صنيه فراخ بالارز في الفرن

المكونات

فرخة الوزن حسب الرغبة + بطاطس حلقات + بطاطس مكعبات +بصل حلقات + ملح و فلفل اسود + زبدة لتحمير الفراخ + 2 فص مستكة

الارز

ارز مصري حسب عدد الاسرة + بصلة مفرية + ملح و فلفل اسود + مكعب مرقة ارز الابيض


الطريقة


1- الدجاج ينظف جيدا و يتبل بملح و الفلفل
2- تحمر الدجاجة في طاسة بها زبدة و قليل من الزيت و فص المستكة علي نار عالية ( حتي لا تفقد الماء الموجود بداخلها )



2- نجهز الصنيه و تبطن بورق القصدير و نرص حلقات البصل و حلقات البطاطس و نرش عليهم ملح و فلفل اسود



3-نقوم باعداد الارز

بعد غسله و تصفيته نقوم بتقطيع البصلة و تتبيلها بملح و الفلفل و تدعك جيدا ثم تخلط مع الارز و يقلبو

في قدر نضع القليل من السمن او الزيت و نضع الارز المتبل بالبصلة و يشوح علي النار ثم نضع عليه مقدار من الماء و يترك ليغلي ز يوضع علي نار هادئه ( المطلوب ارز 3/4 سواء )



4- نقوم بتجهيز البطاسط المكعبات و رشها بقليل من الزيت و الملح و الفلفل الاسود



5- نضع الارز علي حلقات البصل و البطاطس و في الوسط نتجنب وضع ارز حتي لا يعجن تحت الدجاجة



6- نغطي الدجاجة بورق الفويل و تدخل الفرن في الوسط






7- و هذا شكلها بعد تمام النضج




و تقدم بجانب الملوخية



و السلطه







صنيه بطاطس محشية لحم مفروم

المكونات

بطاطس صغيرة الحجم + لحم مفروم معضج و مضاف له طماطم + 1 كوب عصير طماطم + زت للقلي


الطريقة

1- تقور البطاطس و نقوم بعمل قاعدة بالاسفل لها بالسكينة و نحتفظ بقلب البطاطس





2- تحمر البطاطس في الزيت ثم نحمر قلب البطاطس








3- نجهز اللحم المفروم ( كانت معجمدة عندي اضفت اليها طماطم مبشورة )



3- نجهز الطبق بايركس و ترص في القاع قلب البطاطس المحمرة




4- نرص البطاطس و تحشي لحم مفروم



5- يصب عليها كوب عصير طماطم و تدخل الفرن





نستكمل

__________________

الفخذة الضأن بالفرن

المكونات

فخذة ضأن حوالي 3 كيلو شرحتها عند الجزار و عملت بها ثقوب

التتبيلة
فصوص ثوم صحيحة + ملح و فلفل اسود كثير + 2:3 م/ص ممتلئة قرفة ناعمة +2:3 م/ص ممتلئه بهارات + 1/ك كزبرة ناشفة + 1/ص حبهان مطحون + صويا صوص تقريبا 1/2 كوب + زبادي 2 علبة

لتحمير الفخذة

+ 2 م/ك سكر + قليل من الزيت + فص مستكة

لاستكمال طهي الفخذة في المرق

1/2 كوب خل ابيض +ورق لورا + فلفل اسود صحيح + حبهان صحيح + عود قرفة صحيح + حبات قرنفل

صنيه الفخذة

بطاطس مكعبات + بصل شرائح


الطريقة

تبلت الفخذة باللتبيلة ( ملح و فلفل اسود و قرفة و بهارات و كزبرة ناشفة و حبهان مطحون و صويا صوص ) و عملت فيها فتحات و حطيت في الفتحات ثوم فصوص

و تركت الفخذة في التتبيلة طوال الليل





يوم الطهي

وضعت عليها 2 علبة زبادي و قلبت الفخذة كويس جدا

وقتي تاخر في اعداد الفخدة

ففكرت في حل سريع

وجدت طريقة منال العالم بتاعت التحمير بالسكر ( اي استعمال السكر في تحمير الفخذة )

