الأزواج والزوجات


أسعدكم ربي وبارك فيكم


هذا الموضوع نريد نجعله لعرض تجاربكم مع من عرض عليه حالة أن:


توحمت عليه زوجته في حملهامثل الكراهية والبعد عن الزوج وماالى ذلك ممايحصل بسيب اعراض الوحام

وكذلك الاخوات التي توحمت بمثل هذا النوع ماذا كانت تفعل؟؟ ويفعل زوجها ؟؟



ماهي تجاربكم ؟؟
حتى يستفيد الجميع ويحافظ على استقرار الحياة الزوجية أثناء الحمل وبعد الحمل حتى لاتصبح هناك ترسبات بين الزوجين لماحصل من وحم الزوجه على زوجها

__________________

صحيح كر هت العلاقة لكن صرت ما أتحمل خرووووووووووووووجه من البيت أبد حتى الدوام صار يعتذر

و صرت حسااااااااااااااااااااسة على الآخر بس أبكي أبيه يكون جنبي و يسولف

و صرت أكره الناس ما أدري ليه و حتى الجوال ما أبيه نهائيـــــــــــــــــا بس أبي زوجي << كرهته حياته المسكين لا طلعات و لا شيئ

و إن شاء الله أولد بالسلامة عشان تنفك الأزمة و يتنفس

شكرا لكي اختي

لكن نتكلم بشكل وليس في مسالة الجماع فقط

__________________

88888


جداويـه نفس حالة اختي مع زوجها .. تهقين انه وحم ؟!!!!!!!!

ياحياتي وهو يحسب انها كذا نكد ؟! ومتهـاوش معاها ..

راح اقولكم قصـه حصلتلي ..

كنت اتدرب بمستشفى ..

واثنـاء مروري على المرضى .. بقسم النسـاء .. شفت حوامل مع بعض ثنتين يسولفون ..

وحده مو طااااااااااايقه زوجها و تقول انه وقت الزياره اعرف انه جا من ريحته اشمها وهو تحت ..وهو لسا ماوصل لغرفتي

واذا جا يعطيني شي ماقدر اشوفه يعطيني من ورا البارتشن .. من كثر ماكرهته وكرهة ريحته

والثانيه تضحك عليها .. تقول فلانه ماتبي زوجها وموطايقه حتى يزورها وانا بموت واطق واطلع لزوجـي لووووووول

يعني توحمت عليه بكرهه .. والثانيه توحمت عليه بحب .. والله يعينهم ياااااارب


..

__________________
{ احبــــ ـــكم بلا استثنـاء ~

تولدين بالسلامه

وشكرا لكي

لكن نريد الكلام عن التي تكره الزوج اثناااااااااااااء الوحام؟

__________________

انا الصراحه بوحمي كارهه زوجي بس مو مررره يعني شوي ماصرت اهتم فيه واحب اجلس معاه زي زمان واشم له ريحه تكرهني فيه الله يعين بس النفسيه وقت الوحم زي الزفت
موضوعك جا بوقته يسلموووووووو

__________________
اللهم اغفرلي ولوالدي وارحمني واسكني فسيح جناتك ياحي ياقيوم

يووووووووووه ذكرتيني باللي مضى


انا كرهت زوجي كره غير طبيعي وبتي وكل من حولي



وكنت مو طايقه زوجي حتى يتكلم ولما يتكلم اقول بيني وبين نفسي ليتك تسكت بس

ولما يطلع من البيت احس بالذنب لكن غصب عني ولما يرجع ترجع لي الحالة

يعني انا كرهت في وحامي اشياء كثيرة

تصدقي كنت اروح حديقة وكرهتها كره يا ساتر والحين لي اكثر من سبع سنوات كل ما يمر زوجي

من صوبها يقول ننزل فيها اقول مستحيل ما ابغى ما اقدر اجلس في هالحديقة

والله الوحم مشكلة لو كرهتي بيتك ومن فيه


الحين من شافني يقولي ليه ما تحملي ولدك كبر اذكر الوحم واقول مستحيييييييل برتاح كم سنة وبعدين افكر


>>>> ما كاني هذرت وااااااااجد


سلام اختي

اهلا اهلا ...

بالنسبة للموضوع ..بحملي الاول ..كرهت زوجي من ناحية الريحة والشكل والمعامله وكل شي منه يقرفني وطبعا ماكنت اعطيه حقووقه ..وكنت اعرف انه كله من الوحم ..وهو احيان يزعل واحيان يتفهم الوضع .. بس لدرجة الكل لاحظ انه مجرد يجي طاريه انا اتنرفز ...كسر خاطري والله ...


حتى يشك في حاله وشكله وريحته ... بس من وصلت للشهر السابع تقريبا رجعت الامور طبيعية


اما الان في الحمل الثاني ..بالعكس صايرة ماقدر على فراقه واحب كل شي منه ...سبحان مقلب الامور ...


والموضوع يرجع لتفهم الزوج لحالة الزوجة ..وهي مرحلة وبتعدي ..لكن لابد تترك اثر بسيط في نفس الزوج لانه نادرا ينسى مثل هالامور اللي ضيعت عليه اوقات حلوة من حياته ..

وكل وحدة وشطارتهـا ..
الله يسهل عالجميع ...


موفقين

__________________