مشكلتي باختصار هي مو مشكله بالنسبه لي كارثه انا متزوجه من7 شهور حياتي مستقره بعد زواجنا قررنا انا وزوجي بنسافر شهر عسل بعد 5شهور زواج في اخر لحظه علمني زوجي انه صاحبه مع زوجته بيجون معنا اشرليك قلت عادي روحتنا اسبوع يوم زين ويوم شين كنت اعصب عليه ونتشاجر لانه كان يجلس مع صاحبه اكثر مني طول الليل كان يجلس معاه المهم رجعت وبيني وبين نفسي قلت ماراح اسافر ومعنا احد ابد مابعيده يوم رجعنا العايله محترمه عزمزنا كذا مره وكنا نرد العزيمه لهم المهم صرت مااطلع مع زوجي ابدا لحالنا اذا بنطلع لازم يكون معنا هذا واهله وبعدها عرفني على صاحبه الثاني وزوجته ونفس الشي عزمزنا وبعد اكيد زوجي لازم يرد العزيمه وبتنعا نفس الحكايه لانه صارت هذي حياتنا نخيلو حتى السفره اللي واعدني فيها زوجي اذا نجحت بياخذني معاه هو عنده كورس وبروح معه اتفاجئ انه جالس يواعد صاحبه الجديد وزوجته يروحون معنا ...........
بالذمه علموني ايش اسوي نفسيتي تعبت صرنا ماروح ونجي مكان ننبسط فيه الا ومعنا اصحابه وزوجاتهم انا هذا الجو ماتعودت عليه بس نفس الوقت مستخسره العلاقه اللي سويتها زوجة صاحبه اللي سافرنا معهم صارت لي زي الاخت علموني شسوي والله حياتي بخطر اذا مر الويك ايند وانا جالسه في البيت اموت من البكي احس انه اهانه لي اذا هم بيطلعون اطلع وروح ارقى الاماكن واذا هم موفي اجلس بالبيت...........
انتو مابتصدقون انا حرمت روحي من بيت اهلي لانه زوجي يقولي اوديك لهم بس ماارجعك نامي عندهم صرت مااروح علموني شسوي وربي بموت من القهر امس دخل علي حصلني منهاره قتله طلعني بموت مادري شفيني مشاني بسياره دار فيني بالشوارع ورجعني ولا تكلمت معه ومر اليوم نكد من دون لايعرف هو ولا شي علموني ارشدوني الله يخليكم للحل ؟؟؟؟؟؟؟؟؟؟؟؟

اختي الموضوع ما يحتاج تعصبين وتنكدين عيشتك


زوجك يحب اصدقاءه ما فيها شي

لكن يجب ان لا يكون حبه لاصدقاءه ينتج عنه تقصير ناحيتك
يعني فهميه انه اذا يبي يطلع مع اصدقاءه ما فيها شي
بس لازم لو طلع مع اصدقاءه اليوم يطلعك بروحك بكره

والهداوه زينه وبعدين الصداقه من تجربه شخصيه نادراً ما تدوم
ولكنك أنتي من سيدوم في حياته بإذن الله
فاصبري وعيشي حياتك بلا هم

__________________

وينها
كيف اتركتني
ليييييش ما جت في وعدها

اخيتي كلميه بكل صراحة وهدددددددوء


احب ان اكون معك لوحدننننننننننننا لو مرة



وبعدين حاولي تكلميه كلام يحبه يعني عن اهتمامته عن الاشياء الله يتونس بها مع صاحبه اني ونسي بيههههااااا



والله يوفقك

لازم يعرف سبب الضيقة اللي انتي فيها..
لو قال لك قومي نطلع ومعانا صديقي وزوجته ..
امتنعي..
قولي له.. أبغي اطلع معاك بروحنا .. أحب أتفسح معاك وأخذ راحتي في الكلام..
أهم شي لا تطلعين معاه..
وهو مو من حقه يجبرك..
يو يومين ثلاثة.. يشوفك مافيك فايدة مصرة ماتطلعين إلا معاه بروحكم.. بيخضع لك وبيطلعك.. بإذن الله..

هذي مشكلة الشباب يتعلق في الصدقا ويرك الزوجه بس لأشيلي هم ولأتعصبين
عشان سبب تفه معصبه الدنيا قدمقك ان شاء الله أن حلوه (وسحابة صيف وتعدي )
وبعد ين الزم تجلسين معه وتتفهمون وترتبين وقتك بينه وبيه اهلك أذ بيروح
يسهر مع أصحابه روحي أتي الى أهلك وأسهري معهم ومفيه شي أذمرة في الشهر
تطلوعون مع اصدقه










مراعاه كتابه كلمه ان شاء الله بالطريقه الصحيحه بارك الله بيك،،، ام اثير

__________________
[web]http://[/web]

مشكورين اخواني واخواتي الفارس وحنين وبحرينيه وام شذى يعطيكم الف الف عافيه وانا باأنتظار المزيد من الردود الله ينور حياتكم ويزيل همي وهمكم

ما بعرف شو اقول ولكن كل اللي تقدري تسويه إنك تتكلمي معاه ولكن تحاولي تختاري الوقت المناسب وبدون نرفزة أو عصبية بل برواق وهدوءوواظبي على الدعاء لزوجك باستمرار بالدعوات التي تتمنين أن تكون فيه وتحيني الأوقات التي تكون فيها الدعوات مستجابة (بين الأذان والإقامة ,اثناء السجود لأن العبد لا يكون أقرب إلى الله في اي وقت كما في لحظة السجود, وفي صلاة الجمعة ومن بعد صلاة العصر إلى ما قبل المغرب من يوم الجمعة وفي جوف الليل الأخير ومن بعد الساعة الواحدة أي في قيام الليل) وبهذا أختي الحبيبة أختم ولا تنسي أن تتوكلي على الله وأن تيقني وتتأكدي أن الله سيجيب دعواتك ولن يخذلك أبدا والله يوفقك ويهدي زوجك ويصلح أحوالكم وأحوال المسلمين جميعا (آمين).

أختي الرجل مثل الطفل بالطيب واللين والكلام الحلو ينخ
يعني بقولك شي حاولي تتكلمي معه بكل هدوء قوليله ودي نكون لحالنا عشان أتهنى فيك ودلعيه ولو رفض لا تزعلي مصيره يوم بيقدر هدوئك ورضاك له بس حاولي بعقل إنك تغيري أي شي ماتحبيه أحنا البنات علينا نصبر لأن الزواج مو شي سهل يبيله عقل وتروي وحكمه
والله يسعدك ويهيه لك ويسخره لك يارب

__________________

باخذ بمشورتكم وياربي تنفع ......
ومشكورين على الرد وانتظر المزيد جعله الله في ميزان حسناتكم

اختي العزيزه...
ماهي اسباب مشاكلنا في اغلب الاحيان؟؟
غالبا ما يكون الجهل والا فلا اعتقد ان زوجك يتقصد ايذاء مشاعرك بدليل انه استشارك في سفر صاحبه معه فعرفيه على واجباته نحوك بهدوء وحاولي وحاولي وحاولي ان تجعليه يجرب شهر عسل اخر معك سواء كان بسفر او غيره لابد ان يشعر بجمال الخصوصيه الزوجيه فساعديه في ذلك قولا وعملا وحتما ستنجحي ان شاء الله فلا تزالي عروس والفرصه معك....

سخر الله لك قلب زوجك