السلام عليكم ورحمه الله وبركاته

كيف الحال ياقوم ؟؟

أول شي أنا بنت عمري 17 أو 18 بين وبين ...خطبني إبن خالتي أو بالأحرى حاجزني

أنا بالبدايه كنت رافضه لأن كنت اشوفه مثل أخوي وكنا مع بعض بالرايحه والجايه

ولأنه كان يحب وحده من بنات خالاتي عمرها مثلي وهي تحبهه تموت فيه وكانو تقريبا محجوزين لبعض واقوى فيلم هندي لمن نجتمع مع العايله وكذ1ا
بس بعدين تقدم لها ولد عمها وتقدم لها ابن خالتي رفضوه اهلها لأنه كان مايشتغل ووافقوا على ابن عمها>>>عندنا نتزوج بسرعه

إحنا عندنا مافي ملكه وبنات خالاتي وبنات عمي وكل بنات العايله كانو يكلموا خطيبهم قبل الملكه وحتى قبل الخطوبه وعادي

اهلنا يعرفون وكذا ...وبعدها خطبه رسميه وع طول زواج

الزبده في الموضوع إن بعد بنت خالتي مارفضته هو تعب من وراها بعد سنه كذا خالتي كلمته ان انا معجبه فيه وكذا وانت وش رايك فيها وهي بنت زينه ومتدينه وطيبه وشايله أهلها وبتعوضك عن كل شي وبتلقي فيها كل شي وافق هو وكان فرحان وفعلا مال لي

أنا كنت اكلمه على إنه أخوي شافني بكل حالاتي لمن اقوم من النوم لمن ابكي لمن اضحك لمن امي تهاوشني كل شي يكون قدامه بحكم إنه أهلي وأهله متقاربين وينعد واحد من أخواني ماكنت استحي وكذا

بعدها كلم خالتي إني اشوفه مثل اخوي جات خالاتي وهاوشتني وقالت لي أكمله زين واستحي منه وكذا
فتره حسيت بتأنيب الضمير وقلت لأمي وخالتي إني ما اصلح له ومابكلمه كلهم صارخوا علي وإنتي تبين تطيرينه وبتموتين ولا بتلاقين احد مثله .إلخ إلخ

إحنا بحكم أبوي يشتغل بأمريكا وماعندي خوان كبار أنا اكبر وحده
إبن خالتي هو إلي يسوي لنا كل شي من السوق واغراض البيت وكل حاجه المواصلات عليه هو

بعدها ابوي تزوج على أمي
إبن خالتي سفر أمي وريحها احسن راحه مرررررره كان حنون وطيب معها عشان كذذا أمي ماتبي تفرط فيه

الزبده إني بنت متدينه شوي خخخخخخ يعني بالنسبه لأهلي الفري كثير

وأنا عارفه إنه أعجب بي عشان هالصفه بالذات وعشان إني شايله اهلي شيل أخواني أنا إلي اربيهم اغسلهم البسهم ينامون عندي وكذا وأنا ماكنت ابي اقول لا اسوي مشاكل مع امي مره ثانيه طفرت

فتره كنت اكلمه وكذا اشتكي له عن اخواني ادق حنك عشان أنا ضايفته بالبلاك بيري اكلمه الفجر عادي أو حتى الصبح بليل الساعه 2 مدري يمكن ابيه يبعد عني بس ضل يقرب مني اسلوووووووبي ماكان أنا كنت بنت ثانيه وكنت اشتكي من أخواني مع إني احبهم حيل وكذا سويت مشاكل مع خواته بغيته يكرهني مادري مادري ليش سويت كذا طحت من عين الكل خخخخخخ

كنت غبييييييييييييييييه لدرجه الموت

المهم الحين تعلقت فيييييييييه مررررررره صرت ابي ابعده مدري حسيت إني خلاص مابي ابعده

وبعد شي ثاني بغيت علاقتنا تبدي من جديد بدايه صحيحه ولو بدت معه كيف اكلمه اكون صادقه معه اكون بشخصيتي أنا احس إني إنسانه ضعيفه حيل بيستهتر فيني وبعد متدينه وكذذا يمكن يطفش مني مدري احس إني مو قد هالشي ؟؟؟

