السلام عليكم
بنتي نفس المشكله تركت الحليب وهي عمرها ثمن شهور يمكن وبترفض الاكل بانواعه وما بتحب شي ابدا ابدا
جننتني وغلبتني وصرت أفقد اعصابي لاني صرت اغصبها في الاكل وتحشر اللئمه في تمها يمكن لساعه
المهم رحت لدكتورتها واصريت انها تبعتني على مركز للتغذيه للاطفال
المهم رحت للمركز وفهموني كيف اتصرف معها والحمد لله رب العالمين كتير كتير وضعها تحسن
بس بدك تمشي على كلامهم
الطريئه الاولى انه يكون مكان محدد لاكل الطفل وكل وجبه يكون بنفس المكان
تاني شي كل اربع ساعات اعرض عليها الاكل وممنوع منعا باتااااااااااااااااااااااااااااااااا اني اعطيها اي شي خلال الاربع ساعات الا المي
متلا اكلت على العشره الصبح بحسب اربع ساعات للوجبه التانيه بتكون الساعه 2 وبدي احسب 40 دئيئه للاكل وخلال الا 40 دئيئه بدي اكون انا معطيتها شو بحب اطعيمها واحليها واشربها
وشو ما تاكل تاكل متلا بعطيها الطبئ الرئيسي وبعدين ازا بحب بعطيها كعكه او زاكي وعصير شو بتحبي وازا ئعدت في كرسي الاكل 40 دئيئه واكلت شي بسيط خلص ئوميها من الكرسي واحسبي اربع ساعات وهيك بدك تمشي على هالنظام وان شاء الله بجيب نتيجه متل ما جاب معي الف شكر لرب العالمين
وبحب كمان اخبرك انه متلا ازا اعطيتي طفلك ساندويش اي شي
ما تعطيه اياه كامل
خليه يجلس في كرسي الاكل وحطي ئدامه صحن وانت أأعدي مقابله وئسمي الخبره لئمه صغيره وحطيها في الصحن رح تنصدمي كيف رح يمد ايده وياخدها ولياخدها حطي كمان لئمه وانتبهي انهم يكونوا صغار وعلى هالموال وشوفي كيف رح يتصرف ابنك انا لرحت على المركز طلبوا مني انه اخد معي اكل وانصدمت لشفت بنتي كيف بتاكل وانا في البيت بموت مليون مره بس تاكل لئمه وحده بدون ما اغصبها ولا اعصب عليها طبعا بعد ما اساير ساعات وساعات
اما بالنسبه للحليب هي بتحب تشرب الشوكو والدكتوره ئالتلي عادي اعطيها اياه لانه متل الحليب وهيها مره هيك ومره هيك بس احسن بكتييييييييييييييييييييييير
وربي يفتح منافسهم هالصغار
ان شاء الله اني افدتك وافدت غيرك