من وجهة نظري اشوف المسألة عاديه بما ان اصغرهم عمرها 10 سنوات

اكيد لهفتهم للأطفال كبيره جدا شوفي انا و اخواتي اصغرنا 19 سنه و ولد اختي عمره سنتين و نص

و الله نحبه مووت و اوقات نروح ناخذه من بيت اختي ونخليه عندنا كم ساعه و نرجعه ..

هذا شي و الشي الثاني اذا كنتي خايفه من مسالة الأغاني فخذيها مني اذا مره وحده

حصل و حطت السماعات في اذنها ما اتوقع ان هذي المره راح تأثر و تخلي البنت تحب الأغاني اذا كبرت

و اسالي اي وحده اخصائيه في امور الاطفال حتى التلفاز بالنسبه للبرامج و افلام الكرتون

الطفل في عمر السنه ما راح يستوعب ان هذا الشي مكرر الا اذا تابعه 16 او 18 مره متواصله

و الاصوات اللي يسمعها ما يفرق اذا هذي اغاني او اناشيد عندك ولد اختي عمره سنتين

اوقات في رمضان لما تتعالى الاصوات بالنراويح في المساجد يجلس يصيح معهم يحسبهم ينشدو

فصرنا نقول له عيب هذا قرآن لما نسمعه لازم ما نصيح و نسكت و صار يستوعب

اما من ناحية التعلق : اختي تزوجت و باقي لها سنتين و تخلص الجامعه و خلفت اثناء الدراسه

كانت تخلي ولدها عند اهل زوجها فوق من الصبح للظهر لحد ما تخرجت و ولدها الآن ما تصدقي انه ما يجلس عندهم

اكثر من ساعه يعني ما يتعلق الطفل الا اذا يجلس فترات طويله مثل الجلوس مع الشغاله

اما انها تروح لهم 4 او 5 ساعات ما توصل لدرجة التعلق

و في الأخير الخيار لك لو مو حابه تودي بنتك لاحد فهذي حريه شخصيه