ما عرفت القسم الانسب لموضوعي .. فحطيته هنا ..

أول ماتزوجت قبل أكثر من 11 سنة عشت مع زوجي في غرفة وصالة والله يكرمكم حمام ببيت أهله ..
وجبت بنتين ماشاء الله في هالمكان وكنت اعاني من اهله شوي لتدخلاتهم بعيالي .. وايضا بناتي لما كبرو شوي اضطريت الغي الصالة واخليها غرفة نوم لهم .. فضقت كثير ان ماعندي مكان للجلوس ..
وكنت اتمنى اهلي يجوني بالاجازات بس مو بيتي .. أنا أستحي وهم يستحون ..
فكان حلمي إني أستقل ببيت ..
بعد 7 سنوات من الزواج طفح الكيل وكنت توني أعمل فأصريت على زوجي نطلع بشقة وانا بدفع معاه لعدم قدرته على تحمل كامل الأيجار ..
والحمد لله إنه وافق اخيرا بعد ماشاف إن الوضع ماينسكت عليه .. شقة صغيرة 3 غرف نوم صغيرة وصالة أيضا صغير ومطبخ ضيق .. لكني كنت سعيدة جدا .. فأخيرا حصلت على استقلاليتي وراحتي ..
بعد 5 شهور من انتقالنا للشقة بفضل من الله ومنته زوجي حصل على قرض الاسكان الحكومي ..
والقرض هذا ما يجيب بيت في المناطق الحيوية .. لازم نقترض من البنك .. وأنا كان راتبي بوقتها شوي .. وزوجي التزاماته وديونه ماتسمح له يقترض أكثر ..
فصار يبحث عن بيت في مناطق خارج المدينة لأنها أقل سعرا .... بس مشكلته في بعده .. وكانت الفكرة انه ياخذه ويأجره ويكون مدخول علينا.. لأني ماحبيت المنطقة لبعدها .. لما شفت البيت عجبني كثير وتخيلت نفسي أعيش فيه من بعد الشقة الضيقة .. وآثرت العيش فيه وغضضت النظر عن بعده وقلت بتحمل ..
فيلا صغيرة .. غرفها تكفينا بما ان احنا اسرة صغيرة .. ولكن الغرف والصالة ضيقة ..

الآن بعد 4 سنوات .. أريد منزلا اكبر ..
اريد بيتا اوسع ..
وغرفا أكثر وأكبر ..
لماذا الآن ..
لما أنجبت بنتي الثالثة .. احسست بأني أريد أبناء أكثر ..
وتمنيت ودعوت الله ومازلت ادعو أن انجب المزيد من الابناء .. ولا أمانع لو وصل العدد إلى 8 ..
طبعا في السابق كنت اقول بالكثير 4 .. ولكن فجأة أحسست باني لا يجب أن اكون انانية ..
بمعنى ارفض أن احمل وألد واربي المزيد من الأبناء بحجة التعب ..
ربما تفسير رغبي هذه أني اشعر بوحده لبعدي عن أهلي .. واتمنى إن عيالي ما يشعرون باللي أشعر فيه ..
أبيهم يكبرون مع اخوة اكثر واخوات اكثر .. بكرة كلن يشيل الثاني ..
أشوف اهل أمي كانوا 10 اخوان ماشالله والترابط بينهم قوي جدا تبارك الرحمن ..
في حين ابي وأخوانه ثلاثة فقط .. وليس هناك الكثير من الترابط بسبب مشاغل الحياة ..

