السلام عليكم ورحمة الله وبركاته

أعيش مع أهل زوجي وهما من النوع اللي كثير يسلطون ويشوفون نفسهم فوق الكل ومايعجبهم اي شي كل شي يطلعون فيه عيب وايضاً معاهم سلفتي اللي هي زوجة أخوهم

المهم انا أباً اعرف كيف اتصرف معاهم أتجاهلهم كثير بس داخلي ماقدر يعني ف أوقات افشل بس ماابين لهم يوترون أعصابي كثير ويستنزفون من طاقتي

أحط شي كأني مراقبة ليش حطيتي ليش سويتي ناس كثير سلبيين يوميا عندهم اجتماعات مغلقة من غيبة والي اخره طايحين في زوجات عيالهم وف الناس

المشكلة يوم تمسكهم يحسسونك انك انت تتوهم وانت الغلطان وينكرون ويكذبون ويحلفون كذب

كيف اتجنبهم وماحس بوجودهم عندي أشيا اهم منهم بوايد بس كنهم شياطين مايخلون الواحد يرتاح يوميا عندهم مشكلة وقصة

ابي اشتري راحة بالي

__________________
اللهم لك الحمد حتى ترضى ولك الحمد اذا رضيت ولك الحمد بعد الرضى
الحمد لله دائماً وأبدا

اعانك الله ، افضل حل انك تطلعين من البيت وتستقلين ، وترتاحين وترحينهم ، حاولوا توفروا في المصاريف عشان توفرون بيت مستقل ، ثاني شي اذا انت مقتنعه بالشئ اللي تعمليه و رافضه نهائيا كلامهم وشايفه انك الصح ، يعني أَذِن من طين وإذن من عجين ، كانك ما تسمعين شي ، لكن عند تعقيب اذا هم عندهم اجتماعات مغلقه و يحشون في الناس ونصحيتهم و رفضوا هذا كفايه هم حرين في نفسهم ولا تشغلين نفسك تراقبينهم وتصيدنهم .

الطلعة من البيت مستحيل مايرضئ زوجي
انا اعرف نفسي م عملت لهم شي بالعكس أحسن اليهم

المهم ابي أكون أقوى واطنشهم ولا كني سمعت شي مابي اتأثر

__________________
اللهم لك الحمد حتى ترضى ولك الحمد اذا رضيت ولك الحمد بعد الرضى
الحمد لله دائماً وأبدا

لايكلف الله نفس الاوسعها ...حاولي تبعدين عنهم ... لو مو طلعة من البيت ..انفصلي جسديا وروحيا عنهم ..ولاتقابليهم الا في المناسبات المهمة ..وكانك ضيفه عندهم للاسف في ناس ماتمشي معهم عير الرسميات ...لو عاتبك زوجك ..دورلك حجة قوية انك مشغولة شويات عن زيارات اليومية او الاسبوعية ماعرف اش نظامكم بس المهم اشغلي نفسك بي وظيفتك او نادي او دورات اومشاريع الخ ..بس لاتذكريله السبب لان مهما كان هذول اهله مايرضى عليهم حتى لو انت صح ...

طناش
وحطي في بالك مو أنت اللي بالعالم تعاني بس، أمثالك كثيييير.

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

التطنيش
التغافل فن ان تعلمتيه صرتي اسعد وحده بالعالم

انتي ساكنه في نفس البيت بحيث تاكلو وتشربو سواء ولا كيف ؟؟

طنشي
وحاولي تسطحين علاقتك واتصادمك معهم
وامدحيهم الين توصلينهم السما
حتي لو هم مو كذا
وكل تصرف شين تغابي عنه
انصحك ويمكن لو اكون مكانك ما اسوي اللي قلت لك عليه بس جربي يمكن ترتاحين
والله يعينك 😘

هي في نفس البيت ،،،

مرات أكون قوية ولا كانهم موجودين ف هالعالم ومرات احس بفشل احس بتأنيب معني ما مسويتلهم شي
كيف اقلل من التأنيب كل شوي يعقون كلام الا ابي أرد وكم مرة رديت بس المشاكل تزيد ،،،

مبتعثة متفائلة التغافل كيف اقرأ عنه ولا قصدج التطنيش

__________________
اللهم لك الحمد حتى ترضى ولك الحمد اذا رضيت ولك الحمد بعد الرضى
الحمد لله دائماً وأبدا

واظبي على الأذكار صباحا و مساءا ،وقبل لا تقابليهم ادعي هذا الدعاء ، حسبي الله ونعم الوكيل ، اللهم أكفيني إياهم بما شئت وكيف شئت ، إنك على كل شيء قدير ، مع اليقين بذلك ، وسترين العجب ، كرريه وداومي عليه .