بيت الزوجيه حلم لم يتحقق...
صباح الخير ع الكل اول كتابه لي حبيت اكون وحده منكم وانا واثقه من جميع الاعضاء بجد حبيت نصايحكم في ناس تفكر عشان تساعد غيرها انا عندي مشكله ومتعبتني كثيررررر سمعت نصايح الاهل بس حبيت اسمع توجيهاتكم ويارب القى الراي السديد عندكم بداية ..
فكرة عن حياتي متزوجه من ابن عمي وعن حب وقناااعه تامه مدة زواجي 5 سنوات عندي طفله عمري 24 اطباعي (احب الهدؤ_ مرحه احب الضحك واللي يشوفني يقول خاليه مشاكل _اكره العصبيه وبعيده عن افتعال المشاكل _احب اغير من شكلي _مااحب الروتين _احب النظام والنظافه )
عيوبي.. (غيورة _اضحي لعيون اللي احبه_ قنوعه وبقولكم ليش القناعه صارت عيب عندي)
نجي هنا لابو الشباب ..
فكرة عن ابو كرش..عمرة 28 مو حلووو بس فيه حتة ملح اصرررر جدا على الزواج مني طبعا كان يحبني
اطباعه(حنون_يحب يمزح الين يوصل لدرجة السخافه_مودايم عصبي بس لو عصب ياساترر _مايحب يغير من شكله يعني الوضع عادي _طيوب بصفه عامه)
عيوبه..(مستمع جيد لامه_بخيل_عنــــــــيد _سهراته في القهوة او الاستراحه ومايجي الا عند زقزقة العصافير <<<<عجبتني _الشيشه _كذاب بس بحرفنه يعني يتكتك للكذبه_يحب ينتقدني دااائما )
نجي هنا للتفاصيل حبيت ولد عمي كثيررر كنت وقتها بالثنوي وامه دااايم تكلمني عنه هي وبنتها ويقولولي انو يموت عليك ويحبك الين مادخلوة براسي وتعلقت فيه بما اني من النوع السهل وماكان لي علاقات ولله الحمد بسرعه حبيته مستوانا المادي جدا ممتاز ولله الحمد مستواه بسيط جدا وكنت مقتنعه فيه جاء وقتها وخطبني كنت باول ثنوي بجد حبيته يعني انام وهو ببالي اقوم وهو ببالي مسويه في امه راعية حب المهم اهلي كانو رافضين وبشده انو اتزوج قريب ليا بتسألو ليش لانو اخوي تزوج بنت عمتي وصارت مشاكل وطلقها وبدل مايكون مشاكل بين اتنين صارت بين عائلتين وتقاطعو ابوي وعمتي لمده ثلاث سنوات عشان كذا كان يقولي ابوي انا خسرت اختي ماعندي استعداد اخسر اخوي المهم حاولت وحاولت الين وافق مبدائين كنت اكلمه فترة الخطوبه من ورى اهلي طبعا اكتشفني اكبر شيطان بالعالم الا وهو اخوي جدا عصبي ضربني الين الارض قامت ونا ماقمت وحلف يمين اني مااتزوجه انا هنا تمسكت فيه اكثر مالكم بطويله تزوجت بعد ماكانت مده خطبتي اربع سنوات واخيررررا تزوجت:14:
سكنت بشقه اقسم بالله انو مافيها ملامح بيت عروس البيت فاااااضي مافيه الا غرفة النوم طبعا اهم شي عنده
المهم بسبب قناعتي قلت ناثث حبه حبه اهم شي اكون مبسوطه معه اول سنه كان ماشيه تمام واثثت بيتي ويافرحه ماتمت فصل من شغله واضطريت اني اسكن ببيت اهلي حملت وولدت وهو مااشتغل قلت الله يعوضنا خير اهله اخذو كل اثاثي واجهزتي مابقو لي شي وولدهم كان راضي انا مت قهر قلت مو مشكله ازعل عشان خشب وحديد ومشيت الموضوع مصاريف بنتي كان من عند اهلي اقسم بالله كان الكل مهتم فيني وببنتي اخوي الي منع زواجي هو اللي كان يشتري حليبها ويقولي هذي بنتي كنت ابكي لاني كنت كارهته زمان ..
