يا اخواني وخواتي
في زحمة هذي المشاكل اللي قاعدة تنطرح
ليش ما نخلي هذا الموضوع مكانا لبعض المواقف الغريبة دون أن نطرح فيها همومنا ومشاكلنا .
مكان تتسجل فيه المواقف الحاصلة للمتزوجين مع بعضهم البعض
سواء مواقف غريبة مع الأزواج أو الزوجات
او في جلساتهم الخاصة ان كان ممكن طرحها هنا
او مع اهل الزوج او الزوجة

محتاجين شوي نقلل من همومنا.

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

كنا مسافرين للخارج وقاعده مع زوجي وطفلي في مطعم ... فاخذنا قائمة الطعام لنطلب الاكل ... وجاء الرجل حتى يعرف شنبغي ناكل ... فزوجي قاعد يقوله شنبغي ...

فقاله باللغة الانجليزية .... نبغي (جكن)دجاج ..... نبغي توميتو سوب (شوربة طماطم) .... نبغي بوطيطو (فرنج فرايز) .... يعني لما قال توميتو سوب بعدها قال بوطيطو ... والله لحين لمن نتذكر نموت ضحك نحن وياه

الله يعطية العافية زوجي دايما يقلب الكلام

اختكم

__________________

كفاني عزاً أن تكون لي رباً ... وكفاني فخراً أن أكون لك عبداً

مرة كنا انا وزوجي رايحين نشتري غسالة
وماشاء الله عليه زوجي أسئلته ما تخلص وساعات اسئلته باااااااااااااااااااااااااايخة تفشل ما تنسئل
عاد زوجي دوخ الريال بالأسئلة عن الغسالة وطريقة تشغيلها وليش هني لونه وردي ؟؟
وليش هني اخضر ؟؟
وشكثر تطول تغسل الهدوم
وليش جذي
وليش جذاك .. وانا اقرص زوجي واقول له بس فشلتنا بسك اسئلة
ولما طقت جبده الريال مسكين من كثر الأسئلة
جان يقول الريال لزوجي : هو انت اللي حضرتك بتغسل الهدوم ؟؟
هني زوجي قام يضحك بس واهو منحرج
وانا قتله بعدين بصراحة ما ينلام فيك الريال طقت جبده كثر ما سألته

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

..لزوجي صديق ..صداقتهم ممتده منذ الصغر....

وبالصدفه كانت صديقة عمري ..زوجة الصديق ..متزوجين ..قبلنا ..وكانت تشتكي من شلة الأنس طبعا لهم ثالث..قبل ما

أتزوج...وبعد خطبتي .و.طبعا ليس عن طريقهم فهو من أقاربي...لكن كانت صدفه...

فكانت صديقتي من نفسها تسأل عنه زوجها ..عن أخلاقه وغيره..فكان الأمر يصل له ..ويقوله ..ترى يسألون عنك..

وبعد الزواج ..يقولي انت كنت تسألين عني ..انا اقول لا..وهو يقول ايه ..حتى فهمنا الموضوع..

...وومن ثم أصبحنا وصديقتي ..لما يطلعون..ويتأخرون ..نتصل ببعض..للمواساه..

عدم كتابتكم لأي موقف
هل معناه ان لهالدرجة حياتكم كئيبة ؟؟؟

اشكر المشاركات بالموضوع

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

شنو التعديل اللي اجريته على الموضوع ؟؟
اتوقع انك غيرت من كلمة مواقف طريفة الى غريبة
وانا ما اقصد ابدا المواقف الغريبة

__________________

[glow=CCCCCC][B]يـــوم لـــك[/B]
[B]و
يـــوم عــــلــيــك[/B][/glow]

موضوعك جميل وقكرته اجمل

بس انا مو اقدر اشارك فيه علشان انا مخطوبه فقط


يعنى لسه مو تزوجت

الله يعطيكم العافيه


ويسعدكم مع ازواجكم


ويرزقكم الذريه الصالحه