السلام عليكم ورحمة الله وبركاته




بصراحة ترددت بكتابة هذا الموضوع بسبب حساسيته
والمشكلة حساسيته تمنعني اخذ رأي من يعرفني


قبل امس زوجي طالع مع شباب
ولما جاء ياخذني تفاجأت انه مكتوب على غبار سيارته كلمات خااادشة للحياء وكلمات وسخة

انا على بالي واقف يصلي بمسجد ومجهول خربط بالسيارة

نبهته
ردة فعله باااردة عطاني منديل امسح اللي قدامي وهو مسح اللي قدامه
طبعا وهو مبتسم كانه مكتوب كلام عادي

قال هذولا الشباب اكيد!!
انا مامشت براسي ولابلعتها
عدتها مرة ثانية قلت اكيد وانت تصلي احد كتب على سيارتك
قال لالا هذولا الشباب

بربكم
شي عادي يُكتب بسيارة واحد متزوكج وقدام مقعد زوجته كلمة عيييييب تنقال الا بين عيال الشوارع
هي كبيرة والا انا مكبرتها


بصراحة بعد هالموقف عرفت فعلا سبب تغير زوجي
لانه السنتين الاخيرة تغير دنينا وبدرجة فضيعة وهو عمر تعرفه على هالشلة السخيفة
مقدار تقديري له نزززل خصوصا لما شفت بروووده من الموقف

الله المستعان

شو كان مكتوب
عشان نفهم

أنا مثلك أتضايق من الأشياء هذه و أحسها تنزل زوجي من نظري
لكن اكتشفت إنه أغلب الشباب كذا مزحكم و تريقتهم

كلمات وسخة و ما تنقال

بصراحه غريبه!!!

يعني الشخص اللي يمشي دغري وماعندو اي حركات من هنا ولا هنا
اكيد اكيد ماراح يتعرض لمثل هذي المواقف .

لكن خلاص ادعي الله انو يهديه ويبعدو عن اولاد الحرام والله يسخره لكي ان شاءلله

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

مهما وصل المزاح بين الأصحاب الرجل المحترم مايرضى بهكذا تصرفات من ربعه
ويفرض عليهم أحترامه وأحترام أهله وأصحاب زوجك قليلين أدب وذوق لأنهم لو عندهم
شوية أحترام ماكتبوا كلام خارج عن حدود الأدب على سيارة رجال متزوج وهم عارفين أن
زوجته بتركب معه وبتشوف هالكلام البايخ


أدعي ربك أن الله يصرفهم عنه ويبعدهم وترى الصاحب ساحب

نبض الدان
لا تتضايقي أغلب الشباب عندهم الكلمات هذي مثل شربه الماي ..
أعرف وحده تعاني من هالناحيه تقووول يسولف قدامي ويمزح ويتكلم كلام جدااااا خادش للحياء ...
عديهااااا ... لكن علي السياره شوي قويه كونه متزوج والمفروووض مايسمح لهم بهالشي لأنك راح تركبين السياره ... فأنتبهي علي زوجك من هالنوعيه ...
وقعدي معاه قعده مصارحه بأنه هالشي يضاااايقك وأنه كل كلمه محسوووبه عليك بدفتر اعمالك وما الي ذلك من هالكلام ..
وخلاص اللي عليك سوتيه ... واذا سمعتي منه اي كلمه .. رددي بلكمه استغفر الله وهو راح يستحي مع نفسه ...
وبكل صلاه ادعيله..اللهم أني استودعتك زوجي فرده اللي ردا جميلا ... وباعد بينه وبين اولاد الحرام كما بعدت بين الجنه والنار ...
والله يفرج همك ويريح بالك ...

تحياتي لك ..
.
.
.

فهمت☺
نبض الدان كبرتيها
هذول الشباب اغلبهم يتعاطون هالكلمات كنوع من المززح بينهم وبين بعض
موشرط اذا تعاطوا هالكلمات يعني انهم اشخاص سيئيين والله اعلم
اتوقع بل واجزم انها لن تتكرر
صغريها بتصغغغر

الشباب يمزحون مزح ثقيل مع بعض... فعديها يا اختي...

لا تنصدمي و لا تنقهري عبالك انه الرجال كلهم مثل اخوك و ابوك؟؟؟

معظم شباب هالوقت تعتبر هذه الكلمات عادية عندهم الله يعين

ادعي و قول اللهم اكسب زوجي حياء عثمان ...

الله يهديهم
المشكلة المجتمع مو مستوعب ان الفحش بالقول منهي عنه
الله المستعان


فاهمة عليك
مو هذا اللي قهرني منه
ردة فعله اقل بكثير من المتوقع


والله كل ذيك الليلة ادعي
والله كريم يصرفه عنهم ويصرفهم عنه
انا فعلا اتخذت منهم موقف واحتقرتهم


الله يهديهم
مشيتها لاجل يمشي المركب ولو انها وااقفة بحلقي مو راضية تنبلع


عديناها..غصب..
اللهم ارزقنا جميعا الحياء منك