السلام عليكم و رحمة الله ..

كنت باكتب رد على موضوع الغالية بيتا .. الي بعنوان أهله ..
لكن حسيت اني بحاجة لنقاش هذا الامر مع الجميع ..
و ماحبيت ينفهم كلامي اعتراض على موضوع الغالية

لاني مؤيدة لها بس حالتي انا شاذة ..

.
.


لما اهل الزوج .. يكونوا عارفين عيوب ولدهم و البير و غطاه ..
و عارفين انه بدون فلوس و لا وظيفة و لا ايجار بيته ..
و انه زوجته شايلة كل شي .. و شايلة الاولاد و الشغالة ..

.
.

و الزوجة تروح بيت اهل زوجها عشان تجاملهم و اولادها يتجمعوا باهل ابوهم
مرة اسبوعيا ..

و كل مرة اهل زوجها يدقوا ولدهم بالكلام قدامها ..
اذبح لنا خروف و اعزمنا ..

اشتري لنا اكل .. و ولدهم ماعمره ذبح خروف لزوجته و اولاده
و حتى عقيقة اولاده و عيد الحج ما ذبح ..

.
.

و لما مرة قال لهم .. باعمل مفاجأة لزوجتي عشانها وقفت كثير معايا
قالوله انت خروف ..
و قالوله .. لو زوجتك رضيت فهي ماهي متربية .. لازم تراعي ظروفك ؟

.
.

الحل ؟

.
.

مع العلم .. انا اعرف الاصول و الحمد لله مع كل الناس و الاقارب ..
و زوجي يعرف الشي هذا ..

بس هو يقولهم ان شاءالله و يطنشهم و يمشيييي الي براسه ..

و هي كل ما راحت لاهل زوجها .. يدقوا بالكلام ..
و اذا ماراحت يقولولها ليش ما جيتي تغديتي ؟

و ما تبغى تفتح باب على نفسها ..
لانها شايفة كيف سلفتها يعاملوها ..

و زوجها يفهم اهله .. فيتعامل معاهم بطريقته

و هي تسكت ما تتدخل ..

.
.

بس هما يبغوها هي تذبح لهم و تصرف راتبها عليهم ..

لو معاه فلوس و مايقصر بواجبااته تجاه بيته و اولاده ..

الله يحيهم باي وقت ..

.
.

بس كل مرة يدقوا بالكلام ..
اخر شي قالوا و نحن عالسفرة جالسين ..

الي اختشوا ماتوا ..

قمت و
ما اكلت و هما فهموا ..

زوجي قال كلي و طنشي ..
بس ما اعرف اصير مثله ..

.
.
.حتى وقتها قلتله اعزمهم .. و قال مالك دخل ..


.
.

زي كذا ايش الحل ؟

المشكلة هما من النوع الي لو انعطوا وده .. يمسخوها ..

*وجه


لانه بداية الزواج عاملتهم بالاصول و راعيت ..
شفت اشياء كثيرة و مواقف .. و كانت امي تقولي تستاهلي
تعملي حالك ام الفزعات ..

و كنت اقول .. اعطي فرصة يمكن يتعدلوا

أعانكـ الله أخيتي ،،

لدي نقطتين أعلم أنها قد لا تناسب شخصيتكـ

لأنكـ تحبي ان تكوني رائعة

لكن ليس جميع الناس ينفع معهم

التعامل الراقي ،

أولا : خليهم يتكلموا لمين يشبعوااا ..

ثانيا : افهمي ما يرمون له واعملي عكسه

من غير ما تضريهم ،

يعني ماعليك منهم روحي وكولي والعبي

وانبسطي مع الأشخاص اللي ترتاحي

معهم والا الباقي اتقي شرهم

لأن لك هدف عيالهم يتعودوا عليهم ..

وأما تلميحاتهم ارميها ببيتهم قبل لا تطلعي

لا تحملي نفسك سلبيات غيرك

لا زوجك ولا أهله ،،

أهم شئ سويتي اللي عليك ،،

وأعتقد لو يكون بيدك صينية مرة ورى مرة

شئ كافي منك بل كثير

والباقي على ولدهم وهم عارفين

ولدهم زين

آسفة أطلت كثيرا

__________________
*** انشغل بنفسكـ عن الخلق ،،

وانشغل بالله عن نفسكـ ***

نحلة ذكية

لو اودي صينية معايا مرة .. بافتح باب على نفسي ..
يشوفوه اجباري علي و الي مسكتهم عني .. انهم عارفين زوجي مايرضى شي علي ..

ياقلبي هما عارفين ماعنده مرات ريال ..
و يقولوله .. اذبح و اعزمنا و يختاروا الاشياء الغالية ..