طيب وشدخل الابناء بالبيت ..
بيتي لا يتسع الكثير من الأبناء ..
بكره يكبرون وكلن يبي مساحته .. وأنا أيضا أود بصالة كبيرة وشرحة ومجلس أكبر وغرف نوم أكبر .. وهذا حال أغلب البيوت عندنا ما شاء الله ..
والسبب الثاني بعد المنزل عن العاصمة .. تعبت جدا .. لما أبغي انزل مشوار 10 دقايق .. يتحول إلى ساعتين .. صرت ما اطلع .. واتنازل عن الكثير من المشاوير والطلعات بسبب بعد المسافة ..
احس بالاختناق ..
قلت لزوجي باقترض من البنك بما ان راتبي بفضل الله زاد وأصبح بامكاني ذلك .. ونشوف بيت أكبر وأقرب للعاصمة .. زوجي رافض الموضوع .. يقول البيت يشيلنا ..
انا ماقلت له أني اتمنى أنجب ابناء اكثر .. لأن عندي صعوبة في الحمل ولو انفتح الموضوع بيلومني وكأن الحمل بيدي .. أحيان يقول شدي حيلج .. يعني اشده شلون ؟؟ ألقح بويضاتي بيدي ؟؟
وي شصادني .. فجأة تلخبطت افكاري .. توها مرتبة كانت .. كله من طاري الحمل .. يااارب ماتجي السنة الجديدة إلا وانا ولدي بيدي ..

كيف اقنع زوجي ببيت أكبر ..؟ هو يحس إني طماعة .. ويقول فيه ناس عايشين بأقل .. واحنا شوفي وين كنا ووين صرنا .. ربي لك الحمد والله ماعترضت بالعكس دوم أحمد ربي على اللي انا فيه .. بس اشوف إنه لا مانع الانسان يطمح للافضل .. زوجي يشوف انه يكفي إلى هنا .. قلت له طيب ماعندي مانع بجلس بالبيت بس وسعه .. انا عندي حوش وفيه مساحة كافية من جميع الجوانب .. لو من كل جانب يتوسع متر بيفرق كثير .. مايبغي يحط يده .. أو يمكن ماعنده يدفع .. ويتحجج انه ممنوع لازم في معيار بالبلدية عن بعد المنزل عن السور .. اقول له انت بس أخذ الخارطة للمقاول وشوفه يمكن يصير .. حتى السؤال مايبغيه .. وصار بينا نقاش وشوي كبر ..
أنا سكت عنه وصديت وقلت له خلاص نبقى مثل ما احنا لا أبغي بيت ولا ابغي أكبر بيتي وبنام ..

أنا رأيي من رأي زوجك
يوم يكثرون العيال يحلها الف حلال

العيب الوحيد في بيتكم الحالي بعده عن المدينة

__________________
الحمدلله الذي بنعمته تتم الصالحات

عزيزتي ام الدانة..

سامحيني لا أستطيع الاستفاضة لأنني في الخارج.

فقط وددت أن أعلق على جزئية ضرورة وجود مسافة محددة بين السور والبيت.. هذه النقطة صحيحة يا عزيزتي.. وعندتا مثلاً المسافة يجب أن تكون ستة أمتار.

ظلبنا استثناء من البلدية فوافقوا على إلغاء متر واحد فقظ!

__________________


اللهم طِيبَ الأثر .. وحُسْنَ الرحيل.

غاليتي ام الدانة
ردي الاول كان مختصر وعلى عجالة

انا طبعا مثل ما قلت رايي من راي زوجك
لان الاولاد بيكثرون ان شاء الله على مر سنوات
فالعمر جدامكم حبيبتي تغيرون البيت براحتكم
افكارج كلها حلوة غناتي ولكن اشوف التطبيق بدري عليه

يارب ماتمر السنة الا وولدج بحضنج يارب

__________________
الحمدلله الذي بنعمته تتم الصالحات

حبيبتي المثل بقول ليجي الصبي بنصلي على النبي
اللهم صل ةسلم على سيدنا محمد
القصد بس تصيرو كتار زوجك بنفسه بجيب بيت أوسع
انت عاملة زي واحد مجهز شنطته للسفر مع انو مش حاجز وﻻعنده امكانية للسفر
بس جهز الشنطة عشان يمكن تنفرج ويسافر
!!!
لكن الصراحة بعده السديد هوة عيب كبير
لكنك كنت على علم بذلك لومكانك لماتسرعت
بالنسبة زوجك بدو تشدي حيلك فربنا يصبرك غقولتك شلون تشدي حيلك
اشربي مرامية
تقوي التبويض
اما انك.طماعة شوي طماعة انت بنعمة كبييييييييرة ماشاءالله
والفرق بين الطوح.والطمع ان الطموح مصحوب بالرضا يعني اتمنى واعمل لكن ارضى بواقعي اما الطمع انو ارفض شي واتمنى اﻷفضل وكل ميجي افضل يصير مش عاجبني وبدي احسن منه
فبالراحة ياطماعة :-D
وانا سمعت عن ابحاث قوية انو كتر التفكير بالحمل يفرز هرمونات واشياء فعﻻ تأخره تﻻحظي كل المصرين وقلقانين عالحمل يستمرو في التأهر
استرخي شوي
واغبطك على حبك للخلفة لﻻسف ماعندي هالشعور رغم رغبة زوجي
الله يعطيكي يارب

