع وتعاجل تاخذ وليد ما تبيني اتكلم
زوجي.... انا عادي
سكوووووووووووووووووووت
انا....يعني مو زعلان؟
زوجي.... لا
انا.... يمكن انا موسوسه من ايام اول...((ضحكت شوي))..((هو حتى ما تفاعل مع ضحكتي ولا علق ولا قال الله لا يعيد الشر))
سكووووت
انا... ما تبي تقول شي؟
زوجي... ايش اقول
انا....طيب خلاص..((((قصدي بعد هالكلمتين اقول اسفه لاني فهمت غلط واحبك ولو اني ما احبك ما حرصت افهم الموقف ولا اترك مجال لسوء الظن))))....والله لا زدت ولا نقصت ولا قاعده ابرر لنفسي ...اذا غلطانه قولوا لي
تدرون يا عالم يا ناس ايش سوى
















قفل السماعه بوجهي
من دون مع السلامه حتى...... مع انه يعرف انها مو حلوه من باب الذوق العام فكيف انا زوجته...


انا انصدمت منه بشكل
على طول ارسلت له رساله...انا كنت بس ابي ارفع سوء الظن من بالي واطمأن انك مو زعلان...لان حركتك تكلم وليد ما تكلمني ذكرتني بخرابيط اول...اعتذر عن حرصي على اسعادك والمحافظه على علاقتنا تستمر من دون زعل)))


هو على طول دق ....انا بصراحه ساعتها حسيت قلبي يتقطع على نفسي وعليه.....ابيه يتعلم انه ما يطنش حاجه انا حسيتها خصوصا انها كانت احد اسباب المشاكل اللي وصلتنا لحدود الطلاق....وهو وعدني انه ما عاد يعيدها مع ذلك اعادها....انا صعبت علي نفسي...وحسيت اني رجعت سنين ورا....
ارسلت له رساله ...قلت له من بكره لاعاد تدق.....


والى اليوم ما دق.....مع اني اعرف ان الحكايه مو انه ما صدق اقول له لا تدق....بس هو يعتبر المسأله انها سخيفه وما تحتاج هذا التدقير كله....
وانا من ايام اول اختلف معاه في انه يستسخف اشياء بالنسبه لي تعتبر مصيريه ومو راضي يستوعب اني اهتم للاسلوب
اكثر من اي شي في هالدنيا.....وانا لو اغلط في حاجه هو مفهمني عليها تقوم الدنيا وما تقعد

المهم ارسلت له اليوم رساله وفيها كلام حلو وختمتها باحبك
وبرضو ما رد
وانا مو هاينه علي نفسي ادوس عليها وانا لي الحق مع ان هالكلام عيب بين زوجين
بس ذكرني بخرابيط انا ماصدقت نسيتها
بس ابيكم تقولون لي اني مو غلطانه واني معاي حق....واذا مو معاي حق قولو والله يعين ....

__________________
[/IMG]

لا اختي منتي غلطانه
بس بعض الرجال كذا اذا شافوا الزوجة مبسوطة عند اهلها يحبوا ينكدوا عليها

مبسوطه ايه بس مشتاقه له
بالعكس لو تكون الوحده وسط جنه خضراء من دون زوجها حبيبها ما تكون مبسوطه
تسلمي لي يا واناش
وانا نظرا للظروف اللي مريت فيها اعتبر نفسي مو غلطانه

__________________
[/IMG]

هذا طبع بعض الرجال الوحيدين و يمكن يحاول يخفف على نفسه البعد و الله أعلم !!

الله يديم عليكما السعاده و يحفظ لكم وليد

أنا ما أقول طنشيه و لكن الرجال يحس بالذنب اذا حس بغلطه و حاولي التوقف عن مراسلته بضع أيام و إن شاء الله تعود المياه لمجاريها

موفقين

__________________

][ الملك الانسان ][

(( شكرا ً يا والدي أبو متعب ))

