السلام عليكم....

كيف احوالكم....؟؟؟

احب ادخل بالموضوع على طوووووول...لاني مرهقه و سهرانه....بس قلت قبل لا انام ودي افضفض لاحد....يمكن الاقي الحل عندكم يا اغلى اسرة.....

اولا...مثل ما تعرفون من مواضيعي قبل...ان وجودي عند بيت اهل زوجي...مثل المستأجرة....ما ادخل عليهم و لا اجيهم الا بين فتره و فتره....والسبب الابتعاد و تجنب السنتهم الزفره....المهم

قبل فتره قلت لازم اغير من طريقتي و اكثر من قعداتي معاهم لان مهما كان هم اهل زوجي و عدم قعدتي معاهم تحز بخاطر زوجي...مع انه ما قاال لي....بس انا افهم....

صرت اطلع و اقعد....واسمع منهم و اطنش.....وطبعا ممكن الواحد يطنش بمزاجه...لكن من كثر الكلام اللي يسمعه و المعامله الخايسه...تتعب النفسيه...خصوصا اذا كان الزوج مستهبل و يسوي نفسه ما يشوف و لا يسمع.....عموما قلت انا استاهل لاني انا اللي جبته لنفسي....

وبصراحه صرت افكر بالكلام او انقهر من معاملتهم الحقيره....بس كل مرة اقول...طنشي و اهتمي بدراستك احسن و ابرك....

وفوق كل هذا مضغوووووطه من ناحيه الدراسه....وامتحانات و .....و......و......

خلوا كل هذا على صوب....
بعد ولادتي لابني.....-قبل سنتين-.....اكلت حبوب منع الحمل لمده سنه و نصف.....بس في الفتره الماضيه صرت احس بالام رهييييبه وقت الجماع...وقلن بنفسي اكييييد انها قرحه....لاني مجربتها مرتين....


ورحت للطبيب....وسوت لي الدكتورة سونار و تحاليل.....وكانت النتيجه كالتالي....

لحميه بعنق الرحم.....
تكيسات على المبايض.....

وبوجود هالمشكلتين......مستحيل حدوث حمل...

انا ما استوعبت كلامها....خصوصا انها مو عربيه و كلامها مكسر....بس لما كلمتها انجليزي...وصارت تاخذ و تعطي معاي تأكدت من كلامها عدل.....

الكلام هذا كله قبل ثلاث ايام....

خلال رمضان الفائت....دخلت نادي بغرض اللياقه فقط.....وزني تمام بس ابي اكتسب لياقه.....وفعلا تحقق اللي ابيه....ونزلت من وزني 3كيلو تقريبا....ما كنت مسويه رجيم بس انا شديت حيلي بالرياضه و نزل وزني من غير ما احس....

وبعد رمضان قطعت عن النادي لان وزني بهبوط مستمر......وشهيتي مقفله من ناحيه الاكل......يعني والله من غير مبالغه يمر على يومين ما اكل....تخيلوا ما احس بالجوع.....بس لما احس ان جسمي يرجف اتذكر اني ما كلت...

والله اداوم و ادرس...واتعب بالبيت....وما افتقد الاكل....

المهم.....
نروح لبعد اخر من المشكله.......زوجي

زوجي ياجماعة الخير مصاب بما يسمى...الشبق....

ومع حالتي النفسيه و الصحيه الرديئه......تتوقعون شنو يكون وضعي من ناحيه الجنس.....؟؟

ملل......مو فتور....والله يمكن فتور..........بس كرهت الجنس....وصرت اؤدي هالشي كواجب فقط.....زهقت و مليت

كلمت زوجي مرة و مرتين و ثلاث و عشر....هددته لاروح لاهلي واحرمه من شوفتي.....من غير فايده....وانتوا عارفين اللي تمتنع عن زوجها شنو يصير لها....؟؟؟ ملعووونه


لما رحت للطبيب و قلت للدكتورة عن اللام وقت الجماع...سألتني عن معدل مرات الجماع بالاسبوع....فرديت عليها بسؤال.....قلت لها اسأليني كم مرة باليوم......!!!!!

والله صج صج صج زهقت...وتعبت

تخيلوا ارد من الدوام الساعه 4 العصر....ما اشوف جدامي.....وراسي راح تنفجر......بس للاسف زوجي يكون بحاله........!!!!

اقوله اني تعبانه.....ومو قادره.....ومرة من كثر التعب و من كثر ما يحن زهقت وقلت له....ما تفهم مليت مااااابي......