مابغيت أكون مثل خواته خواته مخطوبات ((مو ملكه))يكلمون خطيبهم وأحيان يطلعون معاه وعادي ومثل كذا

بغيت اقوله كيف بغيته يكون لي؟؟وهو كيف بغاني أكون له ؟؟؟

نعرف وين نكمل ونعرف وين نوقف عشان فيه حدود مانتخطاها

الحين مدري وش اسوي كيف اخليه يرجع لي مثل أول بس بدون ما أبين له إني كنت رافضته وسويت كل هذا عشان يبعد عني لأنه مستحيل يصدقني ؟؟؟؟؟؟

ساعدوني

الله يهديكم يشوفك وانت صاحيه ونايمه وتكلمينه وهو مو محرم وتقولين متدينه؟؟!!
والعايله كلها كذا ؟؟
والله يا أختي مشكلتكم أكبر بكثير
مشكلتكم علاقة سيئة بالله ولا تقفون عند نواهيه أبداً
ولا ترتدعون وكأنه ليس بخالقكم والقادر عليكم
ألهذه الدرجة أمنتم مكر الله ؟؟
يقول الحق تبارك وتعالى: أَفَأَمِنُوا مَكْرَ اللَّهِ فَلا يَأْمَنُ مَكْرَ اللَّهِ إِلَّا الْقَوْمُ الْخَاسِرُونَ[الأعراف:99]
للأسف لا يوجد خشية ولا خوف ولا مراقبة لله
وهذه وحدها مصيبة المصائب وأساس الكوارث
أنتم قوم تحتكمون للهوى والشيطان والنفس الأمارة بالسوء سواء بجهل منكم أو بقصد
مع أن الجهل أستبعده في زمننا هذا الذي تفجرت فيه المعرفة بكل صورها
فأنتم لا تعيشون على رؤوس الجبال لنقول لم يصلهم قول الله ورسوله

هداكم الله

هدي اعصابك بس يشوف وجهي مو شعري واكون كامله متستره إلا وجهي وكفي

إحنا كذا بحكم عايشيين بالخارج

وهو عايش معنا تقريبا

أنا اطلع السوق بعبايه راس وأغاني ماسمع اقرا كل يوم قران وومداومه على اذكاري
شعري ماخليه قدام عيال خالاتي مع إنهم عايشين معنا

بنات خالاتي تخلين شعورهن وأحيان نحورهن ..

ياليت عايشه عيشتكم بس يمكن بحكم جلوسنا بالخارج اشوف روحي متدينه لأني اسوي كل هذا

لكن ماني متدينه اسفه لو هالكلمه سببت لك اذيه الله يعفو عني ويغفر لي

والله يا أختي أريدك أن تستفيقي
فلا يسرني أو يفرحني أن أجد أخت لي على هكذا حال والله إني أريد لك الخير و الفلاح
وتستطيعين التغيير .. وابدأي بنفسك ثم نصح أفراد أسرتك واصبري فأنت في جهاد فهكذا كانوا الأنبياء وهذا حالهم
وحتى لو كانت عيشتك كما وصفتِ صدقيني أجورك مضاعفة أكثر منا نحن من تربينا على الحجاب الكامل وعدم محادثة الرجال..

لا تجعلي الشيطان يحزنك ويعطيك المبررات فهذا كلام غير صحيح
أما يكفيك إن دعوتيهم إلى الله وصبرتي على هذه الدعوة كنت من ورثة الأنبياء وفي المرتبة الثانية بعدهم عند الله ؟؟؟
سمعنا عن من عاشوا في وسط معمعة بلاد الغرب بحجاب كامل تجيء وتذهب به وتعلم أسرتها أن يقفوا عند حدود الله
وقد كانت صديقتي المقربة إحداهن..