وبعد سنه ونص زوجي لقى وظيفه نشكر المولى عليها راتب ممتاز ورتبه حلوة قلت الحمدلله بعد عسرا يسرا
مشكلتي بدت هنا قلتله شوف لنا بيت ونرجع انا وبنته معه الرجال قال علي ديون ومااقدر افتح بيت قلت والمطلوب قال نسكن عند اهلي الين اسدد الديون اللي على ظهري قبل الشغل قلت ماشي يابنت جت على هذي يلا مومشكله قلت طيب سكنت عند اهله عنده ثلاث اخوان اتغطى منهم والبيت جدا ضيق قلت لكم من قبل مستواهم بسيط ساكنيين بشقه بحي عشوائي بجده وانتم عارفين كيف الاحياء العشوائيه كلها تكرنه المهم ماارتحت جلست حوالي السنه ضقت قلت خلاص افتح لي بيت قال ماعندي قلت عدت سنه قال لسى ديوني صدقت بعد فترة امه شافتني الح عليه دخلت براسه الشقه اللي تحت بيتهم قالي قلت مستحيل لانه مستودع قال اصلح وانظفه قلت لا قالته امه تبغاك وقت الرخى ماتبغاك وقت الضيق كلمتها وجعتني قلت طيب نبذه عن امه<<< انسانه متسيطرة بشكل جنوني معها الريموت الكنترول تحركه متى ماتبغى قلت يارب تفضى البطاريه من عند امه عشان اشوف حياتي يعني الشي اللي ابغاه ويقولي لا اروح اقنع امه وبعدها على طول يوافق امه قالت له ابغاك تشتري عمارة قالها طيب وربي مااكذب اقتنع بكلامها قلت له انا ابغى شقه اجار قال لي اشتري لااهلي واحنا نستاجر ماادري وش هالدلاخه اللي فيه امه مايعارض كلامها ابدا حتى لو على حساب حياتنا انا كنت احترمها بصراحه ومابيننا شي بس صار لي موقف معها جدا قهرني مرة كنا جالسين ومبسوطين انا وياه دخلت علينا وبدون اي مقدمات قالت لي بزوج ولدي انا قعدت اطالع قلت بقلبي وش عندها ذي قلت لها زوجيه شوفي مين راح توافق عليه قالت اهوه البنات يتمنو اشاره منه قمت انا اطالع بوجهه قسم حسستني اني متزوجه مهند على غفله قلت لها زوجيه بس بشرط لاجت عروسته سكنيها عندكم كم سنه وعند اهلها كم سنه وبعدين جيبو لها بيت شوفو راح تتحمل ولا لا قالت ليش ابهدل بنت الناس قلت لها وانا قالت انتي جيتي وقت ضيق اما هي بتجي وهو مرتاح حسيت باحساس الكف الي يجيك على غفله عرفت انو مالي غير اهلي ودراستي حياتي مو مضمونه معه
المهم راح بعدها على اساس انو يصلح البيت وقتها انا كنت عند اهلي اتصل علي قالي البيت جاهز قلت متاكد قال افا عليك سافرت عنده لاني انا بمدينه وهو بمدينه ثانيه المهم اول مانزلت من المطار سألت البيت خلص قام هز راسه انو ايوا وصلت البيت انصدمت ايش دا قال ماقدرت اخلص بس كنت مشتاق لكم وكذبت تدرون كيف البيت غرفة نوم بدون اي شي تاني اهله مابقو لي شي صدقت وجلست كان اكلي من عند اهله قررت اني اكمل جامعه وبفضل ربي كملت اول سنه بعد كذا كنت اشوف فيران بالبيت وربي كنت اقول يمكن يتهيئ لي الين مره جيت بطلع من الغرفه الا وذاك الفار اللي كبر راسه كااان مرررة كبير انا حسيت انو بيغمى عليا رحت جيبت جوالي وقعدت اصورة بتقولون فااااااضيه لاكن كنت اشتكي لامه اقولها البيت فيه