السلام عليكم
انا متزوجه من تسعه سنوات تقريبا زوجي ونعم الرجل مو مقصر عليه وطيب موظف وله عمل حر الآونه الاخيره بالذات السنه الحاليه جدا انشغل وانا كذلك انشغلت مع الاولاد ومدارسهم وتقريبا شايله البيت من الطلبات لمشاوير الاولاد وتوصيلهم واحس بعدنا عن بعض برغم اني اتقرب له وقايمه بكل حقوقي تجاهه لكن جدا مُقل بعواطفه مايقربني غير وقت حقه الشرعي فقط واذا جلسنا مع بعض يبدا يفضفض عن مشاكله بالعمل وظغوطاته ولا عن مشاريعه وانا اخذ واعطي معاه لكن في نفسي خلاص مليييت نفسي يسألني عني لشخصي لذاتي يعطيني ريق حلو يتغزل فيني يفاجئني بسفره او حتى يحجز فندق بمنطقتنا مناسباتنا الخاصه مايفتكرها ابدا ولايهديني فيها حتى العيد مايعيدني مع انه ابو الكرم ومو مقصر ابدا بس اكيد العيديه لها طعم ثاني لمن تكون منه ياماجلست وصارحته ومرا يقولي تعبي هذا كله عشان اامن لكم مستقبل طيب اقوله انا ماابغى الفلوس ولا هذا كله انا ابغاك انت لشخصك لذاتك يقوم يتعذر انه مشغول وراسه مدووش ويدري انه مقصر وكل فتره افتح الموضوع نفس الاعذار ويوعدني يتغير ولا نقطة تغيير خلاص انا احس مااقدر اتحمل ليه احتياجات وعواطف اذا هو زوجي مااحتواني وبادلني بنفس المشاعر ايش اسوي على انه مو موقفه حياتي عليه اطلع واروح واجي مع اهلي واولادي لكن مو قادره اتجاوز النقطه هذي مع انها عيبه الوحيد بخيل بحبه ومشاعره هل انا مكبره الموضوع ولا وضعي طبيعي

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

اعتقد أنه بسبب تربيته وأعتقد صعب جدًا يتغير وخاصة إذا كان راضي عن نفسه ، إذا رضى عن نفسه فلن يتغير إلا أن يشاء الله

طلباتي هذي حصل وان طلبتها منه بطريقه مباشره وبالنسبه لطلبات المنزل بالعكس لو طلبت منه اغراض مايقصر ويجيبها والى فتره قريبه كان مسؤول عن المشاوير والطلباات بالكامل ولكن احتجنا لاستقدام سائق خاص لظروف عمله ومدارس الاولاد هو مع اطفاله اكثر من رائع وجدا متعلقين فيه مشكلته معي انا فقط

فعلا هو من التربيه المشكله انه بيئتي تختلف تماما من الناحيه هذي اهله جدا جافين مع بعض بعكس الوضع في بيتنا املي في الله كبير انه يتغير

غيري عنوان موضوعك الى " جفاء الازواج" بدلاً من "جفاء زوجي"

كلنا ذاك الرجل تقريباً

__________________

أنا ارى أن رغبتك في حياة تملأها العواطف و الحب شيء طبيعي جدا..
الرجل يبدو أنه بعد سنوات من الزواج و الإنجاب نسي أنه يتعامل مع فتاة..

الحمدلله أنه رجل ناجح و كريم معكم, و الحمدلله أنك ذكرتي الكثير من حسناته..
لا أعرف عن طريقة تعاملكم مع بعض لكن جربي أن تخلقي تلك الأجواء بنفسك..

الكثير من الرجال جافين مع زوجاتهم لكن داخلهم الكثير من العاطفة و "يبغالهم اللي يدفهم شووووي"
جربي ذات يوم أن تأخذي منه موعد لمفاجأءة.. و لا تخبريه, فقط شددي على أنه يتفرغ ليلة واحدة و أن لا يتعذر بأشغاله.. خذي منه موعد قبلها بأسبوع..
جربي انتي تحجزي فندق و تروحي تزيني الغرفة بالشموع و الورود..
جهزي كل شيء من ثلج و مشروبات و بعض المأكولات الخفيفة..
اشتري ملابس جديدة و عطر جديد..

فاجئيه بنفسك.. صديقيني قد يكون هو يحتاج ذلك الجو بنفسه و لكنه مستغرق في أعماله..
حاولي أن تجعلي منها منافسه في عقله على سبيل التجديد و التغيير في الحياة..

مين فينا اللي يقدر يفاجئ الثاني بشكل أجمل..

خذي زمام الأمور العاطفية بنفسك..
صديقيني سيشتاق لها عندما تتوقف و يعود للروتين الطبيعي معك..
سيريد تلك الحياة أكثر.. بعيدا عن البيت و غرفتكم المعتادة و الأولاد..

الله يكون في عونك حاسه فيكي وللصبر حدود

اختي وضعج طبيعي وعادي والله وايد وايد حريم نفس حالتج
وانا نفس الحاله بعد والحمدلله راضيه

اهم شي انه مب مقصر ومعطيج حقوقج الشرعيه وموفر الحياة الكريمه لج ولعيالج

يا اختي مافي زوج كامل
قولي الحمدلله اللي عندج تتمناه الف وحده غيرج

ان كان رومانسي مغرق الزوجة كلام حلو
ترى مايضمن انه مايخون ويغازل
في رياييل كلامهم معسول ومغرق زوجته هدايا لكن مافيه وفا لزوجته
يمكن يضربها يمكن بخيل مادياً وغيره

يعني ريلج مثل ماقلتي عنه مافيه عيوب الا هالعيب
والحمدلله عيبه مقبول

واذا ماقدرتي تصبرين اكثر صارحيه وكلميه بأسلوب طيب مايبين انه مقصر

وعلى فكره هذا شي ايجابي انه ريلج ايي يفضفض لج عن مشاكله وضغوطاته بالدوام
لانه تأكدي مابيقول هالكلام الا لشخص يحبه ويرتاح له

و لاتنسين الدعاء

اريد مشورتك اخي بما انك رجل شاكره مروركم

لاتظهر لي ايقونة التعديل