__________________

اصبري شوي وراح تنحل مشاكلكم
الصبر طيب

__________________
انا لله وانا اليه راجعون

رجعت البيت


فعلاً التطبيق بدري يا أم الدانة.

وبدلاً من الاقتراض .. وما دمتِ لا تمانعين مساعدة زوجكِ في البناء .. فأقترح أن تبدأي في ادخار مبلغ من المال حتى يحين الأوان والله يكتب لكم بناء أو شراء بيت آخر.

__________________


اللهم طِيبَ الأثر .. وحُسْنَ الرحيل.

مرحبا أم الدانة
إذا في مقدرتك على ثلاث أرباع التكلفة تمام كذا
وقبل كذا خططي و احسبيها صح
بالارقام والظروف طبعا اكيد ما نعلم الغيب لذا خوذي احتياطك
وربي يسهلها عليك

ههههه ملك يعني طلعت طماعة ؟؟
بالنسبة للبيت أنا قلت لزوجي أصبر لا تاخذ ألحين وخلنا نبحث لازم بنلاقي بيت ثاني ومنطقى أفضل .. بس هو يقول لو تأخرنا بيروح القرض علينا ولازم ننتظر سنين ثانية عشان ينزل مرة أخرى .. فهو خلاص أصر ياخذ البيت وكان بيأجره .. بس لما شفته يمكن 4 أضعاف الشقة اللي كنا فيها قلت له ختار السكن فيه على تأجيره .. بس حبيت أوضح ..
معك حق في نقطة اني أجهز الشنطة قبل مارتب للسفر هههه .. بس انتي عارفة العقارات كل مالها وترتفع .. والمنطقة اللي ألحين ببالي على حدود العاصمة .. بكره تتعمر وتكبر وترتفع اسعارها أضعاف ..
أحاول ما أفكر بالحمل .. بس غصباً عني .. ولو أنا انساه يذكرني زوجي ..

مهره .. أنا عارفة انه فيه مسافة معينة لازم نتركها .. بس زوجي أصلا مش عارف كم .. كل مرة يقول رقم .. واضح أنه أصلا مب متأكد .. فأنا أقول يمكن فيه مجال .. وطلبت منه السؤال فقط .. هو لو بس يعطيني على قد عقلي ويسأل ويقولون له مايصير أنا بسكت وبفوض أمري لله .. الانسان إذا بغى شي يسعى له .. ويحاول جهده للوصول لتحقيقه .. وإن شاء الله دام تكنسل مشروع شراء البيت بوفر وبجمع للمستقبل ..


فاكهة شكرا على النصيحة .. إن شاء الله بنتظر.. ماعندي حل آخر .. وشكرا على الدعاء ..

متفائلة بالله .. رغدة .. الله يجزاكم خير ولا تنسوني من الدعاء ..

لا حبيبتي انتي مو طماعه ولاشي
حلو تفكرين في الاولاد وهذا بيت العمر
ليش مايكون كبير وحلو وقريب للخدمات
انتي بس العبيها صح
لا تقترحين الموضوع خليه يطلع من زوجك
مثلا اتفرجي معاه على صور للفلل احلى واكبر
اجلسي معاه وخليه يتخيل البيت واولاده واحفاده ان شاء الله
كلمي اخواته وامه خليهم يفتحون الموضوع معاه
استخدمي طرق غير مباشره
وخليه هو يجي يقولك وش رأيك ياعسل نغير الفيلا

واهم شي الدعاء بالعشر الاواخر

الله يسعدك يارب