حددت له يوم بالاسبوع....بس ما عجبه...خليتهم يومين......بس.....عادت حليمه لعادتها القديمه


والله مدري شنو كتبت و مالي خلق اراجع كتابتي للموضوع....وتعبانه...وافكاري مو مترتبه متداخله مع بعض....اعذروني بس اتمنى انكم تكونون فهمتوا مشكلتي.....او مشاكلي....

بس حبيت احدد لكم النقاط اللي محتاجه لها اجوبه....


1-علاج اللحميه بعنق الرحم
2-علاج تكيسات المبايض
3-علاج حاله زوجي....الشبق.....وكيفيه التعامل معاه
4-الحل مع اهل زوجي....
5- الحل مع وزني المستمر النزول



ويعطيكم الف عافيه على سعة الصدر....

ولكم الاجر بافادتي....

اختكم



دووووووووت

__________________

الله يكون في عونك
بالنسبه للحميه ماعندي خلفيه عنها للاسف
بالنسبه لتكيسات الرحم لازم يشيلونها وانا قد جتني وشلتها عادي بس المشكله انها ممكن ترجع وانا الان خايفه اخاف ترجع وماالومك هو الم فضيع بس مالنا الا الاجر نصبر
وبالنسبه لزوجك اشبعيه بطريقه ثانيه............ اتمنى تكوني فهمتيني


وبالنسبه لأهل زوجك حاولي تكسبينهم بطيبتك واذا مانفع معهم انصحك باتباع المقوله اللي تقول(((( الحقران يقطع المصران)))) بس انت حاولي تكسبينهم احسن لك

اتمنى اكون افدتك باللي اعرف واعذريني اذا قصرت معاك

عندي سؤال ماهو الشبق؟؟؟؟؟؟؟<<<<<<<ملقوفه>>>>>>>>>

__________________

أختي الغالية دوت
أول شيء أهدي حبيبتي بحس من كتابتك أنك في حالة توتر و نرفزة لأقصي درجة , أهدي علشان كده مش كويس علي صحتك
تاني شئ الحل مع أهل زوجك أنك تتجنبيهم يعني معاملة كويسة بس في حدود علشان أعصابك يا حياتي
تالت شئ وزنك أكيد هينزل طول ما أنت لا تأكلي , أفطري و اتغدي و اتعشي ولو شئ بسيط بس لازم علشان ما تدخليش في دوامة الضعف و الأنيميا لا قدر الله . تعالي علي نفسك و كلي
أما موضوعك مع زوجك فأتمني أحد من أخواتنا المتزوجات يفيدك في الأمر ده
أسأل الله العظيم رب العرش العظيم أن يشفيك و ينعم عليك بالصحة

تحياتي لكِ يا غالية

أختك سنترافيش

__________________

الاخت دوت000

الله يعينك حتلائيها منين والا منين ؟؟؟

بصراحه تكسرين الخاطر وبالنسبه لمشاكلك

1 - لحمية الرحم : زوجة اخوي كانت فيها وشالوها وحملت عاادي

2 - تكيسات المبايض : للاسف مااعرف عنها شي

3 - علاج زوجك : مادام انه مافهم ولاقدر حالتك حاولي انك تخلينه يدخل معك لطبيبتك وتحاول هي تفهمه

يمكن يقدر حالتك اذا سمع منها 000 وانتبهي من الطرق الثانيه لاشباعه 00 !! والا حطي له كافور بالاكل

يمكن يبرد شوي

4 - اهل زوجك : اقترح عليك انك تنزلين لهم يوم في الاسبوع وتنتبهين لدراستك وبعد الدراسه يحلها ربك انشاء الله


5 - وزنك : مااقدر الا اقول لك كثري من السلطات واذا ماتضرك حبوب فتح الشهيه خوذي منها او راجعي طبيب مختص

والله يكون بعونك اختي

عليك بالاستغفار
وحده من صاحباتي كان عندها هشاشة عظام واليوم سأتها عن عظامها وراجعة طبيبة
قالت لا والله لكن بس بالاستغفار بعد كل فرض واكثر منه وزوجة أخوها مثلها

الله يعينك ويعافيك
تحياتي ..

__________________
ادعوا لي بالنجاح والزوج الصالح واكمل دراستي

حبيبت قلبي

ربي يسعدك ويفرج همك


اولا :بالنسبه لعلاج التكيس و اللحميه ماعندي خبر


ثانيا :بالنسبه لزوجك حبيبك الله يهديه ويسعدك وياه


فهميه قوليله ياحبيبي انا عندي التكيس واللحميه مره تعورني لما نكون مع بعض احس انها هي اللي معكره مزاجي معاك

وياليت تتحملني شوي وتراعيني الين اتعالج واحنا لازم نبدأ العلاج من دحين

عشان ماأقصر معاك ياحبيبي

ودي اسعدك واريح بس متعكره

وزي ماقالت اختي (فدن ) اشبعيه بطريقه ثانيه..................


