اخي .. اذا كنت فعلا تريد ارجاعها .. فتفانى في مصالحتها ..

واعلم بان لو المرأة لا تريدك البته .. فهي لن ترجع ابدا الى منزل الزوجية .. لا من اجل اولادها ولا من اجل اي شىء آخر ..

ان رجوعها اخي معك .. تحت سقف واحد حتى لو انفصلتم في الغرف .. يعني الكثير ..

يعني اني اريد ان اعطيك فرصة اخرى .. لتبين لي مدى صدق مشاعرك .. مدى قوة تمسكك بي ..

المرأة يا اخي .. حتى لو بينت عكس ذلك .. هي في الحقيقه تريد ان ترى مدى تمسك زوجها بها ..

أسال الله لها ولك الثبات والاستقرار ..

في امان الرحمن ..

__________________

(((باقة ورد بيضاء مع مصحف ورسالة تشرح الصدر)))
الله يصلح بينكم ...

__________________

قدملها هدية ترى المرا مثل الياهل اتقدمله هديه تنسى السالفة اللى سويهه

عيبني رد الاخت مشكلتي اصدق هو يحاول يرد المياه الى مجاريها وانت تحاول تخرب على الريال اذا اخوي ماتروم تقول شي زين لا تقول شي شين الله يهديك بس

مع رمضان يا اخي صاحب الموضوع تتربط شياطين الجن ( والانس)
مع اني اتمنى بعض الإنس هم بعد يتربطون بس يالله امر الله ما نقدر نسوي شي

اسمع يا خيي
رمضان هذا غير
لا تكلف عليها بالفطور
اعزمها مع العيال على الفطور برا
بس قبل كذا حاول تلين معها في التعامل والكلام
مافيه شي اسمه تتكرم عليك ومدري ايش من هالخرابيط
لو هي ما تطيقك والله ما ترجع وتخليك تنطق مع عيالك
مو عيالك مثل ماهم عيالها
خلاص اكيد انت ما بتخليهم يموتون جوع
بس هي والله قصدها فرصه ولو ما افصحت هي بهذا علنا
ذكرها بالأيام الخوالي
اكيد فيه شغلات حلوه بينكم

الهديه حلوه مصحف بس بصراحه بين لها قدرها كمان عندك بشي قيمته الماديه غاااااااااااااااااااليه

معليش يعني ورد مايكفي
لازم كلمتين حلوه
وتغيير في التعامل للاحسن وعلى طول
ومساعده لها في رمضان
وكذا يوم فطور برا
وتبين لها انك مبسوط برجعتها وانها فعلا اهم مافي البيت وحياتك
وانك مو معقول تفرط فيها
جيب لها شي ذهب او الماس
مو شرط طقم كامل ولو خاتم بس يكون عليه القيمه
شغل مخك شوي
بينكم عشرة عمر شوف ايش اللي ممكن ينفع معها
بس لا تسمع كلام اللي يقول لك ماعليك منها

__________________
[/IMG]

يا هلا ..

ارجو من الله ان يزيل المك و معاناتك ببركة شهر رمضان ..

اخي اعتبر عودة زوجتك في شهر رمضان فرصه لا تعوض ... انتهزها من اجل العشره و الاولاد و الحب اللي بينكم ..

باين عليك يا اخي انك تحب زوجتك و ترغب في عودتها اليك مره اخرى ..

اجلس جلسه مصارحه مع زوجتك و حاولوا ان تجدوا حلول لجميع مشاكلكم .. لا تجعلوا الشيطان بينكم ..

ما فيها شي يا اخي اذا انت بادرت بالصلح و الاعتذار و التودد الي زوجتك والتنازل قليلا .. فذلك يجعلك تكبر في عينها خاصه اذا كانت تحبك و شاريتك .. النبي عليه افضل الصلاة و

السلام يقول : خيركم خيركم لاهله و انا خيركم لاهلي .. فلنتخذ من رسول الله اسوة حسنه ..

لا تدع يا اخي الفرصه تفوتك ... من الاجل ابناءكم يا اخي ..

وهديتك حلوه ... وراح تفرح فيها انا متـأكده ..

وربي يسعدكم .. ولا تنسى اخوي طمنا عن اوضاعك ..

أميرات ..

مرحبا فيك أختي متالم 000

أنا شاء الله المياه راح ترجع مثل قبل وأحسن 00

والهديه الى ناوي تقدمه لزوجتك وهي المصحف & وباقة ورد بيضاء & ورساله & كلها هدايا جميله ومعبرة

ولكن زيد عليها مبالغ من المال لكي تفرح كثير 00

واما بخصوص الرساله عندما تريد ان تكتب لها أكتب في رسلتك بأن حياتكم سوف تتغير للاحسن من اجل

أولادكم ما ذنبهم فهم الضحيه 00وأنا شاء الله يهديكم لما يحب ويرضى ويهدي زوجتك لكي ترجع

لزوجها وأولادها وبيتها 00ويسعد ايامكم كلها 00

__________________

انا ماكنت ناويه اكتب شي بس بعد ماشفت رد الأخ الولهان قررت اني اكتب.
عذراَ أخي الولهان ليتك رديت بنصيحه ترجع له زوجته وام ابناءه الخمسه تحت سقف واحد مو تزيد الطين بله .ونصيحه لك عامل زوجتك مثل مايعامل الرسول صلى الله عليه وسلم زوجاته بالكلمه الطيبه والمعامله الحسنه والله ماراح يكلفك شي كله كلام بسيط. (الالفاظ سعد) على قولة اخواننا المصريين.والله يهديك بس

اخي المتألم شوف ردي ورد اخواتي ونحن نساء ونفهم بعض واكيد فاهمين زوجتك. نصيحه لك ممكن تكون طويله شوي بس ان شاء الله تكون مفيده.اذا رجعت زوجتك البيت اجلس معاها في الغرفه اللي راح تنام زوجتك فيها وتكلم معاها عن سبب الزعل وأعتذر لها واكررها اعتذر لها بعدين قولها كيف البيت كان بعدها مظلم وموحش ولما رجعت رجع النور والحياه للبيت وانك مشتاق لها وقبل ماتروح اطبع على جبينها قبله.وخلها يومين او ثلاثه وخلال هذي اليومين امدحها امام اولادك في طبخها في لبسها في جو البيت وعود لسانك على كلمة (الله يخليك لنا)والله الله بالحركات يوم جيبلها ورده وحطها بغرفتها من غير ماتدري ويوم اكتب لها رساله قصيره ويوم عطر غرفتها بعطرك دللها وكأنها عروس في شهر العسل مثلا قبله على الطاير حتى لو امتنعت، امسك يدها امام التلفزيون او وهي تقدم الاكل مع كلمه حلوه، اغمز لها، قدم لها الشاي مع كلمه حلوه، اهمس بأذنها من غير ماتدري مثلا وهي تطبخ وهي تشتغل (الله يعطيك العافيه_احبك_اموت فيك).وبعد هاليومين تقرب لها اكثر واكثر و الباقي عليك.
بالنسبه للهديه اذا انت مقتدر جيب لها طقم صغير ذهب واذا ماتقدر خاتم قيمته يمكن 400 ريال مع رساله وراح تفرح بالهديه انا اشوف الذهب انسب هديه او حتى حلق صغير .

والله يجمعك وياها في هذا الشهر الفضيل على خير ومحبه ويلم شملكم

قدملها هدية ترى المرا مثل الياهل اتقدمله هديه تنسى السالفة اللى سويهه