السلام عليكم ورحمة الله وبركاته

اتمنى لكم دوام الصحة والعافية

عقل واحد وتفكير واحد ماينفع للتغير فكرت اشارككم همي لعلي اجد عند بعضكم ما ابحث عنه

همي هو سلوك خاطئ في تصرفات زوجي العزيز .
وسأذكر اخر ماحصل حتى تلهموني الصواب لا اريد ان اظلم زوجي ولا اريد ان اظلم نفسي واريد ان اتصرف بحمكة وعقل لا بالعواطف .

زوجي مسافر الان وقبل سفره في يوم حبيت انو اخليه مرتاحه قد ما اقدر عشان هو اذا عنده سفر دائم يتوتر ويجهد نفسه وفعلا جهزت شنطته واغراضه ومانسيت ولا شي سويت العشاء بدري عشان ينام بدري وتم ذالك بنجاح وكنت حريصه على ان تكون علاقتنا اقرب لبعض بس كنت من غير شعور كل شوي احسسه اني راح افقده . يوم السفر برضو كان كل شي مرتب له في الصباح افطرنا وكل شي تمام بعد الفطور حب يأخذ شور قبل مايطلع من البيت وقالي ممكن تاخذين الدفاية (( اللي تستخدم في الشتاء لتدفئة المكان )) وديها في الغرفه الثانيه انا رديت عليه وكنت ابي مصلحته قلت الغرفه الثانيه كبيره وعشان تدفئ بشكل جيد يبيلها ساعتين اذا خلصت شور تعال هنا الغرفه دافيه من امس الدفايه فيها قال مشوار من الشور للغرفه اللي فيها الدفايه قلت انا افضل من انك تدخل غرفه بارده بعدين انشغلنا في شي ثاني وانا نسيت الموضوع
راح هو يكلم واحد من اصحابو وانا انشغلت في البيت بعد نصف ساعه رجع للغرفه انا كلمته بشكل طبيعي مارد علي وانا استغربت ليش يتعامل معي كذا سئلته في شي مارد وراح للدفايه ةسحبها بقوة وجلس يعلي صوتو انا سكت ومارديت ولا كلمه ما احب احكي معه في وقت مايعصب عشان اتحشى يصير شي ممكن يخرب علاقتنا هو راح ياخذ شور و انا انشغلت في البيت وبعد ماجهز نفسه اخذ الشنطه وجابها عند باب الخروج انا اتذكرت اني نسيت شي هو قالي عليه سكت وطلع هو يسلم على اهله انا اخذت اللي قالي عليه وحطيته في الشنطة ورجعت للبيت عشان بتركه واروح عند اهلي رجع هو انا قلت في نفسي روحي راضيه عشان مايطلع زعلان مع انو انا ماسويت شي قلت وجهة نظري انا توقعت انو اقتنع بكلامي ماكنت عارفه انو ماعجبه انو ليش ماوضح انو لا مااقتنعت بكلامك سوي كذا وانا بسوي المهم رحت ناديت عليه مع ابتسامه قالي روحي ومدري ايش اذا عصب ما افهم ولا كلمة يقولها انا قلت اوكي اذا مو حاب يشوفني براحته وطلعت وعيوني دمووع ما اشوف شي ورحت لغرفه فاضيه وبكيت عشان بنتي ماتشوفني وكنت منزله راسي دخل هو ماادري ايش سوى في الغرفه وطلع يعني شافني انا مره ماعجبتني طريقته مسحت دموعي ورحت لبنتي البسها عشان تودع ابوها وانا البس البنت دخل يصارخ ويقول طبعا ماحطيتي الشي اللي قالي عليه انا طالعت ورديت ببرود قلت لا بتلاقيه جوا في الشنطة راح ودع بنته وطلع وانا اخنقتني العبره وقلت في نفسي طيب وانا ليش ايش سويت عشان يستاهل انك تطلع وانت بتسافر اكثر من 10 ايام و ماتكلف على نفسك تودعني حسيت بداخلي شي انكسر مهما صار بيننا ماتوصل لكذا شوي رجع وهو يصارخ يقول قهر قهر ويطالع فيني انا من القهر صديت شوي هو لمسني او لالا يمكن مالمسني حتى وراح وما قال ولا شي غير انو يصارخ مدري ايش يقصد في الحركه يعني بتفهمني انو هذا وداع ليتك ماجيت افضل تصارخ وتعبر عن شعورك انو ماودك بس مجبور انك تودعني وطلع
انا بعد ساعه قلت ما اقدر كذا يطلع ويسافر واحنا زعلانيين من بعض دقيت مارد ارسلت مارد عبرت عن مشاعري مارد دقيت ورد قال ايش تبغين انا مواضي وكلام كثير وقفل السماعه انا هنا حسيت انو خلاص وصلنا الطريق مسدووود انا في عالم وزوجي في عالم انا حساسه هو بس يجرح انا اراضي وهو يزعل انا اتنازل هو يشوف نفسه الى متى بنفضل كذا ما عاد عندي صبر فاض فيني ماعاد عندي امل انو يتغير تنازلت كثير بس في شي غلط قلت لازم اغير من اسلوبي معاه عشان يحس هو عارف اني احبه ومتأكد انو ما اقدر انام وهو زعلان علي احس انو يعتبرني ورقه يشكلها مثل مايبغى رديت عليه برسالة بعد المكالمة قلت
انت مو فاضي لمشاعري والمي وانا وحيده في البيت ابكي على الم فراقنا خلاص وعد مابدق عليك ولا ارسلك شي واذا دقيت مابرد واعتذر على هذا التصرف وانا راح اطبق الكلام اللي كتبته بس محتاجه احد يدعمني بفكرتي انا صح او غلط ابيه يحس انو جرحني واني اتألم ابيه يحس انو تصرفاته كل مالها تبعدنا عن بعض اكثر

