بسم الله الرحمن الرحيم

السلام عليكم ورحمة الله وبركاته

اخواتي ... اليوم يايتنكم وعندي سؤال .. بستفيد منه وبيستفيدون منه اخواتي الاعضاء

سؤالي
---------

ماذا تطبخين للفطور ... / أنا ماعرف اطبخ ... ووقت الفطور كل اسبوع نفس الشي اجبان وزيتون وبيض وبس ... ... أبغي اسوي شي حلو .. زوجي يفرح عليه بس مب عارفه .. وحطيت الموضوع عشان اخذ الخبرات منكم .. قولو الطبق وطريقته ... وبنسوي موسوعه الافطار

شو رايكم ..... ؟!؟


انتظركم

طبخه مررررررره سهله بس يبيلها شوية تدريب علشان تطلع مضبوطه يعني أول كم مره سويتها طلع البيض فيها تو متش و ما طلعت مضبوطه

المقادير:
توست منزوع الحواف
بيض (تقريباً بيضة لكل 4 قطع توست)
ملح
فلفل

الطريقة:
* تقطع قطع التوست إلى مربعات أو مثلثات (أو ممكن إذا فيه مزاج أشكال باستخدام القطاعات)
* يكسر البيض في صحن عميق شوي و و يخفق بشوكه مع الملح و الفلفل
* يغمس التوست في البيض بحيث إنه يتغطى بالبيض لكن ما يتشربه كثير (و إلا تخرب السالفه)
*يحمر التوست في زيت حار (مو غزير) و بعدين يجفف من بقايا الزيت و يقدم

و بالعافيه

بالنسبه للتقديم أنا عن نفسي أحب آكله لوحده بس فيه ناس يحطون معه شيرة البانكيك أو ممكن عسل زوجي يحب يحط جبن و مربى يقول لذيذ بس بصراحه عمري ما جربت

فيه عندي شغلات ثانيه ممكن بعدين إذا صار عندي وقت

__________________

يعطيج العافيه اختي

وان شاءالله بجرب ... وعلى مسئوليتج

وين باقي الاخوات


؟َ؟!؟!