فيران قالت يتهيئ لك ومحد مصدقني وهم اصلا عارفين بس يستهبلو المهم واخذت للفار كم صورة وكمان فيديو وميته من الخوف عاد اكره الحشرات خلقه المهم جاء وحكيت له قال خلاص بتصرف المهم بعدها بيومين طلعت عند اهله طفشانه بما اني ماعندي اهل بنفس المدينه المهم جيت انزل بيتي وهو طلع مع بنتي للبقاله قلت اعلق الملابس بدولاب اقسم بجلال الله فتحت الدولاب الا ويطلع لي ... وربي ماراح تصدقو ايش طلع لي وربي وربي وربي طلعت من الدولاب بسه كبيررررره نطة عليا وخرجت انا صاااااارخت وابكي وصوتي وصل لشارع كنت ارتجف ورجولي مو شايلتني المهم زوجي جاء وقعدت اصرخ بوجهه اقوله ماابغاااك طلقني مو قادرة اعيش بهالبيت امه سمعتنا ونزلت اشبكم قلت لها طلعت لي بسه من الدولاب وكان الدولاب مقفل كيف جت ماادري قالت يمكن مو بسه يمكن جني بكل بروووود انا هنا تجننت يعني ايش من دم انتم عندكم عارفين انو البيت زي الزباله (الله يعزكم) ومسكنيني فيه اللي الين الحين مجنني البسه وين راحت ماادري كنت مرعوبه بشكل مو طبيعي قلتله ابغى انزل عند اهلي قالي يلا لمي ملابسك قلت طيب كان وقتها يوم اربعاء قالي يوم الجمعه انزلك عند اهلك قلت ونا ايش يصبرني ليوم الجمعه المهم جاء الجمعه ونا على اعصابي قلت له هااه حجزت قال لا انا قلت الادمي يبي يماطل فيني الين ارضى بوضعه دقيت على اهلي وقلت لهم عن السالفه جاني اخوي اليوم الثاني طبعا محد اعطاه وجهه وقلت له قبل لاامشي انو اخوي جاي ماتكلم المهم نزلت الرياض واخذت بنتي اهلي كلموه يابيت زي الناس ياطلاق قال ماعندي قاله ابوي خلاص طلقها طبعا ابوي شاورني قبل وانا كنت مصرة ع الطلاق لاني اشوف فلوسه لااهله وانا ابدا اي شي ماعندي متعود اني ساكته وراضيه قاله وخسايري وين القاها قاله ابوي اخر ريال حطيته لها راح يوصلك وبنتك وقت اللي تبيها تعال وشوفها قاله ماابغى بنتي بس بعد 7سنوات تنسى امها انها تشوفها يعني الموضوع عناد المهم قاله يعني تبغاها محاكم قال روح المحكمه الله يعينك رحت للمحكمه انا والوالد وكلي قناعه ابي طلاقي بجد تعبت ابسط حقوقي مو لاقيته عنده واشوفه مغرق اهله اقسم بالله ماعندي مانع انو يعطي اهله وقلت له خصص لااهلك الف ريال بشهر مو مشكله بس لاينساني انا وبنته رفعت ضده دعوة طلاق ورحت لمحامي واستشرته بامور وقالي اذا تبغي بيت غصب عنه راح يجيب بيت بنفس مستواك مو مستواه هو لانه تزوجك ويعرف مستوى اهلك انا قلت لا ابغى طلاق لاني حسيت انو كل هذا الحب انتهى حسيت انو شي انكسر بيننا رفعت الدعوة شهر 3 ارسلت له اكثر من ورقه حضورمن المحكمه بس ماكان يستجوب مع المحكمه فقررت اسوي خلع قال ابوي والله لو ابيع كل حلالي عادي اهم شي راحتك جلست الين شهر ثمانيه وكان زواج اخوي زوجي جاء من جده عشان يحضر العرس وطبعا شاف بنته
