السلام عليكم ورحمة الله وبركاته

محتاجة مساعدتكم اخواني في مشكله اخي وزوجته لان موضوعهم خلاص هيوصل للطلاق وانا نفسي ارجعهم لبعض ونلم الموضوع قبل ما يتطلقو انا مش عارفه اعمل ايه
حكايه اخويا هو اخ ولد وحيد علي بنات متدلع جدا ومرفه والدته بتفضله عن اخواته وعن اي حد متزوج من خمس سنين ونص عنده ولد صغنن عمره اربع سنين كان بينه هو وزوجته قصه حب كبيره وعاشو اول اربع سنين كويسين مع بعض عمر مشاكلهم ما طلعت بره من سنه ونص اخويا حالته اتدهورت جامد شر.ب مخدرات وحاولو معاه كتير كان مش بيصرف علي بيته ولانه متدلع كان بابا وماما اللي بيدفعوله ايجاره شقته ومحله وبيصرفو علي مراته وهي كانت معاهم في نفس البيت بس شقة منفصلة تماما في فترة الكل عرف انه مدمن زادت مشاكله مع زوجته وهي تراقبه ويتخانقو وماما وقفت مع زوجته في الاول وكانت برده مش بيهون عليها اخويا وتديله الفلوس اللي عايزها ومتسمعش مننا ابدا وانا واخواتي البنات وقفنا ضدها بس برده كانت مصممة علي دلعه لحد ما بابا عرف دخلناه مستشفي يتعالج قعد هناك اربع شهور والدكاتره قالو بقي كويس وممكن يخرج طبعا كان محله اتقفل وعليه ديون اهلي دفعوها قبل ما يدخل المستشفي كان والد زوجته بيحاول يخليه يبطل عنده في البيت فكتبه وصل امانة غصب عنه بالاكراه وقاله هبلغ عنك وحصل مشاكل كبيره وبعد ما دخل المستشفي برده كان فيه مشاكل بسيطة وشد وجذب بين العيلتين ماما كانت قلبت علي زوجة اخويا لانها في مشاكلهم كانت بتعلي صوته وتخرج تجري في الشارع وتقوله هفضحك وبعد حوار والدها اما كتب اخويا الوصل ماما شالت منهم اكتر ومرة كانو اهلي قاعدين مع اهلها وزوجة اخويا رفعت صوتها علي بابا اختي الصغيره من بعدها بقت بتعاملها وحش حتي اما كانت تروح تزور اخويا هي وماما ومرات اخويا تروح كانت مش بتطلع تسلم عليها وتفضل قاعده في غرفة جوا وزوجه اخويا زعلت منها المهم خرج اخويا ولانه متدلع والدكاتره وصوا اهلي منزعلوش ماما ؤبابا اجروله شقه في بلد مراته لانها عايزه تقعد هناك جمب اهلها ونقلو عفشه بس مراته كانت شايله منه وبتتعصب عليه ومش حنينه عليه لانها برده شافت كتير منه هو كان يقعد يكلم اهلي ويقول بتعاملني وحش ويشتكي لهم وانها علي طول شاكة فيه انه بيشرب وانه بيكدب يعني كره اهلي فيها اكتر لدرجة انه رايح يقول لماما مش خلتني المسها من يوم ما خرجت الا مرتين تلاته ومش عايز يشتغل انا عارفة اخويا هو اللي وحش المهم من المشاكل رجع للشرب تاني ومراته عملتله تحليل وعرفو وهو مستهتر وليا خالتي بتقعد تكلم والد زوجة اخويا وساعات بتوقع بكلام تافه المهم مرات اخويا اما عرفت طلبت الطلاق وقالت هي سنه بعد اما اتطلق اتعدل اهلا وعشان ابنه مش اكتر مااتعدلش خلاص مش هستناه اكتر اهلي طبعا شايلين منها بسبب اخويا وهما شايلين من اهلي ووالدها بيغلط فينا عند خالتي المهم انا واختي الكبيره الوحيدين اللي شايفين انها مش غلطانه ومظلومة كلمتها امبارح قعدت تتكلم معايا ساعتين لان علاقتي بيها كويسه وحتي لو اتطلقو انا وهي هنتكلم قالتلي ان اخويا ظالمها وانه مش عايز يشتغل واما عرفت انه رجع يشرب قالتله يا احمد اعترف بغلطك وانا هسامحك هو اللي كابر وبينكر وقالتلي انها زعلانه من اختي الصغيره وبصراحة صعبت عليا وقالتلي انها عمرها ما تلاقي بطيبة اخويا وانها بتحبه بس لو بقي كويس ويبطل كدب قلتلها هو بيقول انك بتمنعي نفسك عنه قالتلي مينفعش اساسا يقول كلام زي ده لاي حد دي اسرار وخالتك قالها برده وقالتلي انا ممنعتش نفسي عنه الا اخر اسبوعين عشان مش راضي يشتغل وبيقول انا ما اشتغلش عامل انا اشتغل باشا ولانه اخر مرتين كنت معاه جثة وهو كمل عادي واهانني وبيقولي انتي اللي استفزتيني وقالت انها مصممة ع الطلاق ومش هترد عليه الا اما الكبار يقعدو انا قلتلها انتي عندك حق واخويا غلطان وانتي عارفه موقفي منه كويس اوي ومغلطتهاش في حاجه ولا كنت طالباها عشان اقولها تسامحه لاني ضد اخويا بعدها كلمت ماما وقلتلها انتو ظالمينها هي واختي الصغيره بهدلوني عشان بدافع عنها وقالولي ابوها بيغلط فينا وهي بتقول اننا خدنا ملاعق من حاجتها وكسرنا اطباقها وكلام كله تافه وماما اما عرفت انهم عايزين الطلاق قالت يجيبو الوصل وهما اكيد هيرفضو لسه مقعدوش مع بعض واختي الكبيره رايها زيي بس هي مسافره بره وبنكلمها نت بس وصعبان عليا مرات اخويا وابن اخويا ونفسي اخليهم يفضلو مع بعض مش عارفة اعمل ايه مش عارفه اوفق الامور ازاي المشاكل متعقده ربنا يهديهم يارب قولولي اعمل ايييييبه

