بسم الله الرحمن الرحيم

بختصار وبدون ما اطول عليكم
حياة اختي الزوجيه ع الحااافه

اختي متزوجه من 12 سنه تقريبا واتوقع اكثر عندها اولاد وبنات

موظفه وتحب زوجها ولكن زوجها بختصار اناني وماهمه الا نفسه لا شايل هم عياله ولا زوجته
وهي غلطت كثير لما صارت تهتم بكل شي حتى بااغراض البيت وبملابس عيالها وكلشي
صح يساهم لكن بالقليل والكل يدري اشترت بيت وكتبته طبعا باسمها وعاشوا به لهم سنوات لكن زوجها مايساعد بشي ودايم يحسسها انه كثير عليهاا

الفتره هذي صاير في خلافات بينهم والسبه ان اخته وبناتها مستغلينه بكل شي ماديا وغير ماديا ..
عياله يبون العاب واكتشفت انه يشتري لعيال اخته جوالات واشيا ترفيه رغم ان ابوهم موجود ولايقصر عليهم ابد
اخت زوج اختي مريضه نفسيا ولا تحب احد مرتاح ابد والكل يقول عنها خبله الله لايبلانا

وسبق بغت تخرب بيت اخوها لما بغت تزوجه والله ماحط الحق عليها لكن الحق ع اخوها اللي يسمع كلام الحريم

اختي حاليا راجعه الخلافات بينها وبين زوجها قبل اسبوعين طلبت الطلاق ورجع طلب السماح والعفو وسامحته اختي
ورجعوا مع بعض اللي حاصل الان انه كالعاده بس براا وببيت اخته
والبارح كانوا قاعدين اختي وزوجها
وقال لها انتي وش خايفه منه ؟؟
قالت انا مو خايفه بس اشتاق لك
قال لها تعودي ماعاد جاس معاك
وماعاد قايل ابروح بروح بكيفي واجي بكيفي
واخني انجرحت وقالت بكيفك

والان قالت لي فتره اذا ماتعدل راح اطلب الطلاق ..

اختي وقفت مع زوجها كثير لما تسلف ولما ولما

وبالنهايه يقول لها حكي يسم البدن ...

ماودي تتطلق ابد لكن ودي يتادب ويحترم حاله ..

بليز يا اهل الخبره هل من حل ...

الرجل يحتاج يشعر برجولته ببيته فإذا كانوا أهل بيته مو محتاجينه ومقضيين كل أمورهم بدونه ليه يقعد معهم

غلط أنها تكون الأنثى والرجل بالبيت ... وطبعا الان زوجها تعود وتبغالها طريقة وبالتدريج تعطيه دوره وترجع لدورها كزوجة وأم فقط

برأيي انها تعطيه خبر بطريقة ما بأنه ما عاد عندها دخل يغطي مصاريف البيت وانهم محتاجينه واولاده محتاجينه .. وإذا أي أحد من أولادهم يبغى شي يروح يطلبه من أبوه بكل محبة وبوسة راس ..

أتوقع انها شايلة حمل تربية الأولاد بعد .. ما تقول له عن مشاكلهم وهذا غلط ....
اليوم تقعد معاه وتقول له .. ترى الحمل حبيبي كبير علي ومحتاجتك ... الأولاد تعبت بتربيتهم وحدي وكبروا الحين ويحتاجوا رجل بحياتهم .. رجل يوجههم وانا مو رجل .. انت أبوهم ومالهم غيرك .

وشوي شوي وبتوجيه منها تخليه يشارك بمسؤولية تربيتهم ... وخليه يتخذ قرارات غلط بخصوص البيت والاولاد .. مو مشكلة .. المهم يتواجد وشوي شوي تتشارك هي واياه بالقرارت وتوجهه للصح ... هو راح يطلب رأيها
أكيد ما راح ينقطع عن اخته لكن بيخف تأثيرهم بحياته ويصير متوازن بين محارمه واهل بيته

زوج أختك محتاج أنثى بحياته فإما تكون هذي الانثى هي اختك أو يبحث عن غيرها من محارمه أو يبحث عن زوجة اخرى أو صديقة ... الغلط يجيب الغلط

__________________

أنا مع رأي بيتا جزاها الله خير..
إذا الرجل ما قام بدوره كامل راح يدور غيرها ويحس انها ضعيفة جانب معاه وتحتاجه ...
وأختك يشعر بعدم حاجتها له و 12 سنة وهذا نظامها وقت طويل جداً
مثل ما قالت بيتا بالتدريج تسحب نفسها ....
وكمان تعوض في جانب آخر منها اهتمامها بنفسها
ولكن بالحيلة ولا تقعد تقوله خلاااص دبر نفسك وهذول عيالك.... بتنكب نفسها بنفسها وتزداد الفجوة بينهم
ومثل أختك ما أحسنت الدخول ( في هذه الأزمة )عليها أن تحسن الخروج

وانا معاااكم. هي من بعد مارجعت له صار مالها اي شغل
لا بالبيت ولا بالعيال وخلاص هو صار مسؤول يااا يشتري لعياله
يا بكيفه. وهي دااايم تقوله عيالك وانا بحاجتك لكن مافي فايده
يتعدل يومين ويرجع لعادته واختي احسها معزمه ع الفراق


وبس يهاوش اكبر عياله قدام الناس رغم انه كان يشكي ل اختي ان
ابوه كان يعامله كدا وولده عمره 11 سنه

يعني قمه التناقض.

عمر زوج اختي 37 واختي نفس عمره

ودي اقترح ع اختي تاجر بيتهاا وتقوله دبر لنا بيت
ابي استفيد من بيتي. عشان يحس بالمسوواليه

بس مدري شرايكم

لا
قلنا بالتدريج ... إذا سحبت نفسها بسرعة راح يحس انها تتخلى عنه

كل الفكرة أنها تعطيه احساس بحاجتهم له مو قضية تخلي عنه وتحدي ... إذا شعر انها تتخلى عنه بتكون النتيجة عكسية مثل ما قالت أختنا العقد الفريد وبتزيد الفجوة بينهم

خليها تظل على محاولات جذب ... مو هي اللي يطلب حاجات الأولاد خلهم هم يطلبوها منه وتعلمهم الطريقة وتحفظهم الكلام ... بابا حبيبي أبغى الحاجة الفلانية .. تكفى بابا تجيبها لي ... بدلع وتودد .. وإذا رفض ما يزنو بزيادة ... برايك بابا حبيبي أنت ...

وما دام انه يتعدل يومين ويرجع معناها ممكن مع التكرار يتعدل على طول ... لكن نظام حياة لمدة 12 سنة صعب يتغير بسرعة ... يبغالها صبر شوي .

ومن ناحية الولد وانه يبهدله قدام الناس تقدر هي تذكره بتجربته مع والده وتبين له مضار الأمر على ولد ببداية مراهقته ... بهدوء وحنية أكيد بيحاول يمسك نفسه ... ترى الواحد غالبا ما يقلد معاملة أهله له وهو صغير بدون شعور منه

__________________