السلام عليكم ورحمة الله وبركاته
ابغى مساعدتكم يا احلى منتدى عالاقل خلوني افضفض
انا مكتأبه ياعالم
احد يفهمني واحاول الاقي شي يواسيني
انا متزوجه وحياتي مع زوجي الحمد لله بخير
بس الفتره الاخيره احس ان زوجي مهو معاي واذا جا للبيت علا التلفزيون ويعطيني اشكل الا لما يجي ينام يخلص وينام ويطلع شغله من بدري وعلى الشغل
اهم شي في حياته الشغل
قرفت والله قرفت
بتقولون شغله لازم يروح واللا بينطرد
لا هو صاحب الشغل وممكن يعديها
بس ماش
احس شغله زي زوجته الثانيه صرت اغار من شغله , تخيلو في احد يشتغل في اليوم 14ساعه من 8صباحا الى 10مساء ويجي البيت يقعد مع امه واهله ساعتين ويتعشى ويدخل غرفته عندي ويتفرج عالتلفزيون اخبار وافلام واشياء انا مالي فيها واطفش , انا ماصدق على الله انوم ولدي الساعه 12 عشان اروح له وانا على سنكت عشره ابغى اهتمام ابغى كلمه حلوه مافي .اقعد استهبل واسوي اني اغطي عن التلفزيون بمزح ابغاه يعطيني وجه يزعل ويقعد يقول انا اشقى طول اليوم ولما اجي ماتبغيني اخذ راحتي لافتلفزيون ولا غيره ارجع اتسامح منه واقوله اني مشتاقتله يقولي وانا بعد ويسكتني ببوسه على خدي ويرجع يطنش واذا قلت اسولف يقول اصص ابغى اسمع والله على هالحال لنا فتره واذا راح الغرفه خلص اموره ومدري الاوهو نايم من التعب
مااطلع معه الا بالحسره وبترجي ويطلع وهو ساكت واقعد اتكلم ولاهو مهتم والاحظ اذا طلعت معنا اخته يقعد يسولف ويضحك هو وياها وهذا يدل انه مو طبعه السكوت والله
صرت ماطلب منه نطلع حسيت انه ماتسوى علي كل هالترجي عشان طلعه
اي طلب من اهله وامه مستجاب لكن مني لازم مداولات ومشاورات مية مرره
والا الهدايا اشتهيت مرره يذكرني بورده وللا بشي رومانسي وحاولت باني انا ابدي المبادره وصرت اهديه بمناسبه اوبدون
واذاجبت شي زي محفظه وللا كبك ولا قلم وللا ميداليه مايستخدمها ولايقدرها لنها مني
فجبت له مرره ثانيه تي شيرت مرره يجنن قام نطله بالدولاب والله لسه بقرطاسته واخرتها اهداه واحد من اصدقاه
وش رايكم بالجرح
ووالله اني ماكذبت بكلمه تصدقون ان اخته لقت في السوق تي شرت عليه تخفيض وشرته له وقام ولبسه عندي وقعد يقول موب زين وقصته شينه ولونه شين بس بلبسه عشان مااحرجها
وصار يلبسه عالطالعه والنازله ويمدحه لها
يعني يعرف يجامل
الشي الثاني اللي يقهرني انه يفشلني عند اهله ويستحي يوريهم انه يحبني ودايم الشي اللي ابيه واتمناه يحصل لغيري من غير مايتمنونه
مثلا وهذي دايم تصير اني كنت اقوله ابطلع معك وبعد معاملات وترجي يوافق وهالكلام عالتلفون الساعه سبعه
ويسالوني اهله وخالاته اللي دايم مطيحين عندنا تروحين معنا عند الجيران اقولهم لا بنطلع نتعشى وسلفتي اللي معي بالبيت تقولهم بروح معكم ويجي الساعه عشره طالع من الدوام يايقول خليها بعدين انا تعبان بجي احط راسي وانام (ويجي يتفرج عالتلفزيون وعلى اساس فيه النوم )
ولا يقول بروح مع فلان بصراحه طلب مني ومقدر افشله( يعني تفشل زوجتك عادي ) ويرجعون يسالوني اهله وين اللي بتطلع اتفشل اقولهم فايام اظطر اكذب واقول تعبانه ومره قلتلهم انا معاد ابي ووالله اني سمعتهم يقولون ياحرام فشلها لا ومن اللي تطلع سلفتي اللي طفشت من كثر الطلعات واسمعو شلون يقعدون الاهل يتكلمون
شوفو شلون يطلعها يحبها ويموت فيها الله يحرسهم من العين ( قصدهم عيني مع اني والله ماتمنى لهم الا كل خير )
واخر فتره خرب جوالي وطلبت منه اشتري جوال معين عجبني قال لي خير خير
وراح بعد يومين وشرالي من نفسه ومن دون رايي جوال على كيفه وماعجبني وقلتله حلو بس كنت ابغى هذك يقولي اهم شي جوال يكلم ولايكثر
وكنت قايله لاهله قبل لايشتريه اني بشتري هذاك الجوال الي شكله كذا ولونه بنك (زهري)
ولما شافو معي هالجوال قالوا وين اللي بتشتريه قلت لا غيرت رايي
وبعدين اخته طلبت منه الجوال وجابه لها ونفس اللون انا بس انصدمت ومو حاسدتها بالعكس الله يهنيها فيه
وانا مو من النوع اللي يزعل عشان جوال بس زعلت منه ليش كسر خاطري
وهو مهوب مسكين بالعكس ميسوور والحمد لله بس انا اقارن بيني وبينه شلون انا ممكن افديه بحياتي لو طلب وهو يكسر خاطري كذا
تعبت من البكي والله كل يوم ابكي لما يفضى راسي وانا مبتلشه بهالولد اللي مايخليني انام ولا اكل
وتلاقوني مرهقه بس عشان مايزعل زوجي انوم ولدي واتجهز واتلبس عشان جيته ولا الاقي الحنان اللي محتاجته
واللي يزيد الطين بلله اني صغيره عمري 18 ومطلوب مني اني اتصرف زي ام اربعين
وانا عارفه انكم بتقولون يمكن مهمله فنفسها لا ابدا مهتمه بنفسي دايم
وللا بتقولون صغيره وتبالغ ابدا واحلفلكم بالله انه مو صحيح
وللا بتقولون موحلوه والله الى الان كثير يشوفوني يخطبوني يحسبوني ماتزوجت
وللا بتقولون هذي زنانه وشكايه ومنكده عالرجال بس وربي اني ماحب انكد عليه ولا ني شكايه ولا اقوله شي بس ابلع وابلع وابلع واسكت ولا وبعد ابتسم واضحك عشان ابسطه والحكي اللي قاعده احكيلكم ياه مجرد فضفضه
بس انا اقولكم المشكله
اني انا اللي قاعده اركض وراه بزياده ولازم اثقل عشان ميحس اني مو لاقيه غيره
انا الغلطانه لان اهلي ربوني على ان الزوجه لازم تطيع زوجها وماتخالفله امر حتى لوغلط عليها
وانا الحين لي كم يوم مطنننننننننننننننننننننننننننننننننننننننننننننننن ننننننننننننشه واعطيه اللي يبيه واقوم ببيته وابعد عنه
عشان ابغاه يحس بالفرق ابغاه يفقدني ابغاه يعرف قيمة الحنان اللي كنت مغرقته فيه والطيبه اللي مالها حدود وكنت اتعامل معاه فيها
بس فتره الين مايتحسن الوضع لاني لو ظليت على هالحال بتعب والله
قولولي وش رايكم هل تصرفي هذا غلط ؟؟؟؟ارجوكم ردو علي

