الحمدلله تتذكرون قصتي مع زوجتي والخلاف المادي وكثرة الطلبات وخروجها للسفر لأهلها ثم قدمت لها هدية رجعت ثم عادت المشاكل ثم هدينا
قبل أمس طلبت اوديها مرة ثانية للمشغل وديتها قلت لها 100 ثم لما اتفقنا وخرجت قالت ترجعين بكرة اكمل وطلبت زيادة رغم اتفاقنا
دفعت بعد هوشه
ثم أرسلت لها بالواتس نصائح وانه احنا اتفقنا على حد المصروف الشهري
ثم قالت لي ترى انا ما قرأت اللي أرسلت رمحيه راسي منك وبسوي لك حظر !!!!
وانا لك أسي باي كلمة
ثم تصالحا بعد كم يوم

واليوم عادت المشكلة رحت شريت ذبيحة من برى مفاجأة بالراتبين وصورت لها وانا بالمسلخ
وكعادتي وديت كامل الذبيحة لبيت أمي كونها توزع وتقطع وبالتساوي حتى في الأعياد ورمضان
الشربة كاملة تسويها مي لما مريحتنا
لما وصلت البيت شفت وجهها متغير لما قلت وديتها لامي
قالت انا ابي الكبدة كاملة قلت أجيبها ما فيه مشكلة
رحت صليت ولما جيت بنام غفوة قالت جيب لنا من اللحم الزين مو تختار اللي مو كويس
انا خلاص طقيت قلت لها وش تبين انت
انت نفسك تعرفين أمي منها في حالها ويشهد الله الحي الذي لايموت على ذلك فامي انا أكرمها وأكرم أهلي كلهم وراح أجيب لك انت تختارين اللي تبين بلاش تهم
قلت لها حدك هنا ورحت لبيت أمي وقلت لامي بأخذ اللحم واحنا نوزعه وسنريحه أمي على نياتها قالت الله يريحكم عادي وديته لها ووزعته وأخذت اللي تبين وأعطت الاهلي والجيران
ثم لما صارحتها ليش تسوية كذا ليش تصغريني وتكسرين كلمتي
قالت انا ابي ذبيحة لي لحالي مولاهلك
الذبيحة كبيرة وأهلي ما فيه موظف وعلى قد حالهم
وأمي انت تعرفينها ما تدقق قالت انا اعرف خالتي مو القصد بس انا ابي لحالي
وهوشه وقلت انت تبين العناد كما العادة
ثم قالت
انا اتصنع المشاكل عشان ابي اولاد
هنا الدنيا ضاقت فيني
طيب انا كنت صريح من اول يوم لي في اعلاج وطلع معاي الضعف اجتمعت معك وقلت لك انا عندي ضعف مو عقم واتعالج والعلاج يطول والمشكلة انه بعض العلاج يجيب تأثير سلبي مو ذنبي ولاذنبك
انت كنت تقولي انا راضية وذا ابتلاء لنا الاثنين وش اللي تغير
طلعت ونادتني قلت لها خلاص اللي بيننا انتهى


انا خلاص ما احب تنظر لي بعطف ولا اترجى احد


طلعت كل لمشاكل لهذا السبب

من حقها بس كمان تكؤن صريحة ونتفارق بدل الهواش على الفاضي

الحين قلت لها يومين لم اغراضك وبوديك لأهلك

لا وتساليني يعني قررت


يعني وش تتوقع مني


تروح تشوف حالها الله يرزقها بخير مني مال وأولاد واللي تبي

وانا اجد من يرضى فيني بما فيني وربي يرزقني كذلك وان لم يكتب لي اولاد
فأنا راضي


مع العلم انه يوجد حيوانات منوية بس هنال قلة بالعدد والحركة تعالجت ولكن التحسن بطى
والزواج له 3 سنوات



رأيكم


انا تعبت
تم تعديل العنوان ليتناسب مع المضمون