كيفكم يا احبابي ويا اغلى الغالين ع قلبي
اشتقت لكم كثير قبل فترة كتبت موضوع عن كتاكيتي ومدري وين انتقل واعتذر من الادارة الغالين ع الازعاج
طبعا زي ماوعدتكم راح اهتم بحملي واطنش العالم وفعلا هذا لي صار
طول فترة وحمي وانا عند اهلي تقريبا ثلاث شهور وجيت قعدت مع زوجي اسبوع ورديت بيت اهلي مرة ثانيه ..وبعد جلست شهرين ورجعت لزوجي قلت ابجلس معه اسبوع وبعد كذا بستقر عند اهلي لين وقت ولادتي ان شاء الله ..كنت مره مشتاقه له وسبحان الله حركات ركل عيالي زادت بشوفته وكانهم فرحانين فيه
لقيت الرجال نحف نحف غريب وجهه اصغر وماعجبني حاله حتى موده كان مش تمام وراسه صدع من اول ماجيت !! استقبال بارد عقب شهرين غياب
دائما مثل ماتعرفون اني انصدم بالاخير سالته شفيك قال ولا شي حسيته يجاملني بس شوق لي مافي
ماحاول يقرب مني مره وطبعا وضعي مايسمح للعلاقة الحميمه بس مو هذا لي جايه ادوره كان بامكانه يعوضني بس بقربه منه واهتمامه
بصراحة انصدمت باستقباله لي حاولت اعرف وش عنده ماوصلت لنتيجة كلمه مني منه اشتد النقاش قال فكيني من شرك !! وخلال يومين جايه تنتقديني رووحي دوري غيري ولاعاد تجيني
انا انفجعت معقوله حتى وانا حامل يقولي هالكلام حسبته تاب وهجد
قررت ارجع لاهلي وماكملت معه 48 ساعه والله رجعت وانا ابكي ليش يقولي هالكلام وش افسر بروده اتجاهي والله اني انا لي كنت اسايسه طول فترة حملي عشان لا اكدر ع نفسي يقوم يقولي كلمه يحرق اعصابي وانا حامل قلت خليني معه طيبه وعشان لايقول حملت وتغيرت عليه وصرت فرعون
وش اسوي معه كيف اتصرف كيف اخليه يحسب لي حساب كيف اخليه يتقرب مني
رجعت لبيت اهلي وحسيت بحريقه بقلبي وودي ارجع له بس حتى لو ارجع بتكون نفس النتيجة
ايش اسوي يا اخواتي ويا اخواني والله تعبت وماكنت اتمنى احط اي موضوع وانا بفترة حملي بس احسه تمادى ..حتى بالجوال اذا تناقشنا يقفل بوجهي ويطنشني
هل اقطع معه اي وسيله اتصال لين اولد بالسلامه ولا كيف اتصرف
((تم التعديل ليتناسب مع المضمون))