يابعد عمري ياسردينه
مالك الا الصبر والدعاء
الله يهديه والله انا ماني صاحبة السالفه
وانقهرت ادعي حبيبتي وان شاء الله خير
اختك ام ساره

اختي الكريمة سردينة مني عارف ايش اقلك الله يعينك ويغير زوجك للافضل انا حاس فيكي وبالوضع اللي انتي فيه انا بحكم عدم خبرتي لاني مني متزوج ماعندي الا الدعاء الصادق ليكي الله يسعد ويلين قلب زوجك ويحننه عليكي يارب ياكريم اتمنى من الاخوة المتزوجين يعطوكي الاجابات اللي ممكن تفيدك وانا اشوف انك تجلسي معاه يوم تصارحيه بكل شيء مشاعرك احاسيسك ليه مهمل مشاعرك كانسانة وانثى على وجه الخصوص افتحي قلبك بالكامل واذا ماقدرتي اكتبي كل اللي في قلبك في رسالة وحطيها في جيبه او شنطته اللي يروح فيها الشغل ولاتنسي دعائك الصادق لرب العالمين الله يوفقك ويسعد ايامك ان شاءالله يارب ياكريم واسف اذا ماقدرت افيدك وجزاكي الله خير

__________________

الله يعينك على زوجك..
إذا جربتي المصارحة من قبل ومانفعت معاه..
فخلك على التطنيش..
خليه يحس إنك طفشانة وزهقانة من طريقته في التعامل..
إذا التودد والتلصق والكلام احلو مافاد معاه .. يمكن التطنيش يخليه يحس إنه بتصرفاته نفرتي منه وابتعدتي عنه..
ماشاءالله عليك.. من كلامك يبين أنك عاقلة.. وعقلك أكبر من سنك..
الله يهديه لك ويسعدك ويوفقك معاه..