(تم تعديل العنوان ليتناسب مع المضمون)



(مستجدات الرد 8)

http://66n.com/forums/showpost.php?p...84&postcount=8

مستجدات الرد 11

http://www.66n.com/forums/showpost.p...6&postcount=11

الله يكون في عونها زوجة اخوك شو تتحمل لتتحمل
و المفروض انكم توقفوا معاها جبهة واحدة و تدعموها عشان مصلحة اخوك مو تفتحوا باب للصراع معاها

دوركم تقنعوا امك و ابوك و خصوصا امك تسعي لتحسين العلاقة معاها و تتقبل منها و تتفهم انه حتي لو تجاوزت و اساءت فهذا لانها مضغوطة من اخوك و يكفي انها صابرة عليه و متحملة ادمانه

__________________

انا واختي الكبيره معاها وفي صفها وبندعمها لاننا عارفين انها مهما عملت ده رد فعل لغلطات اخويا بس المشكلة في امي مش راضية تكدب اخويا لدرجة انه مش راضي يعترف انه رجع للشرب تاني حتي زوجته قالتله اعترف انك غلطان وانا هسامحك وهو بيكابر وينكر رغم ان التحاليل طلعت انه بيشرب مش عارفة اقنع امي ازاي طول عمرها عندها اخويا ده حاجة تانيه زي ما يكون عاملها عمل وبتظلمنا احنا البنات عشانه وعارفه انه كداب وبتصدقه وشايفانا احنا اللي جايين عليه انا بجد برغم انه اخويا كرهته عايزاه بس يرجع عشان مراته الغلبانه بتحبه وابنه اللي لسه مشافش دنيا وهما عايزينه معاهم بس يبقي كويس اقنع امي ازاااي

الله يعين حبيبتي
تعالوا لها من ناحية الدين و المحرمات
من ناحية مصلحة اخوك الي بيضيع لو استمر في السكة دي
انه حياته في خطر و يمكن تفقدوه لا قدر الله يتسجن يدل انواع اقوي فيها خطورة عليه
بتتفهم لو ركزتوا علي مصلحة اخوك و الوالد برده يتدخل و يدعمكم ويقنعها
بالنهاية لو حدث الانفصال بيرجع لكم البيت و بتشيلوا الي هي شايلاه و وقتها امك بتتفهم غصب