إللي زاد زعل زوجك توتره قبل السفر ..
إنت إتركيه يومين لما يهدى .. و بعدين إتصلي به و هدي الامر .. و خليه عادي
و متى ما رجع من السفر جهزي البيت بشغلات حلوة .. و أكل طيب ..
و تزين الحياة ..
الله يرجع لك زوجك بالسلامة عما قريب ؛

أم داليا
اسعدتني مشاركتك جدا

انا حتركو بس مو يومين لا كل ايام سفرو لانو هو اللي مايبيني و مو فاضيلي وانا قلتله اني ماحكلمك وماحرد دايم
اقول كلام واتراجع عنه ودي في هل مره ما اتراجع عن كلامي
انا فكرتي مو تأديب او ما شابه بس ابيه يحس مثل ما احس انا ابي اخذ موقف جدي عشان يعرف في المستقبل كيف يكون اكثر تحكم في عصبيته
واذا رجع اكيد حيلاقي اللي راح يبسطو مهما صار ما احب اقصر في واجباتي


بس كيف اتصرف اذا رجع يعني كيف حتكون علاقتنا وانا زعلانه كيف اتنازل اذا هو ما اعتذر ...الخ

ما احب يمر يوم وننام واحنا متزاعلين بس والله اسلوبه اجبرني اكون قاسيه

لاتكوني حساسه يا اختي مدام تمشي مشيها نصيحه لوجه الله ترا الرجال اذا عند عند عنااااااده نكبه

__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو

خلاص حبيبتي فكرتك حلوة خليه يحن ويشتاق لك ..
انسيه كلما حسيتي نفسك فاضيه افتحي اللاب توب بتلاقين اللي يعجبك ..
ترى فيك كثير مني بس اللحين تغيرت ولله الحمد ..
يعني تأنيب الضمير وما احبه زعلان وهو مايقدر هالشيء فصرت اسفهه والحمدلله النتايج مقبوله على الاقل انصفت نفسي مو بس انا اللي احاتي زعله ومع الايام بتتعودين ..
انشغلي بكل مايفيدك انسيه وعيشي حياتك مع بنتك الله يحفظها لك ..
وحتى زوجي مثل زوجك يضيق على اتفه الاسباب بس صرت اطنش اذا ينسى كل شيء زين ويذكر اللي نسيته يصطفل مع حاله ..
يعني بصراحه تعب تعب بالنهايه شيء بسيط يخرب كل شيء ..
خليه ان شاء الله يفكر ويصحى على حاله ..
والبرود فعلاقته معك انت السبب لأنك ماتعطيه مساحه لحتى يشتاق ويعبر ياعمري كله تبادرين وتحاتينين ..
انسيه واصبــري وربي معك يالغاليه ..
الله يسخره لك ويحنن قلبه ..

نعوذ بالله من خراب بيوت البشر
يا اختي الي ينطبق على زوجك ماينطبق على غيره
بلاش تشبين النار وتكونين سبب لخراب بيوت عمرانه
لاحول ولا قوة الا بالله
فعلا قل خيرا او اصمت

__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو

السلام عليكم

اختي، لا تكدري نفسك، مشكلة زوجك في شي ثاني تماما، زوجك عنده مشكلة في التعبير عن مشاعره، يغضب بسرعة و لما يغضب يقول كلام غلط، و لما يقول كلام غلط يصير اسير مواقفه و ما يقدر يتراجع مع انه يبي يتراجع. الوصف الدقيق لحركته قبل السفر يوضح الكثير عن شخصيته.

أنتي شكلك انسانه رقيقه جدا و ما عندك تحكم في عواطفك، يعني تحاولي بسرعة تحلي المشكلة، لانك ما تبي الزعل يطول..... و من سرعة تصرفك (وحسن نيتك) تخربي الامور اكثر.

نصيحتي لك اختي انك تهدي من اعصابك و تتبعي اسلوب مختلف تماما عشان تفهمي زوجك الله يحفظه كيف يتعامل معك ........ لا تنسي ان ولدك على ما تربيه و زوجك على ما تعوديه .......... و حضرتك عودتي ابو العيال على اسلوب غلط في التعامل معك، و الحين لازم تعوديه على الاسلوب الصح......... بدون مواجهات.

ما ابا اكثر عليك الكلام ......... الله يوفقك.

ما اعرف اضحك على نفسي ومشاعري ما اعرف اعيش كذا على امل انو في يوم يتغير صعب اطنش مو اسلوبي لانو لو طنشت راح اطنش بجد وما ارجع
مافي برود بعلاقتنا نهائيا الحمدلله بس مشكلته العصبية صراحة احيانا اخاف من عصبيته
انا هنا ما ابيه يشتاق انا عارفه ومتأكده انو مو مرتاح بس ليش يكابر ليش يحتري انا ابادر
ابيه يحاول يسوي كنترول على عصبيته

مشيت كثير بس كلو كان على حساب نفسيتي ودراستي الى متى بنتظر انا ابيه يفهم انو في غلط والغلط بعصبيته
انا ماراح اكون عنيده بالعكس راح اتعامل هالمره معه بطريقه مختلفه وبحاول يكون لي خط رجعه فيما لو ماا ضبط معي الموضوع

كيف بدون مواجه ايش الطريقه الافضل في التعامل