تزوجت خالة ابنتي بعد وفاة امها لكنها لا تتقبلني كزوج (حلت المشكله الرد 524)
بسم الله الرحمن الرحيم
السلام عليكم ورحمة الله وبركاته
اخواني اخواتي الاعضاء
حبيت اطرح عليكم مشكلتي اللي ارقتني كثير
وابي حل لها ما ادري هل الحل الانفصال او الزواج من اخرى
تزوجت ورزقني الله ببنت كنت مرتاح كثير مع زوجتي ومتفاهمين بس اللي حصل ان زوجتي توفت في حادث الله يرحمها رحمه واسعه
خليت بنتي عند اهلي لمدة سنه وبعدها اقترحوا علي الزواج عشان بنتي لاني اشتغل بمدينه غير اللي فيها اهلي واهل زوجتي الله يرحمها
رفضت هالشيء اولا لاني ما تصور اتزوج غيرها وثانيا انتو تدرون بشغل العمات وانا ما ابي اسبب لبنتي اي مشاكل قلت لهم وجهت نظري بالموضوع ورفضت وبعد فتره قالو لي مافي حل الا انك تاخذ اخت زوجتك اولا هي خالتها وما راح تقصر فيها واكيد انها بتكون زي اختها
طبعا اخت زوجتي كانت ملكت قبل وانفصلت عن خطيبها بسبب مشاكل صارت بينهم
الموهم اني رفضت ومع الاحاح وحزني على حال بنتي وافقت
وفعلا خطبتها ورفضت في البدايه وبعدها رضت ما ادري هل فيه احد ضغط عليها او اجبرها
لكن الطامه الكبرى ان البنت ساحبه علي
هي ما تقصر والشهاده لله قايمه بواجباتها كامله من طبخ وتنظيف بيت ورعايه لبنتي وبنتي كانت متعلقه بخالتها من اول واللحين بنتي مرتاحه جدا معها لدرجة انها تقول لها ماما
لكن المشكله ان البنت جافه معي وتنام مع البنت وياويلي اناقشها بهالموضوع رافضه رفض بات قلت لها اني راح اتزوج وحده ثانيه تصورو كان ردها قالت لي بلعنه ان شاء الله تاخذ عشر وانا وش دخلني اهم شي بنت اختي
وكلمت ابوها بالموضوع لكن ابد البنت ساحبه وتقول ياكذا يا يفتح الله
ما ادري اضحك ولا احزن على حالي متزوج ومو متزوج ما ادري هل هو صغر سن من البنت وقلة وعي وبتتغير مع ان عمرها22 يعني مو بصغيره بس يمكن فرق السن اللي بينا
حطيت اكثر من عذر اطلبها اي شي ثاني تسويه الا الاشياء ذي لو ايش
تعبت معاها ما ابي افرط فيها اول شي لاني حبيتها وتعلقت فيها وثانيا عشان بنتي
قولوا لي هي ليش تتصرف كذا وهل فيه حل لهالمشكله مع اني حاولت بشتى الطرق حاولت اكون حنون عليها واسمعها بس مافي امل اقول لها اللي يضايقني ووش سويت طول اليوم عشان تتجاوب معي بس احسها مطنشتني تتفاعل صح بس هي تتكلم لا
وش الحلللللللل يا ناس لاني خلااااص مليت
التعديل الأخير تم بواسطة om abdlah ; 09-10-2011 الساعة 03:04 PM
02-10-2011, 09:40 AM
ضوابط المشاركة
العرض الشجري