ما ابخل عليهم ..

لكن مرة وحدة قالهم باعمل حفلة لزوجتي .. ماسكتووووا ..
حرمتك قليلة اصل لو تدري انه مامعاك فلوس و رضيت ..

و كان بيعملها لي مفاجأة و قالوا لهم تكفي كيكة صغيرة انت و هي
و لازم تقدر ظروفك وووو الخ

قالهم مايكفي متحماة جلوسي بدون وظيفة و ايجار البيت و السيارة و كل شي عليها
ماعجبهم و قالوا طول عمرك تيس تجلس و مامنك امل

.
.

انا اروح ما اكل اصلا ..

.
.

مرة جاملت و جبت عشا من السوق .. عشان امه و ابوه ..
خلال ساعة .. عزموا اولادهم و احفادهم ..

و قالوا روح الطير عازمتكم على عشا من مطعم ..
طيب اذا و زوجي و امه و ابوه بيكلف 200 تقريبا

و هما من غير ما ادري و انا و زوجي في المطعم و اعطي لزوجي الفلوس
و هو داري و ساكت و محرج مني

قال ماتكفي ؟

سالته ليش ؟
طلعوا اتصلوا بالوقت هذا على اولادهم و احفادهم ووو الخ ..

و حتى بعد العشا ..

مايبان ..
يشوفوا انه غصبا عنك ..

.
.

وقتها زوجي قالي تستاهلي ..
ماحد قالك تعزميهم .. و تتصرفي من حالك ..

و انا كنت حابة افرحه

.
.

لو باودي شي معايا .. و جربت وديت مرة معايا شي ..
و برضو يدقوا بالكلام .. انه ايش هذا ؟

مع انه محل فخم للحلويات

.
.

زوجي يبغاني اكل و اقفل اذمي و الي يتكلم يتكلم

.
.

و اهله عارفين اني باروح عشان الاولاد
عشان كذا يرموا كلام بطريقة ذكية .. يعني ياخي استحي على وجهك و اعزمنا
ياخي استحي على وجهك و اذبح لنا .. جالس تاكل و ماعندك احساس .. يالطيف ..
و انا معاه بأأكل ولدي ..

الصراحة قمت ووجهي قلب ..

و قررت ما اروح اي عزيمة لاخوه الي يعزمنا و يسممنا ..

عنده كلام .. يقوله لاخوه لوحدهم
مو قدامي و قدام الاطفال و الكل ..

.
.

زوجي وقتها اول مرة يرد ..

.
.

بس قالي في البيت ليش تزعلي .. الكلام ليا مو لك
و انا غصب عنه حاروح و اكل ..

.
.

بكيفهم هما و ولدهم ..

.
.

بس هما دايما يلمحوا على راتبي و وظيفتي
و انا ما ابخل على بيتي و اولادي ..


عشان كذا يحطوا عينهم على اولادي انهم لابسين ماركات .. و اوديهم مطاعم و ما احرمهم من شي
بس
بحدود طبعا ..
عشان اعود اولادي على تحمل المسئولية و يعرفوا قيمة النعمة و الفلوس ..


بس ماني مسئولة أأكلهم ..

المفترض يقدروا ظروف ولدهم
زي ما يبغوني اقدر و الحمد لله مقدرة حالته

معليه ..
انا وصلت لمرحلة ما اجامل ..

الله يكون بعونك ويهدي اهل زوجك ويبعدشرهم عنك

فعلا حبيبتي حالتك شاذة . الله يعينك ويثبتك

روحي لما يكون وقت الأكل خلص .. العزومة مع الشاي والتحلية ووو تنتهي الجلسة بعد 3 ساعات مثلا .. انتي تغدي ويا زوجك وعيالك بالبيت وروحوا بعد ما يكون مر ساعة أو ساعة ونص وتجلسوا معاهم ساعة وكافي ... قولي لهم لما اكل بره بيتي تتعب معدتي وناظري بعيونهم خل يفهموا .
وبرضه بتسمعي تعليقات وانك تقصدتي ما تروحي عشان توفري عزومتك لكن مرة على مرة بيتعودوا ويسكتوا ..

زوجك عارف طريقتهم وعارف كيف يتعامل معاهم .... ولولا الحلال والحرام ولولا أنها رغبتك كان قطعهم وما دخل لواحد منهم بيت .

وعيالك يكفيهم نص ساعة أو ساعة بالأسبوع .. ما هم هالقدوة الحلوة وللا الصحبة الغانمة حتى تدمجي الأولاد فيهم بزيادة ..