ثالثا : قول له حبيبي خلال هذا الفتره عشان ماتتعب من انتظارك لليلتنا المنتظره كل يومين

استغلها بالرياضه والمشي والسباحه يعني ادخل بنادي الين اتعافى تماما


رابعا : ابدأ العلاج وناجي ربك ان يشفيكي ويشفي زوجك ويألف بين قلوبكم ويجعلكي جمره بين فخذيه

وحاولي حبيبتي انك تشبعيه واحتسبيها عند الله لك اجر عظيم


ومو كل مره تقولي بأروح عند اهلي


وكمان ياليت في مره من المرات تشوفيه هادي وكان صابر له يوم ابدأي انت وتحرشي فيه و............



ترا اذا انفتح هذا الموضوع ابدأ اخبص انا وانطرد من الموقع


عاد انت كملي


واحتسبيها عند الله وربي يعينك




وبالنسبه لأهل زوجك ادعيلهم

وكل مره طبختي حاجه ارسلي طبق لهم مره حلى

ولما تروحي عندهم لالالالالالالالالالالالالالالالالالالالالا تطولي ساعه نص ساعه واطلعي


وادعيلهم بصوت مسموع عند زوجك


يعني لما تعملي طبق

قولي يارب تعجب خالتي يارب يخليها

يارب يهدي فلانه

اذا حكى شي عن اخواته او اهله خليكي مبسوطه وادعيلهم

( ما شاء الله ربي يوفقها فلانه -ربي يشفي فلانه-


اسفه طولت عليكي حبيبتي


ان شاء الله اكون افدتك لو بالقليل


ربي يسعدك ويشفيكي ويريح بالك ويهدي زوجك ويجعلكي قرة عين له ويهدي اهل زوج

ويارب يصب محبتكي في قلوبهم صبا صبا



احتسبي عملك عند الله ولك الأجر


اختك ومحبتك في الله

هلا والله dot

بلنسبة لللحمية يالغالية ما عندي اي معلومة اقدر افيدك فيها

اما بالنسبة لعلاقتك مع أهل زوجك لاتقاطعينهم خليك معاهم الكلمة الطيبة منك ,,,,,,,,ولاتحرقين اعصابك بسبتهم

واذا حاولو يقهرونك بسوالف وحركات طنشيهم وخلي بينك وبينهم شعرة معاوية ,,,,,,,,,ولا تسمحين لنفسك انهم يكونون سبب في زعلك مع زوجك .

اذا شعرتي انهم بيسسببون لك مشاكل وزعل انسحبي من الجلسة بكل هدؤ ,,,,,,,,وطنشي

واصبري وانسي الاساءة وخليها تتبخر وسوي اللي انتي تبينه بهدؤ من دون اثارة ,,,,,,و روحي غرفتك ولا كأن شي صار

ابتسمي لزوجك واستانسي معاه وونسيه,,,,,وليش تنكدون على عمركم بسبب الآخرين ,,,,,,,اذا نكدتي على عمرك وعلى زوجك

سويتي لهم اللي يبونه ,,,,,,,,وبلغتيهم هدفهم,,,,,,,,وخربتي حياتك,,,,,,, لا خليج عاقل واللي يصير برى غرفتج ما يدخل داخل الغرفة خاصة المشاكل

اذا ادخلت المشاكل من الباب شرد الرجال من الشباك.

ومهما كان مع الزمن زوجك بيقدر لك تصرفاتك وعدم اثارتك للمشاكل ,,,,,,,,,,

بالنسبة للشبق

اصبري حبيبتي ترى هاي حقهم علينا ولازم تتحملين وتحتسبين الاجر عند الله اهو يسوي جذي معاك

من حبه لك والا لو مانتي حبيبة قلبه وراحته عندك ماسوى معاك هالشكل .

الله يكون بعونك يا دوت
لا الغريب مرتاح و لا القريب مرتاح


الاخوات ما شاء الله ردو عليكي بكل ما هو مفيد
بالنسبه لشهيتك للاكل و انعدامها
بنتي عمرها 7 سنوات و نص
نفس حالتك
و سالت قالولي اعطيها فيتامينات
و الفيتامينات تفتح الشهيه
كمان فيتامين بي كومبليكس يعطي نشاط للمراه خاصه الي قربت على الثلاثين
خذي حبه مالتي فيتامين كل يوم
و فيتامين بي كومبليكس حبه بالاسبوع
الله يكتب لك الخير ويرزقك بالذريه الصالحه اللهم امين

