مبدأيا ياروح
الشاب مافيه شي يتعيب .. بس هي واخذة معلوماتهامن اخته وهي اكيد بتشهد له
لو معها اخوان او اقارب شباب خليهم يسالو عنه كويس
و باقولك الصراحة عندي انا شخصيا الاخلااااق مهمة جدا جدا جدا
فا كم من ملتزمين مايتحلون باخلاق
وكم من ناس وسط بس اخلاقهم راائعة و هذه الاخلاق بالنهاية توصلهم للتدين الصحيح
فامهم تعرف الجانب الاخلاقي في التعامل
وهذا مابيجي الا من احتكاك اخوانها فيه
وبعد كم من موقف بيبن اذا عصبي او بخيل او متزمت زياادة
او ملتزم لكن من النوع الي يحببك في الدين باخلاقه و كلمته الطيبة
اذا من خلال السابق تبين انه شاب فعلا على خلق ودين ..
فا اشوف انها تقبل فيه و تشوف وظيفة ثانية و ان شاء الله ربي بيوفقها
لانه بصراحة فرصها بالزواج بتبدا تقل الحين .. واذا هي حاااابة تتزوج و تصير ام
قولي لها تتنازل شوية (والتنازل هنا بيكون الوظيفة فقط) لكن اياها تتنازل عن الخلق و الدين
اما لو الزواج كاكل مو فارق معاها و هي انسانة قوية
وعندها وظيفتها متمسكة فيها ... ومستحيل تتنازل عنها .. فا تبين له رأيها بصراحة
وانها متمسكة بالوظيفة الى ان تلاقي وظيفة ثانية او تتزوج و تستقر معه و تشوف رده
وتحط احتمالية رفضه و فركشة الموضوع
..
او تحاول توصل معاه لحل وسط (مثلا تطلب نقل لقسم يغلبه النساء)
ويكون الوضع موقت لغاية ماتلاقي حل .. او تتفق معاه انها تاخذ اجازة بدون راتب فترة
وبهذا الوقت تدور وظيفة ثانية و يساعدها هو كمان ..
الموضوع بالنهاية ياروح يعتمد عليها و على رغباتها
واولوياتها .. ايش اولوياتها في الحياة حاليا؟؟
الزواج .. الامومة .. المستقبل الوظيفي .. الشكل الاجتماعي ..
وتستخير و ان شاء الله ربي يوفقها للقرار الصح
و انتي يااارروح شغلك عندي
خوفتييييني ببداية موضوعك قلت ايش فيها رووح
ومن هذه صديقتها الي ماتستحي الي خطبتها و هي تدري انها متزوجة خخخ و عيالها هه
شطححت بخيالي