هونيها وتهون يالغاليه

اكيد حركته ترفع الضغط اسألي مجربه <<<<

زوجي ما عمره قال مع السلامه يسكر بوجهي حتى لو مو متزاعلين

بس انسان على قولتك ما يعرف الذوق و مرات اجلس عند اهلي اسبوعين

واذا اتصل بس يقول كيف حالكم اقول له مشتاقين لك هاه انت مشاق لنا؟؟

ودائما يرد ((يعني)) انا الحين تعودت على اسلوبه التافه وعايشه حياتي

اسفه طولت عليك بس حبيت اقول لك انك مو لحالك بس اللي تمنيته انك ما ارسلتي بالجوال

لان رسائلك متناقضه بالاول قلتي لا تدق ومعصبه وبعدين تقولين له احبك

احس الرجال ما يحبون هالشخصيه

اختي

انتي مو غلطانه ولا تلومين زوجك على تصرفاته اللي تعكر المزاج


هو الآن في مهمه عمل وغايب عنك وشي أكيد مشتاق لك حيل

شوفي انا زوجي مرة راح مهمه عمل لمده شهر وطبعا رفض ياخذني وهالشهر جاتني انواع السب والشتايم

والصراخ والحقران ومابقى كلمه بشعه ما قالها لي

ووصلت بيننا للطلاق بس ربي ستر



وبالنهايه وبعد كم شهر تدرين وش قالي والله ثم والله قالها بالحرف الواحد ((كنت مشتاق حيل لك بس مادري وش اسوي قلت اعصب عليها ))

ادري انه عذر اقبح من ذنب بس عرفت انه يحبني وبعده عني متعبه مرة

بس هو وش يقول تعب من عمل والا تعب من بعده وغيابه عن زوجته وبيته واهله


اختي شوفي انتي لاتلومينه وحطي له الاعذار يمكن تعبان من العمل يمكن مشتاق لك ولولدكم الله يخليه لكم

مشتاق لبيته لأهله




شوفي اختي دايم فيه مثل يقال (( بعيد عن العين بعيد عن القلب))


يعني هو يشقى ويتعب ويتحمل البعد عنك وعن ولدكم وعن بيته واهله من عشانه مو بالنهايه عشانكم

معليش ادري انها تصرفات تقهر بس التمسي له الاعذار

وصدقيني بكره اذا رجع لك بالسلامه بتعرفين انه كله هالحركات البايخه شوق لكم

بس الرجال اغلبهم كذا مايعرفون يعبرون عن مشاعرهم..


طولي بالك ووسعي صدرك ولا توسوسين أبدا,,,

بس مثل ماقلت لك صدقيني ياا اخت مشكلتي اصدق انا مريت بنفس ظروفك ولا وكنت توني متزوجه مالي غير 3 شهور


ووراني الويل في هالشهر اللي سافر فيه انتداب


اقرأي كلامي زين وبتأني ,, وربي يرجعه بالسلامه

__________________

حسام تسلم على مشاركتك القيمه
عبوره انا سويت له الرساله علشان يفهم ان المسأله اخذ في الخاطر مو حريقه
وكان ودي يرد علي
ولكن بما انه اخذته العزه بالاثم باتركه لحد ما هو يروق ويكلم بنفسه
تسلمي لي على اهتمامك

__________________
[/IMG]

اللي شاهدته
إن الرجال لما يبتعد عن زوجته خصوصا العلاقه الخاصه

يتوتر

ويخربط

والله أعلم

فأنت تقربي منه بكلام معقول

ولا تجيبي سيره للي صار وبيصير

حسسيه انك منتظرته بشوق

وطفشانه لانه بعيد

الله يوفقك

طبعا هذا رأي وأنتي أبخص بزوجك

__________________
سبحان الله وبحمده سبحان الله العظيم

ريم 2006
انا فاكره موضوعك
الله يسعدك ....اسعدتيني جدا بردك الرائع يا رائعه
انا انقهرت من حركته لاني عشت معاه خمس سنين ما فيها الا كم يوم حلوين وباقيها شقا والسبه نشفان راسه
وبعد ما روقنا تبادلنا الوعود اني ما ازعله ولا هو يزعلني
وفعلا لنا من تصالحنا تقريبا سته شهور هذي اول مره نتزاعل ونتقاطع فيها
وما ودي نتقاطع لاننا ما صدقنا رجعنا رايقين
بس قهرررررررررررررررررررررني

__________________
[/IMG]

ختام
كلامك يدل على رجاحة عقلك
جزاك الله خير على مرورك الرائع
احاول بكره ادق عليه والله يعين

__________________
[/IMG]