السلام عليكم ورحمة الله ..
زوجي وصديقه ..
أبخش بالموضوع على طووووووووول ..
أنا أكرهـ صديق زوجي في الله ..
مو كذا فجأة كرهته .. من رسايله السخيفة لزوجي سواء بالايميل او الجوال ..
ولا أخفيكم زوجي يحبه .. حب طبيعي .. صديق لصديقه .. أما هذاك عليه حركات ما ادري وش تبي ..
مرة دخلت الفيس بوك ولقيت زوجي مضيفه عنده .. قلت خلني أشوفه .. صراحة ما توقعت ألقى اللي شفته ..
شفته هو مع بناااااااات لابسات لبس قليل أدب .. هو مسافر للدراسة برا .. وما تزوج .. ومصور نفسه مع هالبنات اللي يهدييييه يارب ..
صراحة انصدمت من هالصور .. خاصة ان زوجي أكيد يقدر يشوفها .. انا أعرف انه مو ذاك الدين .. لكن مو لهذي الدرجة .. الله يصلحه يارب ويكفينا شره ويزوجه عاجلا غير آجلا ويفكنا من شره ..

طبعا انا افتكيت منه فترة دراسته برا .. لكن خلصت وهذا هو رجع ..

مرة قريت بالصدفة .. والله مو أدور انا على شي .. بس فجأة تطيح عيني على ايميلاته السخيفة .. كاتب كلام عادي بعدين بالاخير كاتب .. (أبغى أكلمك .. أحتاجك) بعدين حاط قلب وشفايف ..
ويييييييييييييين .. وين عايشين حنا ..

أنا ما قلت لزوجي شي .. بس يدري اني أكرهه ..
وما يتصل على زوجي الا اذا طلعنا نتمشى او شي .. حتى يقول متى ترجعون .. ؟؟ << يقهر صح

والله انا اغلي من جواااا ..

المشكلة هم جيران أهله .. وكل يوم شايفين بعض ..اوف ..
ابغى حل تكفون ..؟؟
أي حل .. أكيد الحل من طرف زوجي .. بس كيف أبدا معه ..
انا دايم اقول لزوجي .. من زمان وانتم اصدقاء ما اثرت عليه بالدين ولا شي .. الله يصلحهم ويهديهم ..

لا إله الا الله ..
اانتظركم ..

__________________

عليكم السلام ........

يحق لك تكرهينه ويحق لك بعد تخافين على زوجك منه

مع بنات ولبس قليل ادب .. وشنو احتاجك

وفي نفس الوقت مافي بيدك شي لانه زوجك يحبه

حاولي تدعين ربك انه زوجك مايتأثر فيه ويبعده عنه

والله يوفقك

اهلين اختي
شوفي انا معاكي انه شي يضايق
بس ايضا لاحظي انتي ماذكرتي اي تغير سيء ظهر على زوجك
وبالتالي ليس هناك مدخل تستطيعي من خلاله الدخول لزوجك ومناقشة ابتعاده عن صديقه وخصوا انه مقرب اليه

انا اعرف انك تخافي على زوجك من الفتنة او التاثر باخلاق صديقه
ولكن ارجو التصرف بحكمة حتى لا يصل زوجك لمرحلة العناد
وينقلب الموضوع خلاف بينك وبينك
من حقك ان تتكلمي طالما هناك اي تغير طرا على زوجك
اما غير ذلك
فتحدثي بهدوء وبدون عصبية
ومجرد نصائح ليس اكثر

أول شيء الله يوفقك

ثاني شيء إنتي ماشاءالله عليكي أحسنتي التصرف . . بارك الله فيكي
لأنك صبرتي وما انفجرتي قدامه

شوفي بما إني رجُل
أحب أقولك إنه
الرجال يحبوا الهدوء . . ويحبوا النقاش الهاديء . .
وإنتي في الطريق السليم إن شاءالله . .


بالنسبة لزوجك فهو يحتاج مساعدتك . . يحتاج وقفتك معاه تجاه هذا الزمان
وأصدقاء هذا الزمان . .
هو الآن بين طريقين . إما طريق البيت والزوجة والاستقرار وطاعة الله بالحلال
وإما ( لاسمح الله ) الإنجراف مع هذا الصديق . .

سؤال : هل زوجك سريع التأثر بهذا الصديق ؟؟ محب لشخصيته ؟ محب لأفكاره ؟
دايمًا معاه ؟ دايمًا يذكره ؟؟؟

إذا كانت الإجابة نعم ؟؟

يعني إنتي لازم تزيديه حنان ودلال وسعادة . .
حسسيه إنه السعادة في طاعة الله بالحلال وفي البيت . .

واهتمي فيه اكثر . .

وبيني له اهمية اختيار الصديق الصالح
وبيني له إنك خايفة عليه . . وتهمك مصلحته . .

اتوقع انك مالك شغل بصديق زوجك..مدام علاقتك بزوجك ما تأثرت

وعليك بزوجك غيره لاتفكرين.

والافضل انك ما تتدخلين على ايميلات زوجك من غير اذن( طبع البنات)

عندنا وعندك خير <<إلا شر اعوذ بالله ..
انا تعدت الحدود وعزم زوجي على مرقص ويقول والله لا أخربك على زوجتك ..تخيلتي !!
ودايم يقول لزوجي اكيد زوجتك تكرهني !!
حسبي الله عليه من اليوم ليوم الدين ..والله كل ما افتكره ادعي عليه ..
زوجي يطمني انه ما بيأثر عليه وانه درس معاه 5 سنوات في الجامعة ولا تأثر منه ..
بس انا اخاف لأن المرء على دين خليله ..
الله يعيني واياك ويفكنا شر اصحاب السوء..

__________________

شكرا لكم ولردودكم الجميلة ..
لكن انا ما راح انتظر الشر اذا صار رحت وصلحته ما ينفع ..
بعدين أنا ما رحت وبحثت في جوال أو ايميل زوجي .. مرة فتحت كمبيوتره احتجته وكمبيوتري مو عندي .. وكان مفتوح على الايميلات .. وشفت رسالته .. والحمدلله مو طبعي اني ادور وافتش ..
وانا ما راح اثور ولا أعصب .. بس ما ادري كيف راح اناقشه ..
بما ان صديقه في نفس الحارة .. ويشوفه اكثر من مرة باليوم .. فاحس انه صعبه .. ما فيه حل الا يتزوج ويفكنا من شره ..
انتظركم ..

__________________

كان الله في عونك
لي عودة ان شاء الله

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

جزاك الله خير ..
..
انتظركم ..

__________________

الله يكفيكم شره اكثرله من الدعاء بالليل انو الله يبعد عنه الرفقه السيئه
واتوكلي ع الله.,
موفقه اختي.

__________________

~حُلمي يُجاورُ سَعادتِي
وَسعادتي قُربَكَ ربي فَ ارزقنِي قُرْبكْ لِأسعدَ بِحُلمي.؛