احضرت اكبر صنيه عندي و ضعت زيت و ضعت سكر ( حوالي 2 م/ك سكر ) و فص مستكة

و اول ما اتحمر السكر و ظهرت رائحة المستكة وضعت الفخذة علي اعلي نار عندي و حمرتها كويس جدا من الناحيتين

و رفعتها من الصنيه





و في نفس الصنية مع بواقي تحمير الفخذة

وضعت ماء حوالي 3 كوب ماء

و وضعت عليها حوالي نصف كوب خل و وضعت ورق لورا و فلفل اسود و حبهان و عود قرفة صحيح و حبات قرنفل

و تركت الماء يغلي كويس



و وضعت الفخدة و تركتها ساعة كاملة مع التقليب ( يعني كل جنب اخذ نصف ساعة ) مع الاحتفاظ بوجود مرق للحم





ثم رفعت الفخذة مرة اخري من الصنيه



و هذا هو مرق اللحم



جهزت صنية تانية

و بطنتها بورق الفويل



و كنت مجهزة بصلة شرائح تخينة و عليها ملح و فلفل اسود ( و تركتهم ساعة قبل ما استعملهم )

المهم رصيت البصل في القاع و حطيت عليه الفخذة و كنت مقطعة بطاطس مكعبات كبيرة و وضعت البطاطس




و وضعت بداخل الفخذة باقي المرق اللي نزل من اللحم و قفلت عليه بالفويل من فوق



و وضعت الفخذة في الفرن مع وضع كوب ماء ما بين الصنية و الفويل الموجود بالقاع

و دخلتها الفرن تقريبا ساعة و نصف في الرف اللي في الوسط و الفرن كان 180 درجة تقريبا و في النهاية فتحت عليها عشان الوجه يتحمر


ملحوظة

وضعت فيها فحمة مشتعله و غطيتها







نستكمل

__________________

الارز البسمتي

المكونات

2 و نصف كوب ارز بستمي + بصلة + بهارات صحيحة ( حبهان + قرفة + قرنفل + ورق لورا + لومي )+ مكعبين و نصف مرق الارز الابيض + جزرة بشورة + 2 حبة فلفل بارد مقطع مكعبات صغيرة + بودره زعفران + شرائح لوز للتجميل و بقدونس مفري

الطريقة

نحضر قدر و نضع فيه بصلة كبيرة مفرية و زيت ذرة و تحمر حتي تصفر

نضيف عليها حبات من القرنفل الصحيح و عود قرفة صحيح و 3 حبة هيل صحيح و ورق لورا و 2 لومي بها فتحات بالسكينة

و نقلب حتي تظهر رائحة التوابل



نكون مجهزين 1 جزرة كبيرة مقشرة و مبشورة و 2 حبة فلفل رومي بارد مقطع صغير



و نضع علي البصلة الاول الجزرة و نشوح حتي تجف مياه الجزر حوالي 2 دقيقة

تم نضع الفلفل البارد و يشوح 2 دقيقة

وهكذا البصلة بالخضار بيكون جاهزين

و نكون ناقعين الارز في مياه قبلها ب ساعة في مياه من الحنفيه هتكون دافية شوية ( في الجو الحار ) و علية ملعقة صغيرة ملح

نصفي الارز و نضعه علي البصلة و نشوحه زي الارز العادي و نضع المياه و نضع مكعبين و نصف مرقة الارز الابيض مفتته ( انا لازم افتتها عشان اضمن انها تذوب بسرعه )



و نضع مياه طبعا تغطي الوجه ( ممكن استخدام جزء من مرق الفخذة حسب الرغبة ليكون مثل ارز المندي )

انا شخصيا افضل اقلل المياه بالاخص للارز البسمتي و لو احتاج اضع له

عشان اضمن 100% انه يكون مفلفل

و اول ما غلي الخليط كنت مجهزة 1 م/ ص بودرة زعفران في شوية ميه و قبل ما اغطي علي الارز عملت في السطح بتاعه 4 فتحات و ضعت فيها مياه الزعفران و وطيت عليه و ضعت تحته الشياطة