سردينه حبيبتي

الله يعطيك على قد صبرك وتحملك ويفتحها في وجهك ويعدل حالك مع زوجك ويحس فيك ويحبك اكثر مما تتوقعين
والله اني حاسة فيك وادعي لك من كل قلبي والله يكملك بعقلك لان البنات اللي في سنك ما عندهم نص عقلك

وتصرفك عين العقل بس ان شاء الله يحس
ولا يأس ممع الحياة

الله يسعدك طمنينا عليك عيوني

__________________

حبيبتي سردينه انا من راااي انك تقومين بواجبات بيتك بلكامل ولكن من الافضل انش تغيريين اسلوبش وطريقة تعاملش مع زوجش عامليه مثل مايعاملش تكلمي معاه ببرووود علشان يحس بالفرق وبالنعمة الي كان فيها وبصراااحة زوووجش مايفهم . عنده مثل هالزوجة الطيبة الخلوووقة ويعاملها هالمعاملة انتي تنحطين في العين والقلب .

تجاهليها وبشوفين انه بيحس بفقدان النعمة الي كان عايش فيها بس مو مقدرنها.

والله ما تستاهلين بس خليك مطنشته الين يجي يدور عليك

.
.
.
أختي سردينه..

للأسف كثير من الرجال يتصرفون هكذا.. وأكثر!!. .
والمواقف التي ذكرتيها مؤلمة جداً. .. ولن تضيع عند الله.. . "إنما يُوفى الصابرون أجرهم بغيــــــــــــر حساب". ..

أجزم أن زوجك في هذه المواقف لا يدري فعلاً ما قام به. . فأنتي -كما يظهر لي- مطيعة جداً وما تبغين تنكدين عليه أو تجرحي مشاعره بأي شكوى أو تأفف. . . وهذا دليل على كرم أخلاقك وطيب أصلك .. .

استمري في طتنيشك المؤدب.. .دون أن تُقصري في واجبه وواجب أهله. .. احذري من ذلك.. فأنتي تريدين أن تكسبي الموقف لا أن تخسريه وتخسري ما قبله!!!. ..

ثم أقترح عليكِ أن تُعيدي كتابة فضفضتكِ هذه. .. ولكن على شكل رسالة موجهة إلى زوجك. .. اكتبيها على ورق جميل باسلوبٍ بسيط غير متكلف. .. ووضحي له محبتكِ له وعشقك لذاته. ..ثم تدرجي في الموضوع حتى تدخلين إلى صميم الجفوة التي تسبب فيها بمواقفه الغريبة معك. .. ومدى الجرح العميق الذي أحدثه في قلبك. ..

بعد ذلك ضعي هذه الرسالة في جيبه قبل أن يخرج إلى العمل.. أو بأي طريقة شئتِ. ..
وانتظري النتيجة!!. ..

الأهم من ذلك كله. . هو أن تصبري.. ثم تصبري.. ثم تصبري.. .
وتُكثري من الدعاء وسؤال الله عز وجل.. فهو مقلب القلوب والأبصار.. وبيده مقاليد السماوات والأرض. ..

واحرصي أن لا يبدر منكِ تصرف تهدمي به ما بنيت من أخلاق وطيبة. .. فالإساءة لا تُقابل بالإساءة. . .ولكن ادفعيها بالتي هي أحسن. .. وتذكري أن الإحسان إلى الناس "يستعبد" قلوبهم. .. فأحسني إلى زوجك. . .ولا يمنعك ذلك من الفضفضة إليه وتوضيح مواقفه. . ........


والله سبحانه ولي التوفيق.. .

__________________

حبيبتي سردينه ...

والله ماني عارفه ايش اقول لك بس اني اشعر بكل كلمه كتبتيها لأني اعاني مثلك

مالك الا الصبر والتحمل وان تحاولي تشغلي نفسك بأي شي زي دورات او عمل

او اي شي مناسبك وكذا راح ترتاحي وتنشغلي عنه بشي مفيد لك والله يعينك

__________________

اختي سردينه والله فعلا وضعك متعب كثير ........ بس شكل زوجك فعلا مو حاس وش قاعد يسوي ....... حاولي تبعدين شوي جربي روحي عند اهلك فتره ولما تروحين لا تكلمينه بالتلفون الا اذا هو كلم او طلب كذا .... واذا قالك ليش قولي بغير جو .... طبعا لا يدرون اهلك عشان ما تصير سالفه.... ولا اوصيك بصلاة الليل والاستغفار الكثير ..... واستمري على كذا فترة وكرري التجربه مرة ثانيه بعد فترة، وخليك بعيدة شوي اذا صرتي عندة بالبيت ،ولا تخلين هالشي يضيق صدرك اذا ضاق صدرك روحي صلي وادعي ربك يروح اللي فيك ، عشان اذا حطيتي الموضوع براسك بتصيرين طول الوقت متنكده وبينفر منك ، وبعد كذا شوفي وش ردة فعله ، اذا ما حس ولا سال ، جربي الرساله اللي قالولك عليها الاخوان واذا قالك ليه انتي كذا عاد قولي له اللي يقلبك وان هذا الشي ما يهمه اجل ليش اسويه .

والدعاء ثم الدعاء ثم الدعاء