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

ياليت اقدر اساعدك
بس اللحميه ممكن تنشال بعمليه جراحيه بسيطه ماراح تاخذ منك الى يوم واحد بالمستشفى...
والتكيس بعد له حد معين اذا وصل للحد هذى لازم عمليه عشان مايصير تليف واذا كان بسيط بتنفع معه الادويه
روحي لاكثر من دكتوره احيانا يكون التشخيص غلط وتاكدي من حالتك قبل ماتسوين شي ...
بالنسبه لمشاكل اهل الزوج انا حالتي نفس حالتك ساكنه مع اهله بس منفص عنهم شووي بس نفس البيت الباب واحد
اما الدفاشه والكلام الجارح فاهو طبع في كل الحمايل على زوجه ولدهم خصوصا اذا كان مهتم فيها زياده يحسون
بالغيره منها وتبدى الكلمات بس طنشي ولايهمك الدنيا ماتسوى وخلي روحاتك لهم رسميه
واذا كان عندهم ضيوف خاصه عشان محد يذب عليك كلام ماله داعي

تحيااتي لك

__________________

بسم الله الرحمن الرحيم...

شكرا جزيلا لكل من قام بالرد علي.....الله لا يحرمكم الاجر

الاخت فدن.....شكرا لردك الشافي.....اما بالنسبه للتكيسات....رحتيني من ناحيتها....اما عن زوجي.....والله مو مقصره....اشبعه بكل الوسائل اللي اقدر عليها....بس من كثر الطلبات تعبت....وصرت ارفض طلبات باغلب الاوقات....الله يغفر لي...بس والله صرت مو قادره اتحمل...وصار الجنس شيء روتيني...وماله اي متعه عندي.....اما عن سؤالك عن الشبق....فهو تلهف الرجل الدائم للجنس...تسلمين يالغاليه



الاخت سنترافيش..اما عن مسأله توتري و نرفزتي....والله مو متنرفزه بس تعبانه صحيا و نفسيا....وفعلا انا متوترة....بسبب كلام الدكتورة....اما عن وزني.....كلامك صحيح...بس الانيميا موجوده عندي من قبل الزواج....وهي اللي متعبتني و متسببه بتساقط شعري...وان شاء الله راح اغصب نفسي على الاكل.....والحمدلله على كل حال



الاخ متفهم جدا.....الله يريحك مثل ما ريحتني من ناحيه اللحميه....اما عن زوجي....والله و انا عند الدكتورة فكرت اتصل عليه عشان يدخل و يسمع كلامها لي....بس ترددت وانحرجت و قلت بنفسي...انا راح اقوله هالكلام.....ممكن سؤال.....شنو الكافور؟؟ ووين القاه؟؟...اما عن اهل زوجي....الظاهر اني راح اطبق طريقتك....وما انزل الا بالاسبوع مرة....و عن وزني....جربت حبوب فتح الشهيه مرة....وكانت مضره لكليتي...فتركتها.....وشكرا لك




الاخت الحلوه انا.....تسلمين و مشكورة على مرورك العطر.......



الاخت روح الغالي....شكرا حبيبتي على مرورك الطيب....اما عن زوجي.....والله كلمته بنفس الاسلوب اللي ذكرتيه....واكثر.....ولما شفت ان ما في فايده معاه....صرت اكذب و اقوله ان الدورة تلخبطت و صارت تجيني بالشهر مرتين.....بس عشان ارتاح...بس اكتشف حركتي و زعل مني....وحرمت ما اسويها مرة ثانيه....وتحملت وكلمته مرة ثانيه....وثالثه لحد ما وصل فيني الحال اني صرت اغضب و اعصب لما يجيب لي طاري الجنس....اما عن اهل الزوج.....تسلمين حبيبتي على هالنصايح الحلوة.....بس للعلم فقط....عمري من تزوجت ما شكيت لزوجي من اهله ابدا......ولا عمر الحركات اللي يسوونها فيني اثرت على علاقتي وياه......وشكرا لك




دفء الحياه....شكرا جزيلا لك...والله ان الحركات اللي يسوونها ما تأثر على علاقتي بزوجي و لله الحمد...[س مؤخرا بسبب كل الضغوط النفسيه و الصحيه اللي ذكرتها....صرت على اتفه الاسباب اعصب و ابكي....اما عن زوجي...والله اني صابره....بس ابي حل لحالته....لاني صرت ارفضه كثير الفتره الماضيه....وهو متضايق من رفضي له....وبهالحاله اعيش بصراع مع نفسي...ما بين زعل زوجي على والملل من الجنس.....والحمدلله على كل حال.....




والله يجزاكم كل الخييييييييير





دووووووت

__________________