__________________

عليكم السلام ورحمة الله وبركاته
لو الحريم يتصرفون على اساس خوفهم من رب العالمين والمحبة في الله جان ما صارت كل ها لبلاوي
ولوجان مافيه غيرة بين الحريم جان الدنيا بخير
وهم الاخلاق وتربيت البنت لها دور ام اذا جانت الخلاق معد ومهااا الله يعين الطرف الثاني
ابو ريلي طيب وأم ريلي طيبه بس وحده من خواته صارتلي وياه مشكله عودة اهي
عوبه ولسانه طويل امس يت عندي تبي تسلم على ابوه عندنا وجنت جالسة أصب لابو ريلي القهوة
وجلسين اسوالف انا وياه جان تدخل علينا ابو ريلي يحب يمزح معاي
وجان يلوي يدي
جان تقوللي عيب تلعبين مع الشيب قلت هذا عمي وبعدين انا ماتعديت الآدب
وراحت وقالت لا ريلي
وهي خبره ان ريلي غيور مره بس اللي يقهرني اذا صف مع أخته
انا يعيبني الريال الحقاني والعاجل بس ريلي يتعاطف مع أهله
وهذي مشكلتي
انامااحب ان الريال يدخل فى سوالف الحريم
بعض الرياييل يقلقس تحت ريل مرته وتلاتقينها مطلعه لاهله قرون وميننتهم مو مخليتهم بحالهم
وهذا بصراحه مرت اخوي الله لايوفقه سوت اشياء معاناا ماتتسوا
انا ماتحسفت ع ظلمه كثير ماتحسف من تصرفاته معنا وكله جذب والله لم اخوي تزوج عليه ثلاث حريم فرحت فرح لا يوصف ماهو شماته بس احس المراة هي اللي تكسر المراة وتو أدبها
عشان جذيه حبيت ماتصير مع اهل ريلي مشاكل بس المشاكل تأجيج غصب عنج
ابي اقولج شي اذا صرتي زينه مع اهل الريال ماسلمتي من حمواتج
تجيج وحده من حريم الحمى وتخرب عليج
وتقول عنج حجي ماينقال (ورقه يامرقع )
انا افضل العلاقه تكون رسمية وما تطيح الميانه بزياده هذا رائيي
لان حسيت تنفع معاهم انا اسفه على لأخطاء لاني بصراح النفسيه زفت.

__________________

ابلة بيتا ..

لو جلسنا ساعة و مشينا ، يقولوا أكلة و تصريفة ؟؟؟
و لو طولنا ، يبغوني أدخل المطبخ و أغسل لهم صحونهم و بناتهم جالسين و متسدحين

اخر مرة طلبت مني حماتي اطبخ لهم ،،

مو ناقص يعني أغراض و مقاضي بيتي اشتريه أنا عشان أولادي ..
باقي أروح أقضي عشان أأكل ماشاء الله جيوشهم ؟

و حتى لما أروح ، أكل لقمتين مجاملة ..
و زوجي يغرف لي قدامهم كل شوية و يقول لي ( كلي ) و يقدم لي من كل شي ..
أحسه بيقهرهم أكثر .. لإنه ذكي ماشاء الله و يعرف كيف يستغبي ..

.
.

و لو ما رحت ، يسألوا كلهم ( ليش ما جات ؟ )
( كنتي جيتي و تغديتي عالأقل )

و لما أروح و أكل ، يقولوا لي ( المرة الجاية عليك يا روح الطير تشتري لنا كذا و كذا و كذا )
و أنا ابتسم و أطنش ..

كل مرة يسمموني ،،

و لما يكلموا ولدهم ، و هو يطنشهم و لا كأنه يسمممممع و يقهرهم أكثر و ياكل و يأكل أولاده و يغرف لي
يقولوا له ( اللي اختشوا ماتوا ) و هو جالس عالسفرة ..

.
.

ماسكة حالي عشان ما أرد و أغلط ..

معناها لازم تتعلمي فن التطنيش روح حبيبتي مافي احد يستاهل انك تحرقي دمك وتزعلي عشانه حاولي انك تقتنعي بكده والله بيرتاح بالك ونفسيتك تتحسن >>>> عن تجربه

ربي يكفيك شرهم ويحفظلك اولادك وابوهم

__________________




سبحان الله وبحمده ♥
سبحان الله العظيم ♡
♥♡♥♡♥

لا ادري ليه كل هذه المجاملات والقلوب مليانة
انا لو منك لا اذهب اليهم وقت الغذاء ولو كانت عزومة .. اعتذري قوليلهم قررت ان لا اكل برا بيتي الا في المطاعم هههه
واذهبوا اليهم بعد الغذاء واكتفوا بشرب القهوة او الشاي
مع اناس مثلهم اكيد سيعلقون ويعلقون حتى في جلسة قهوة
الله يعينك حبيبتي عليهم وعلى استفزازاتهم و الله صحيح الي اختشوا ماتوا

