اولا مساء اخير

من جد عجبني المنتدىى وقررت اني اشترك فيه لاني ابي حل لمشكلتي وتنتهي معاناتي... انا صراحه صار لي سنتين متزوجه رجل ماحبببه ورفضته بس اهلي غصب زوجوني المهم اني رضيت بالامر الواقع هالانسان صراحه ماقصر معي يحبني ومدلعني
ومايرفض لي طلب المهم ماطول عليكم مشكلتي هي اني معه سنتين بس لسا بكر
حاولنا كثيرر بس للأسف ماقدرنا يمكن عشان انا شوي خايفه بس حاولت كثيرر وتحملت
ولسا اتحمل نفسي تنتهي معاااانااتي

أبي رايكم بالموضوع

بليز ردو علي

16 ولاواحد رد فيكم

بيلز ابي رد ريحوني

اولاً : في كثير مثلك
لكن خلي في بالك ان كل مشكله ولها حل
انا اعرف ثنتين مثلك
لاتيئسين اعرضي نفسك انتي وياه على شيوخ ودكاتره وان شاء الله تنحل مشكلتك

انتي عرضتي مشكلتين في سؤالك
انك مغصوبه عليه لكنك رضيتي بالامر الواقع وهورجل كويس يعني انحلت المشكله.
المشكله الثانيه ، المعلومات اللي قلتيها غير كافيه لمعرفة أساس المشكله، ولم تقولي ماذا ينقص زوجك تحديدا، لكن حسب مافهمت ، ومن محاولاتكما المتعدده ، اعتقد ان زوجك تنقصه الاثاره اللازمه والتهيئه النفسيه ، فأي انسان يريد ان ينجح في موضوع لابد ان يمتلك التهيئه النفسيه الكامله والعصبيه والبدنيه، مثلا لاعب يريد تنفيذ ضربة جزاء فاذا لم يكن مهيأ نفسيا وذهنيا وبدنيا فلن ينجح(العوامل الثلاثه لابد ان تكون مجتمعه) ، واعتقد ان زوجك عريس جديد وانتي لم تساعديه ، فعليك بالاسترخاء تماما والقيام بتشجيع زوجك ورفع روحه المعنويه ، وان كنت استغرب من طول الفتره الا اذاكان هناك عيب خلقي لانعرفه ، ولكن اعتقد ان المشكله نفسيه بالدرجه الاولى .

وفي الختام اتمنى لكما دوام التوفيق والسعاده .

الدانه تسلم على الرد .. بس ماقلت لي وش صار في الحالات الي تعرفهم انحلت مشكلتهم لما راحو للدكتور؟


ابو اشجان صراحه اانااا ماحبه واكررره وبنفس الوقت مرتاحه معه يعني هو مدلعني يجيب لي كل شئ ويحبني يعني صراحه مايثيرني وبالعربي ماشتهيه بس احاول اغصب نفسي
خلاص دخلت القفص ماقدر اطلع منه وحالتنا النفسيه زي ماتقول عادي بس مادري وش المشكله

اكاد ان لا اصدق بانه يمكن ان يعيش اثنين طوال عامين دون ان يحدث بينهما شى

انا من رأيي انه لو يحدث التقاء راح تحبينه اكثر لانه راح يكون في احساس بالطرف الاخر اكثر
توكلي على الله وشيلي فكره انك مغصوبه عليه وترا ياما ناس حبت بعض بعد الزواج ولا تنسين ان العشره هي اساس الحب

الاخت العزيزة التفاهم هو الحل الوحيد لمشكلتك اذا هوا يحبك حاولي انت تحبيه
شوفي اجمل حاجة فيه واذا الانسان ما مقصر معك حاول تتكلموا تحلوا مشاكلكم مع بعض
والله يوفقكم

يا أختي العزيزة اصبري ....عندي سؤال واحد انتي ليش ما تحبينه ؟؟؟؟؟ انتي كنتي تحبين واحد قبله؟؟؟ أنا صراحة أقول حرام عليج ..صح انه المحبة من الله ...بس حاولي ..ترا صدقيني ماراح تحصلين رجال يحبج او يدلعج ..نادرا هالأيام ...فاشكري الله على النعمة ؟؟؟؟
وثاني شيء ...شكلج انتي اللي تبين تميت بكرة ......يعني انتي كوني مرنة شوي معاه وتجاوبي معاه ...وكل شيء راح ينحل ...ولا تحطين في بالج فكرة انج ما تحبينه وللأسف تكررين هالشيء أكثر من مرة ...ليش تعذبين نفسج ؟؟؟؟ ياأختي العزيزة فكري زين ..ولا تستعجلين الأمور ولا تحطين فكرة انج ما تحبينه

افضل طريقة لحل مشكلتك اختي منى هي اللجؤ الى الله سبحانه وتعالى والدعاء في الخفا وفي اوقات الاجابه وثقي بان الله سبحانه لن يردك....................