السلام عليكم ورحمة الله وبركاته

كلكم تعرفون قصتي انا وزوجي مع سيارتنا .. هههههه .. بصراحة ازدادت سيارتنا سوءا .. وزوجي المسكين يداوم فيها كل 3ايام مسافة500كيلو ذهابا وعودة .. وخلاص ماعاد فيها روح .. هي تمشي بس متعبة صارت مرة .. وماعادت مريحة حتي المكيف يهرب عندي اذا ركبت بجانب زوجي بالسيارة تمتلأ عباتي وثيابي من تحت بموية المكيف... ههههه..

زوجي أمس مر شركة سيارات علي اساس يشتري سيارة بالتقسيط ويخلص اوراقها ويفاجأني بالسيارة الجديدة حسب ماقالي امس .. بس للاسف تفاجأ في التقسيط قال له الموظف نعطيك بقسط يغطي ثلث الراتب بس لابد تدفع دفعة مقدمة 28الف .. طبعا لان زوجي راتبه متدني .. ولان زوجي ماعنده المقدم كنسل الموضوع .. بصراحة زعل زوجي مرة لان كان نفسه نرتاح ويسوي لي مفاجأة ..

سألته لو اخذتها انا لازم ادفع المقدم قالي لا لان راتبك يغطي القسط بالراحة .. قلت خير أن شاءالله..

ابي استشيركم في هذي النقطة .. ما رأيكم هل أدفع الدفعة المقدمة واجعل زوجي يقسط الاقساط؟؟
أم اقسطها أنا وتكون السيارة بأسمي؟

اثابكم الله دلوني في حيرتي..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

علي العلم ان زوجي رافض من قبل اخذ سيارة باسمي لاني افكر اطلع قروض واشتري ارض وابنيها .. فيقول الارض والبيت اهم وما ابي اي شي يؤثر علي هالشي .. بس هالشركة اللي ناوين ناخذ منها هي الشركة الوحيدة اللي ماتؤثر في اي قرض راح ادخله وهذا اللي مشجعني افكر اطلع سيارة..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

لو طلعتي سيارة بإسمك ، كيف بخصوص مخالفات ساهر ؟
راح تسدديها كل شوية ؟

و كم القسط الشهري ؟

.
.

أنا برأيي ..

احتفظي براتبك ، و اشتري بيت لنفسك و بإسمك أو قطعة أرض بإسمك ..

.
.

أنا مريت بنفس المواقف ، و في الأخير و لله الحمد ..
قدرت أجيب بيت تمليك لي و لأولادي ، و أدفع أقساطها من راتبي للبنك ..

و كنت كم مرة تجي ببالي إني أجيب سيارة لزوجي عشان يرتاح من هم السيارة هذه ..
لكن أرجع و أتراجع ، و الحمد لله إني عرفت أخذ قرار صحيح ..

بفضل الله ثم بفضل الأعضاء هنا ..

وفري كل قرش ، عشان منزل المستقبل ..

كلامك سليم .. بس في نقطتين ابي اوضحها:
الأولي: الشهادة لله زوجي يخاف علي مصلحتي وحقوقي يمكن أكثر مني وهالشي مريحني كثير ولايمكن أشك انه ممكن يستغلني
الثانية: أن دوام زوجي 500كيلو كل3ايام من أجلي .. بأمكان زوجي يظل في المدينة التي يعمل فيها ويجيني كل اسبوع مثلا أو يطالبني انقل بالمدينة اللي يعمل فيها .. بس لأني مرتاحة في وظيفتي هنا وقريبة من أهلي فهو الله يعطيه العافية متحمل التعب عشاني.

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بالنسبة للمخالفة تكون حق سائق السيارة و ليس المالك

ة بالنسبة للسيارة، ما تقدروا تصلحوها

لان الاحسن تاخدوا البيت او الارض اللي قيمتها بتظل تزيد مع الوقت اما السيارة فهي تفقج قيمتها السوقية بمجرد ما تشتريها

اذا ما نفع تصلحوها، فخلاص ادفعي المقدم لزوجك و خليه هو يكمل الباقي

بالنسبة للقسط لمدة4سنوات قيمة القسط1500ريال .. وبامكأني اقتسامه مع زوجي او اتفق معه اتحمل الاقساط وهو اللي يدفعها .. وهو ابدا ماعنده مشكلة .. بالنسبة لساهر زوجي ولله الحمد منتبه كثير في قيادته للسيارة وأن جاته مخالفة او شي فهي بالنادر.

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

والله يا اختي السيارة منتهية .. لدرجة لما نطلع مطب او نجي علي حفرة فالسيارة تحك من تحت .. وعاد الديرة مايحتاج كلها مطبات وحفر ههههههه

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

انتي اخبر بوضعكم
لكن صعب عليه كرجل زوجته تتحمل البيت و السياره بعد
ساكن في بيت زوجته وراكب سياره زوجته
برضو حلو تكون السياره باسمك
لان اذا دفعتي المقدم بس راح تكون السياره باسمه
استخيري
اذا فعلا غير مقتدر اشتريها انتي ووازني اقساطها مع قرضك بالبنك

برأيي ادفعي له المقدم 28 الف
والباقي يقسطها من راتبه
والسيارة باسمه

__________________

طيب وش الحل يا اختي اذا كانت ظروف الرجل علي قده والزوجة كانت مقتدرة خاصة اذا كان الزوج كريم اذا صار معه شي ومايقصر وفي نفس الوقت حنون ومايرد لزوجته طلب .. الشهر الماضي والله مصلح جوالي بأكثر من500ريال بالرغم انه مابقي من راتبه الا الف نصها صلح فيها جوالي والباقي تصارفنا فيه لحد الراتب..

ماشاءالله علي زوجي يشتغل علي نفسه حصل وظيفة حكومية وانتقل عليها وقريبة مني وفي نفس الوقت يكمل دراسته وهو بالصف الثاني من المرحلة الثانوية وفي الصف الاول حصل علي امتياز ومعدل مرتفع .. يعني عنده طموح يكمل جامعة بأذن الله وفرصة في الترقية وتعديل راتبه ممتازة مستقبلا ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..