.
.
قبل يومين صاحبتي فتحت موضوع للنقاش بقروبنا في الواتس أب :

تقول أنا زوجي مايسافر برا .. إذا بيسافر بس فالخليج .. يعني الموضوع مايمسني بشكل مباشر.. بس أنا هالموضوع أشوفه صار ظاهرة واسمع بكثير شباب يخلون زوجاتهم ويسافرون عنهم اسبوع أو اسبوعين.. وهي كانت من اشد المعارضين .. ومن شدة تعصبها وهجومها المستميت على هذا الصنف من الأزواج شكينا إن الموضوع شخصي .... هي وجهة نظرها إنه في هالأسبوعين بيرمي عليها مسؤولية البيت كاملة ومسؤولية الأطفال وبينبسط وهي بتتعب .. أو ممكن يصير فيهم شي في هالأسبوعين وتكون بحاجة زوجها (مع العلم أهلها بنفس المنطقة)
المهم .. صار نقاش بين صاحباتي بين مؤيدة ومعارضة واحتد النقاش وصار شد وجذب.. وآخر شي تهاوشنا << كالعادة

أنا كان رايي كالآتي :
مادام الزوج مايقصر على أهله .. ويسافر معاهم .. وبيعطيهم مصروف كافي في فترة غيابه .. خله يسافر يروح وينبسط (أهم شي إنها واثقة منه ومن خوفه من ربه).. كلها اسبوعين في السنة أو في السنتين ماراح تقصر من أعمارنا .. بالعكس فرصة لتجديد المشاعر والأشواق ..
وإذا خايفة إنه بيطرأ طارئ .. فهذا من التشاؤم المذموم .. خصوصا لو الأهل قريبين مافيه خوف إن شاء الله .. وإحنا في مجتمعنا كلنا موظفات ونسوق ونملك سيارات وقادرين إن ندبر أمورنا بأنفسنا ..


انتوا إيش رايكم ؟؟

والله رايي من رايج مريوم
كلامج خص ان كانت السفره في السنه بس أكون واثقه انها مش للضياع ... الرجل محتاج يطّلع بروحه بدون ما يفكر فالحرمة و طلعتها و العيال وين بيشلهم و بيأكلهم و بيلاعبهم في كل طلعه ..
لذلك لابد من هالفرفشه ..،

__________________

ازا بيخليني اسافر لحالي ... اخليه يسافر 😎

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

أقول لصاحباتي المعارضات ..
الزوج بيسافر سواء رضيتي أو رضّيتي ..
فليش تنكدين على عمرج وتنكدين عليه قبل مايسافر ..؟
صج ناس يحبون يجيبون الغثا لنفسهم ..
شكلهم مايرتاحون إلا بالنكد والمشاكل ..

زوجي يخليني أسافر مع أهلي ..
بس لحالي لا طبعا ماينفع بدن محرم ..

ابغا مع صحباتي 😂👊


اول ماانخطبت ... اول شي سألو عنو اخواني ... السفر ..

طلع سافر اندونيسيا مرا واحدة 😂 ... لما كلمتو وضحت له اني ضد السفر ...

باستمرار اصحابو واخوانو يكلموه عالسفر ... ويرفض ... اخر مرا خلال دي اليومين كلموه .. ورفض ... قالو له السفره من عندنا هديه ... انت بس تعال جااهز 😡.. ورفض

في الاخير رد عليهم .. وقال السفر معاكم ممتع لكن افضل السفر مع زوجتي ...

وتعالي شوفي تعليقات اصحابو ... تخاف من الحكومة وماادري ايه 👊

رقاله يخربوا بعض 👊..

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

الافضل السفر مع العائله
الا اذا طلعت بر ووقتها قصير
خلاص الواحد ارتبط ينسى العزوبيه خلاص

هههههه يالحكومة ..
زوجك شكله ماعنده علاقات قوية خارج المنزل ..
أحسه بيتوتي ..
هنيّالك ..

مع إني امرأة ..
بس أحس غلط الواحد لما يتزوج يحصر نفسه وحياته في نطاق الأسرة ..
وترا حتى العكس ...
ما أحب إن المرأة تحصر نفسها بين زوجها وابناءها وبيتها وكأن لا وجود لحياة خارج هذا البيت ..

بس أحترم وجهة نظرك كرجل وأحترك قدسيتك للزواج ..

اختي ماهي قدسيه زواج
بس واقع
معظم المشكلات ان الواخد يعيش عزوبيته وهو متزوج
محد يبي يتنازل
وصدقيني الي متعود على سفر الاصحاب ماتكفيه سفره وحده
كل شوي بيزنون عليه يله يافلان لانهم صارو قروب
الفلوس مو قليله الي تندفع بالسفره
العائله اولى فيها
لان اذا بتسفر اهلك يادوبك سفره بالسنه فكيف بميزانيه سفره مع الاصحاب برضو
الشباب يطلعوا استراحات مزارع مجالس قهاوي
يعني مو مخلين بخاطرهم شي وشايفين اصحابهم
برضو تبينهم يسافرون معهم مابقى شي لبيوتهم وعيالهم
الي عنده سفره عمل او دوره نقول
بر وطلعات رجاليه اوكي
حداق وبحر اوكي
لكن سفره لشرق اسيا ولا دبي ولا البحرين ولا اوربا
لا ما اؤيد ابدا