جلس بالعرس جنب زوج خالتي رجل راعي دين المهم اخذ واعطى معه بالكلام وقرر انو يسوي صلح بيننا انا كنت رافضه اي طرف يتدخل بالموضوع المهم سمع منه وسمع مني وقاله البنت طلبت حق من حقوقها جيب لها بيت واثثه ومحد راح يلومك قاله اوك قاله متى قال شهر 10سافر زوجي بعد العرس على اساس انو يجيب لي بيت زي الخلق ووقتها كنت اكلم صديقتي قالت يابنت زوجك عنيد راح ياثث لك حي الله ويقول هذي استطاعتي دام الامور بدت تنحل دقي عليه وجيبيه باسلوب حلو وراح تشوفي اللي يرضيك انا من دلاختي رحت دقيت الرجال انبسط ودقها سواليف صار يكلمني كان اتفاقنا انو يخلص البيت بشهر10 وزوج خالتي ينزل يشوف البيت جاء 10 وجاء11 وجاء12 وجات السنه الجديده وزوجي يماطل اخر مرة كلمته اشترى له سيارة والبيت يقول ماعندي غير هالبيت واثاث ابشري قلت له البيت مليان فيران قال ماعندي الا هو انا لي اسبوع مااكلمه مليييييت من كذبه يعني موقادر يفتح لي بيت يريحني والان قربت اختباراتي ولازم انزل جده اكلمه مطنش نفسيتي تعبت من الموضوع ماحن لي ولا على بنته وربي بنتي تنادي اخواني بابا انا سكنت عند اهلي 3 سنوات مااحس اني متزوجه ومستقرة خواتي كل وحده ببيتها احس بحسرة على نفسي
الناس يحسبوني تطلقت يجون ويخطبون والحين افكر جديا بطلاق وقلت مو مشكله مو لازم اتزوج اهم شي بنتي تكون عندي على حسب كلام المحامي لو تزوجتي يكون له حق حضانتها وعلى طاري المحامي يوم كنت عنده مع الوالد كان يقولي لو تطلقتي تزوجي انتي صغيرة وبنت ناس لاتجلسي طنشت بعدها جيت اكلمه تلفون كنت بساله كم سؤال قبل لااروح المحكمه قام يلمح لي على الزواج قلت ااااااايه بدينا حركات نص كم
بصراحه احس اني مااقدر اتزوج غيره اذا اللي حبيته سو فيني اللي مايتسوى بالله كيف اللي مااعرفه
نفسيتي جدا تعبانه مو قادرة اذاكر واختباري اقل من شهر وربي حاولت الم الموضوع اكثر من مررة بس ماحسيت فيه مسؤليه لبيته مطنش الواحد يتزوج يرتاح هذا متزوج غاوي مشاكل وربي كان الطلاق اخر الحلول بس مالقيت معه حل بجد حبيته بس حسيته كسرني تمرد علي لانو وربي كل مازعلني ويكون هو الغلطان اروح واعتذر مااحب الزعل يطول بيننا ولاني ماعندي احد بجده غيرة يعني لو زعل ماعنده مشكله لو نجلس شهر مانكلم بعض بس انا مااقدر والله ياعالم اني ابكي حسرة على نفسي اشوف بنات ياربي لك الحمد قسم احسب الوحده فيها اعاقه واسمع البنات يقولو لي شفتي هذي زوجها ميت عليها وبيتها يجنن ومسفرها بيروت واسطنبول ومابقى بلد ماوداها والله تجيني العبرة مو حسد بس انا مهتمه بنفسي ومهتمه بنظافتي وهذا كله مو مبين فيه مره بالله ايش تنصحوني الرجال مو كفو مسؤليه وبيت حتى لما كان يرسل مصروف يقولي انا ارسل لبنتي اما انتي خلي اهلك يصرفون عليك هذا وانا ماتطلقت يعني على ذمته ابغى اشوف وجهة نظركم بما انو في ناس عاقله ومرت بتجارب بصراحه كنت متردده اكتب بس بجد حلولكم مقنعه اسفه طولت عليكم
05-12-2011, 03:40 AM
ضوابط المشاركة
العرض العادي
