اولا :حياكم الله اخواني واخواتي .
ثانيا : اعتذر عن الانقطاع .
ثالثا : لاتبخلوا علي بمشورتكم ,,
طبعا مشكلتي مثل مشاكل كثير من الناس الا وهي
كثرة خروج الزوجه للمناسبات والدعوات ..
طبعا المشكله نابعه من اسباب امها لا ان امها لاتكاد تجلس الا يوم او اثنين في البيت ..
وصدق المثل اللي يقول
" اذا بغيت تضمها اسال عن امها"
ولا احد يخالفني بصحه هالمثل ولكل قاعدة شواذ..
المهم المشكله ان زوجتي الله يصلحها كل يوم طالعه امي عزمتني امي بتروح تزور خالها امي بتروح لخالاتي
واليوم عندنا زواج بكرة عزيمه... بعدين انا اوافق واوديها
ولاكن الموضوع طلع عن حده حتى الزواجات بعيدة القرابه تحب تروح لها وتودي اطفالنا عند اهلها او اهلي
طبعا رفضت ولم تتقبل رفضي وزعلت ,, سوالي ؟؟
اين التقدير ؟؟ وهذا اول طلب ارفضه
والله يشهد علي ان طلباتها انفذها بنسبه 99% واذا رفضت يكون فيه زعل وتقول انت اصلا ماتبعى تشوفني سعيده ومبسوطه ؟؟
يعني معنى كلامها لا ترفض اي طلب حتلى اكون سعيده ..
وهذا لايعقل .. ان اقبل كل شي وكل طلب !!
وطبعا دايم البي طلبها واتنازل على قولتها والنتيجه انها ماتحب تنازل
يعني انا الطرف المتنازل دايما ... حقيقه تعبت
وليس طبعيا ان كل دعوه وكل مكالمه من امها نلبيها ..وليس صحيح ان كل طلب ينفذ..
وليس صحيح ان لايصدر مني كلمه "لا" ابدا
طبعا بتقولي اجلس مع اهلها ومعها ...
امها هي ساس البلاء وابوها كلمته لا كن هو فاقد القوامه في بيتها وماهواقادر يصيطر على الوضع في بيته
اما بالنسبه لها جلسنا وتخاصمنا كثير حتى كدنا نفترق ومازالت المشكله موجوده والمطلوب التنازل من جهتي فقط ..يعني لازم البي كل طلباتها ومناسباتها واشيل من قاموسي كلمه "لا "
وتقول انك لالتريد ان تراني سعيدة ..
تعبت منها ومن زعلنا ..
ارشدوني يااهل الخبره .
تراي والله كرهت الزواج رغم اني متزوج لي تقريبا اربع سنوات .لكن للاسف كل سنه يزيد كرهي للزواج
مع اني انا وزوجتي نحب بعض ولله الحمد بس المشكله في التفاهم
.

تقبلوا خالص شكري وتقديري
اخوكم

[size=4]التقوى هي الخوف من الجليل و العمل بالتنزيل
و الرضا بالقليل و الاستعداد ليوم الرحيل