تكدر خاطري مره الوالده حساسه جدا لهذا لا تتدققين على تصرفاتها واسلوبها وكلامها
وصار الي صار الله يسعد اختك بزواجها ان شاء الله وحاولي تتقربين للوالده اكثر وبري فيها وسوي الي يرضيها والي تحسين انه يزعلها قول لها يا ميمتي و ش فيتس عسى ماانت زعلانه حاولي تكسبينها دائما بكلماتس الحلوة وعبري عن مشاعرتس لها وارضيها بالي تقدرين عليه تصدقين حاسه اني<<

على فكره ما احب اجي للقسم هذا مشاكل اجتماعيه وما عمري رديت على اي موضوع فيه
لكن موضوعك رديت عليه من باب انســـــــــاني عشان الوالده
ما قدرت قلت لازم اكتب مختصر واحاول اخفف عنتس
غلاتي تذكري دائما ان الأم نعمة عظيمه وباب مفتوح يوصل للجنة بإذن الله

وبنسبه لتصرف امك الله يسامحها خطا والمفروض عبرت وناقشت بدل الزعل والسكوت!
لكن هذا شخصية المرأة الحساسه وياليتها مابالغت ابدا وجاملت في عرس بنتها
لكن صار الي صار وعشان مايتكدر خاطرتس قولي قدر الله وماشاء فعل في كل امورتس الي تحسين انها مؤلمة وقاسية عليتس وبصراحه موقف مؤلم ومبكي للغاية الله يصلح احوالكم

ولا اوصيك على الوالده وانسي الي صار منها وروحي بوسي راسها ورجولها وصارحيها
قولي يا يمه لا تكتمين شيء بخاطرتس ان كنت زعلانه او تعبانه وابشري بالي يرضيتس ويسرتس منا
ومانبي إلا رضاتس حاولي معها وخلي خـــــــــاطرها صافي عليتس انت واختس ..
انسي وانا اختك كل الي صار وسامحي الوالده الله يرضى عليتس
( دعواتك بالغيب )