__________________

هي متفهمة وشافت كل حاجة لانهم كانو عايشين معاهم في نفس البيت وشافت الويل منه وياما اتخانقو للاسف هو بياخد اخطر نوع من المخدرات هيروين وحقن وحالته صعبه ، وامي عارفه كل حاجة وشافت بهدلته لمراته كانت زمان بتدافع دايما عن مراته بس المشاكل لما زادت مراته ابتدت تعلي صوتها وتجري في الشارع وتقول هفضحك عند كل الناس وتطلع تقول للجيران وتنكر حاجات كويسه بابا عملها عشانها وتكلم اصحاب اخويا ده اللي كره ماما فيها مش قادره تعذر زوجته وتفهم ان ده من الضغط والهم الللي عاشته مع اخويا ربنا يهديه
جزاكي الله كل خير علي ردك اختي هاجر ربنا يسعدك وهحاول تاني معاها ربنا يهديها

اولا اختي لن اعيش اقف لك وقفة احترام ،اجلال و اكبار،،،،، انت فعلت رائعة

ثانيا ...انا ارى ان طلاق زوجة اخيك منه فيه خير لها -سامحيني على ما اقول -. بل عليها ان تتعجل الفراق ... لان هذا الاخير شر لا بد منه ، فحقن الهيروين هي الايدز بعينه !!!

و الحياة مع متعاط هي حياة جحيمية بكل ما تحمله الكلمة من معنى ..
والدتك هداها الله تقف في صف ابنها و تغدقه بعاطفتها و مالها فما زاده ذلك الا فسادا هداه الله ...
فكان الاوجب ان تضع نفسها في مكان زوجة ابنها او تتخيل ابنتها من ابتليت بمدمن فكيف سيكون حالها انذاك !!!! و كيف ستنظر لمن يقف الى صف ظالم مخطئ ؟؟
اهل زوجة اخيك يتخبطون من هول الكارثة .. و افعالهم ما هي الا حصاد ما زرع اخاك !!!!
جاهدي في اقناعها فالحق اقوى و ان صعب قوله و امتن و ان كثر التافه و السخيف ... و ابقى و ان حاول الباطل زواله .... فلا تخافي و لا تحزني .. توكلي على الله

جزاكي الله كل خيرا علي ردك واهتمامك ربنا يسعدك
كلامك صح انا عارفه ان اخويا ميستاهلهاش ده انا اللي هو اخته من لحمه ودمه والله كرهته وبتمني يبعد عننا وامي للاسف كل ما نقول حاجه علي اخويا تقول انتو وحشين ومش بترضي تسمع لنا لانها بتتعب بسرعة وكلامنا بينرفزها بس بنحاول معاها لان ده الحق ومش مهم اي حد يزعل في سبيل تحقيق الحق بس زوجة اخويا مش عايزه تسيبه عايزه بس تادبه وتكسره عشان يحس بقيمه الحاجات اللي بتضيع منه
الجديد ان ااخويا طلب امي من ساعه كده وقالها انه عايزها تسافر له عشان تحاول تتكلم معاهم ويشوفو هيوصلو لايه وهي بالفعل لبت رغبته في ثانيه وفي الطريق له حاليا ربنا يسترها معاها ومع جميع المسلمين

نسيت اذكر ان اخي لم يعود مدمن كسابقا بس شرب مرتين وده اول الطريق انه يرجع لادمانه
وخد خطوه جدية لما حس ان الموضوع هينتهي وقدم علي شغل وهيشتغل من بكره باذن الله وماما رايحة تتكلم معاهم علي هذا الاساس

اختي الكريمة .... اكرر احترامي لك و اعجابي بشخصك الكريم ...

نسأل الله عز و جل الصلاح لاخيك و أهلك اجميعين و ان يجمع شمل اسرته في خير و رضى رب عظيم ... اللهم امين

احرصي على توصية والدتك الكريمة ان لا تنفعل و لا تقف في صف دون اخر ... و ان تجعل رضى الله نصب عينيها اولا ثم مصلحة الاسرة و عدم تفككها ثانيا ...

نترقب جديدك ... و الله المستعان