وإذا كان خطيبك بهذا الشكل ولا يوجد بداخله خشية من الله وليس بمتدين ولا يؤدي فروضه
فأنصحك نصيحة الأخت لأختها فري منه فرارك من الأسد
فأول من سيكتوي بنهاره هو أنت
أما كفاك أنه نسي من سبقتك إلى قلبه ؟؟ وكأنها لم تكن شيئاً في حياته؟؟
ثم كيف بالله عليك تنجبين أطفال من هكذا رجل؟؟

أنظري لحال الأخوات ممن ابتليت بزوج دينه ضعيف
إما خلف الفتيات يركض وإما سهر خارج المنزل ولا يقوم بأبسط واجباتهم من نفقة وغيره
ولماذا ينفق ويتعب نفسه ... لا يوجد شيء يخيفه في الدنيا ... ليس في قلبه خوف من الله فكيف يستقيم مع الآخرين؟؟!!
لا شيء يرعبه ولا شيء يردعه ؟؟
وغيرها من المشاكل الأكبر مما ذكرت

هل وصل ما أريدك ان تفهميه ؟؟
مازلت صغيرة فلا تتوهمي أن الحياة كلها حب
إذا أردت معرفة الزواج حقيقة فانظري لحال أمك وخالاتك وقريباتك
الزواج مسئولية .. الزواج أمانة .. الزواج حمل تحمليه على كتفيك بالإضافة للأحمال الأخرى

فاحذري ثم احذري ثم احذري
ستأتين الله فرداً يوم القيامة وستسألين وتحاسبين ومبررك هذا وإقامتك في بلد آخر ليست حجة لك بل عليك


هداك الله لأحسن الأقوال والأعمال واسأليه دائماً الهداية وأنت ساجدة

إبن خالتي يصلي كل صلواته طيب كثيييييييييييييير ....نسى بنت خالته عشانها تزوجت مايعيش من بعدها يعني !!!!!!!!!!!


الله يهديني ويهدي الجميع شكرا على كلامك

وبعدين يا أختي يجوز أهديه وهو سوى كل هذا لأمي وقف معنا مايقصر معنا بكل شي

يجوز نبني حياتنا على خير ودين ولو شفته بفتره الخطوبه ماهو رجال وبعيد عن الله حيل يصير افسخ

وللملعولمه بنات خالاتي تطلعن مع خطيبهن مع محرم ..

أنا بس بغيت اغير وجه نظرهم تجاههي لأني اذيتهم وايد

عادي ابدي بداية جديدة معه وخلك بشخيصتك بدون تصنع خلك شفافة وواضحة
واذا ماتبين تكلمينه وتطلعين معه وانتي للحين ماملكتي
ممكن تقاطعينة وتقولين له ماابي اتواصل معك وحنا مو مخطوبين ولامتملكين
بس ترا اذا سحب عليك انا مالي دخل *

ايه

بس هو من بعد المشاكل الي سويتها لخواته والاسلوب الي عاملته به

صار يقول لخالتي ماتبغاني وزي كذا ...لكني غيرت رأي كنت رافضته رفض قاطع بس الحين عدلت براي

أنا ابي ابين له اني ابيه بس خايفهه ..تشوفون إني اظل اعامله مثل اخوي وخلاص اسكر السالفه مدام هو مارجع فتحها من جديد

ولا تشوفون وش اسوي حتى يرجع لي مثل اول وتتغير نظرته لي ونبدأ مثل ما أنا ابي

وشكرا على الردود

أانا مع هذا الرد وفقك الله

__________________
لو اطلعتم على مافي الغيب لاخترتم الواقع

اختي العزيزه انسي كل الردود واوقفي وقفه مع نفسك وانظري للموضوع من زاويه اخرى

اذا تزوجتي ابن خالتك هل سيستمر في النظر الى بنات خالاتك الثانيات .... يعني مو فاررقه معاك

هل بيستمر في الدخول في بيت اهلك والتكشف على اخواتك ويشوفهم وهم توهم قايمين وتوهم نايمين
والناس تختلف والمجتمعات تختلف واللي عايش بامريكا يشوف الموضوع بطريقه غير اللي عايش في مجتمع متشدد
واتمنى من الاخوات مايحكمون عليك بناءً على وضعهم اللي عايشين فيه
الله يوفقك