و في نفس الوقت احضرت قدر وضعت فيه لوز ني مع قليل من الماء و غليت اللوز و تركته يبرد و تخلصت من قشرته
و هو طري كده مسكت اللوزة و بالسكينة قطعتها شريحة رفيعة من ك جنب و بعدين فلقتها من المنتصف و بالتالي اللوزة الواحدة عملت 4 شرائح

و ضعت اللوز في صنيه و دخلته الفرن و كل شوية كنت بحرك الصنية حتي لا يلتصق اللوز

و بعد ما تحمر شوي طلعته من الفرن و تركته يبرد و بعدين حمرته في شوية زيت و جملت بيه وجه الارز مع شوية بقدونس





و يقدم بجانب السلطة الخضراء




و المخلل



و سلطة الزبادي


خيار مقشرة و مزال قلب الخيار بالملعقة و مقطع صغير مع قليل من البقونس المفري

و يضاف الي الزبادي الجاهز و ليس الزبادي ( البلدي ) لانه به ماء كتير و يتكتل عند اعداد سلطة الزبادي

و نضيف عليها ملح و فلفل اسود و رشة نعناع و رشة ريحان جاف

__________________

مقلوبة الباذنجان باللحم و البطاطس

المكونات

أرز مصري + باذنجان مقلي + بطاطس مقلية + لحم مسلوق + طماطم مكعبات + قليل من الزيت


الطريقة

1- يقلي الباذنجان

2- تقلي البطاطس









3- و تسلق اللحم و تقطع مكعبات و ترش بالملح و الفلفل



4- القدر نضع قليل من الزيت و نرص حلقات الطماطم و الباذنجان و البطاطس









5- و نضع اللحم المكعبات ثم الارز المصري المغسول و المصفي







6- نضع ماء او مرق و يترك ليغلي ثم نوطي عليه النار و يترك للنضج







7- بعد التاكد من نضج الارز نقوم بعمل حمام ماء و نضع القدر فيه حتي يسهل قلب القدر




8- و يقدم للاسف تهدمت لان القدر به انتفاج يصعب معه الحصول علي شكل القدر المضبوط

__________________

و هذا تطبيقي ل بيتزا المكرونة

و كانت موجوده في ملف الشهر الكريم

لكني عدلت فيها بسيط

المكونات


مكرونة + علبة قشطة +2 م/ك مايونيز (لم استخدمه ) + 3 م/ك جبن سائل + صلصة مكرونة + لحم مفروم معضج + فلفل بارد و طماطم مكعبات + جبن موتزريلا و جبن شيدر مبشورة


الطريقة

1- تسلق المكرونة

2- تصفي بعد السلق و تخلط ب القشطة و جبن الكاسات

3- و يضاف عليها الصلصة و ترص في صنيه

4- نضع عليها القليل من اللحم المفروم

5- الفلفل البارد و الطماطم شوحتهم في قليل من الزيت ثم يوضعوا علي الوجه

6- و نضع الجبن و تدخل الفرن

__________________

و هذه طريقتي في اعداد البطاطس المحمرة

تقطع البطاطس ودجز

تسلق في ماء مع مكعب مرقة دجاج و قليل من الملح و الكمون


تصفي ثم يرش عليها ملح و فلفل اسود




و تقلي في الزيت





طعمها فهلا خرافة و مقرمشة

__________________

دائماً متميزززززززة

يعطيكِ العافية غاليتي * مستكة * على الوصفات الأكثر من رااااائعة

وبارك الله فيكِ

تحياتي لكِ

__________________
أنتهت الإجازة الصيفية وبدأ الدوام

ما شاء الله عليك مشرفتنا المتميزة

__________________

صنية داود باشا

تطبيق لوصفة الشيف منال العالم علي هذا الرابط

http://www.66n.com/forums/showthread.php?t=172622

الصور



















و خلط الكفته بالصلصة و دخلت الفرن


كانت روعه فعلا

و للاسف لم اجد الطبق النهائي وسط الصور

لكن جاري البحث عنها

__________________

ماشاء الله تبارك الله

الله يعطيك العافية ياقلبي مجهود رائع وواضح ومميز......ربي يسعدك ....

عجبتني الكبسة وكمان عجبتني البطاطس المحمره ...

تسلمين ياعمري...