انا رجل متزوج جديد , وما عندنا اطفال , تقريبا نفس وضعك انت وزوجك , وحتكلم من وجهة نظري

اولا , ردك عليه لما قلتي " خلاص تعال مع انه فالينها مع والبنات " هذا الرد خاطئ , ليش ؟ هذا يعطيه انطباع انك ناسيته وما اهتميتي له , تلاقي الرجال منتظر اتصالك من اول عشان تقولي له خلاص تعال خذني , ولما بادر هو واتصل يسمع منك هذا الرد , انا لو مكانه بزعل صراحة , لاني بحس ان زوجتي مو حاسة بالمسؤولية , حتى لو مرة وحدة سويتيها , المفروض حركة زي كذا ما تطلع منك , خلاص انتي متزوجة وعندك زوج مسؤولة عنه ومسؤول عنك .

الخطأ الثاني : انك رحتي مع اخوك بدون علمه , هذا اكبر خطأ , ضروري جدا تعطيه خبر متى ما بتروحي او تطلعي اي مكان مع اي احد , حتى لو ابوك , اذا كان حتى الصدقة ما يجوز تتصدقي الا بإذنه .

ونومك خارج بيتك وزوجك زعلان منك , هذه لحالة مشكلة . ما اتخيل تصير معي , والله انام وانا مقهور وثاني يوم حكون مجهز رد شديد اللهجة , ما الومه لما تكلم عليك ورفع صوته , تلاقيه مقهور من ليلة امس , انه نام وهو زعلان ومقهور منك , وهذا يفسر انه قالك العزوبية احسن لي .

اكبر غلطة سويتيها : لما قلتي " منت مجبور بتصل على اخوي ياخذني " , هذا غلط كبير جدا , هذا يعطيه انطباع انك مو مهتمة له , وما يهمك قعدتي معه ولا لا ,, ما بيحس بالامان في بيته , وزوجته في اي وقت ممكن تسيبه ومو هامها . ما اتخيل الكلمة هذه تطلع من زوجتي , صراحة بأحس بالاهانة , انه عايش مع وحده ممكن تتركني ولا همها .

انا مو قصدي احط اللوم عليك , بس هذه اخطائك اللي عملتيها ولازم تعدلي من نفسك وتبيني الاهتمام لزوجك , فيه خطوط حمرا لا تتعديها , وغالبا اللي تمس كرامة الرجل , ترا الرجال اعز ما عليه كرامته , ممكن يخرب بيته بس عشان ما تمسي كرامته , وهنا المفروض تجي الحكمة والعقل , الواحد يقدم تنازلات حتى لو على حساب كرامته عشان تمشي الحياة , زوجك حساس على ما يبدو وضروري تداريه وتاخذي بخاطره .

الله يوفقكم

الأغلب انه زوجك حساس ومايحب يجيه احساس انه انتي تنبسطين اكثر مع غيره.

الحل في نظري, انه لما يصير مثل هذا الزعل, تحسسينه انك محتاجه له, ومثلا تقولي انا اشتقت لك كثير أمس..الخ. وبعدين هو يبيح بزعله وينتقدك بعدين تتأسفين له ويطلع لك سمن على عسل.

اجلسي معه وشوفي وش مضيقه ضدر بالضبط اتوقع في خاطره شئ غير موضوع نومك عند اهلك

بالعادة زوجي يحط الفكة الباقية من المصروف على المدخل .. كان دايم في ميات وخمسينات وعشرات .. اليوم الصباح شفت عشرين ريال بس كل اللي باقي معه وباقي أسبوعين على الراتب .. ضاق صدري عليه .. ماتكلم وماأبيه يحرج نفسه مع أحد يمكن يعطيه ويمكن لا .. وهو اللي متدين ألف ريال بعد ماأعطى امه باقي الراتب عشان يمشيني في اسبوع الاجازة ومايحسسني بنقص .. وقتها لمت نفسي كيف أقدر أشوف زوجي كذا وماأساعده لو بشيء رمزي بدون ماأجرحه .. جات في بالي فكرة أحط بطاقتي الصراف في منديل واحطها بدرج السيارة .. وفعلا حطيتها بدون مايحس وارسلت له أخبره عن مكانها وقلت له يسحب اللي يبي .. ويشهد الله ماأبي منه شيء بس لوجه الله .. المهم هو قرأ الرسالة ومارد علي ..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

😳ما احس تصرفك كويس

__________________

مدري يامسز .. وربي ماأبي من هالشيء إلا وجه ربي .. ليش يحتاج والحمدلله ربي منعم علي .. أعطي الغريب وأساعد المحتاج وهو ماأساعده .. عشان إيش!! عشان دنيا !! لا والله مافي شيء يستاهل.. والواحد يعمل بأصله وأخلاقه في النهاية..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

بس انت مفروض تتفاهمي معاه على سوء الفهم
مو سالفة الواحد يعمل بأصله و أخلاقه. ما حبيتها منك. يعني انا أقولك اعملي شي خارج الأصول و التربية!!
يعني هو زوجك ما يزعل من حركتك ذي. كأنك تراضيه بالفلوس
اعطيه ما قلنا شي. بس حسيتها كأنها صدقة بهذه الطريقة

__________________

المشكلة يامسز كل واحد منا ماخذ فكرة عن الثاني ومثل ماأنا بديت أشك في حبه لي يمكن هو بدأ يفقد الثقة في حبي له .. المسألة مسألة ثقة مو أكثر .. وبالنسبة لفهمه باني اراضيه بالفلوس لا ماأعتقد لان ببساطة ماقدمت له المساعدة إلا وانا متاكدة إنه يحتاجها مو مسألة اراضيه او صدقة .. لأن في المشاكل السابقة مافكرت اقدم له فلوس لانه ماكان محتاج وهالشيء يثبت له قبل يثبت لي إن القصد من الفلوس أبدا مو ترضية له..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

حط لي البطاقة على درج السيارة من جهتي بدون مايقول شيء .. طبعا ماسحب شيء..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

تصرفك خاطئ جداا
كذا بيحس انك تراضيه بفلوس وهذي اهانه للرجال

__________________