اختي روح حتى انا كتبت رد تاني طويل في موضوع الحبيبة بيتا ثم مسحته قلت في نفسي بالاها اشبك موضوعها اكثر خليها توصل فكرتها الطيبة للزوجات حديثي الزواج وللمقبلات على الزواج ..اما انا الشايبة في الزواج يبغيلي موضوع ثاني مستقل عن اهله


انا زوجي غريب نوعا ما .. اجده قمة في الايثار ..مثلا يشتري جاكيت باهظة الثمن يلبسها يوم ويقول لي ساعطيها لاخي الفلاني اندهش انا فبعد اصراري الكبير عليه ان يشتري جاكيت جديدة يشتريها ثم يهديها وفعلا يهديها ويرجع لملابسه القديمة ومركزه يحتم عليه ان يكون بمظهر لائق .. واطلب منه ان يشتري ثانية وطبعا يرفض يقول تبذبر واكتفي بان اقول في قلبي ان زوجي قمة في الايثار ... واجده يمسك بيد زوجة اخيه ويمشي معها في رواق البيت وهي تتوجع من الام المخاض يصبرها ويواسيها بينما اخوه اسرع ليحضر السيارة عند الباب لياخذها للمستشفى وبالمقابل اجده معي بارد وجاف وانا اتوجع من الام المخاض يقول لي اطبخي للعشاء واخذك للمستشفى وان رفضت الطبخ يقول لي نامي وكفاكي تمثيلا وطبعا انتهى بي المطاف ان ولدت في السيارة ... لا استطيع تفسير مواقفه الراقية مع اهله ومواقفه الدنيئة معي
وانا في قمة وجعي وانهياري وضعفي يا اما هو غير موجود غائب في عمله يا اما انه هنا وتكون مواقفه معي سلبية يا ينكت يا يضحك وانا في قمة حاجتي اليه
اجريت عملية استئصال للغدة الدرقية كنت منهارة تماما وكنت ابكي اقول ساشرب دواء لمدى الحياة وان لم يتقر جسمي بجرعة الدواء ساسقط في بؤرة المرض المزمن ..ااثار جرح العملية في رقبتي لم لتقبل كيف سيكون يا ترى
ولما جاءني بعد العملية في الصباح وهو يحمل جريدة بيده قال لي اتدري ما كتبوا في الجريدة نهار اليوم وجدوا امراة في الحي الفلاني اي حينا امراة مذبوحة من رقبتها من الوريد الى الوريد انا لم افهمه لكنه ضحك وقال انهم ذكروا اسمها فلانة بنت فلان وكان قد ذكر اسمي ...وبعد شهور قليلة اجده يتقلب في الفراش لم يستطع النوم ويقول لي بصريح العبارة اختي فلانة الحامل قال لها الطبيب ضغطك مرتفع قليلا ويمطرني بوابل من الاسئلة عن المراة الحامل وانا قد ولدت له 04 ابناء واليوم يسال عن المراة الحامل وكاني لم احمل مرة منه وكانه لا يعلم شيئا عن الحمل وعن المراة الحامل
ترى الزوج لماذا يكون دنىء مع زوجته في كل المواقف الصعبة التي تحتاج وجوده معها بقوة و يريدها ان تكون ملاكا مع اهله ولماذا ان انتفضت ودافعت عن حقوقها وحقوق اولادها التي يريد اهله اهدارها يراها شيطاناااااااااا

روح .. اسفة ..
بس ناس مقرفة بكل وضوح ..
الله يعينك والله لايبلي احد بمثلهم يارب ..
شجع .. وطمع .. ووقاحة ..؟؟؟؟
وش اللي اختشو ماتو ؟؟؟؟
مايعرفو كلمة عيب ؟؟
ذوق ؟؟
اخلاق ؟؟
معاملة حسنة ؟؟
وش يعرفووووووووووووون ؟؟؟؟؟؟؟؟؟؟؟؟؟؟؟؟
ياكلو بس
مبطونين ؟؟؟؟؟
اللهم عافنا مما ابتلاهم وفضلنا عليهم تفضيلا
بس يارب سامحني حسيت بقرف والله من اسلوبهم
وخاصة لما ماصدقو واتصلو علي اخوانهم بالمطعم
موووووووووووووووقف لاتحسدي علية

__________________
[ ]