السلام عليكم ورحمة الله وبركاته
ماكتبت موضوعي هاذا الا بعد ماحسيت نفسي بختنق ومافي احد افضفض له
اليوم قلت لأبويا انو خلاص ماعاد ابغا استمر بهاذا الزواج وابغا اتطلق
بس احس بألم داخلي مو قادره أكل ولا أنام احس نفسي عايشه بصراع احن لزوجي وللذكريات الجميله وبنفس الوقت احقد عليه ومو قادره اسامحه ع اللي سواه فيا وبنفس الوقت احس اني ظلمت ولدي وحرمته من جو العائله احس بمشاعر وافكار متلخبطه ..
انا ابغا اللي جربوا مرحلة ماقبل الطلاق كيف قدروا يستمروا بقرارهم بدون ماتاثر عليهم المشاعر والخوف والتردد .. كيف اتجاوز هاذي المرحله اللي احسها اصعب من الطلاق نفسه ؟ انا من الحين مقرره انو الولد مستحيل اخلي ابوه يشوفه حتى لو من بعيد يعني ابغاه ماله وجود كانه ميت

شو سبب رغبتك في الطلاق..
وليش راح تمنعين ابنك من رؤية ابوه وانتي اللي خايفة انه ينحرم من جو العائلة؟؟
اقعدي مع نفسك وحطي على ورقة ايجابيات وسلبيات زواجكم..
وبعدها احكمي

وعليكم السلام
اذا زوجك بيعامل ولده معامله حلوه فياليت تستخرين وتتراجعين عشان ولدك يعيش باستقرار بينكم ..وياليت تعطين زوجك فرصه ثانيه والله يصلح مابينكم ويجبر خاطرك جبرا جميلًا ،،ويكتب لك اللي فيه الخير والسعاده لك ولولدك يارب

اعيش مشاعر مشابهة جدا لمشاعرك مشتته بين احن له وبين مقهوره ومتألمه منه ومشاعر خوفي على ولدي بس بالاخير تاكدي انه مافيه زوج كامل وان كل بيت فيه مشاكل وياليت ماتستعجلين بالقرار وتاخذين فتره تريحين فيها وتستخيرين ربك والله يسعد قلبك سعادة تنسيك كل الامك

الله يصلح مابينكم اختي

اذا حابه اطرحي شو المشكله بينج وبين زوجج

في مشاكل ممكن الوحده تتجاوز عنها وتصبر عليها عشان عيالها
يعني اي مشكله غير شي يخص دينه تقدرين تصبرين عشانه

واختي مالج حق تمنعين الولد يشوف ابوه
حتى هو يقدر يلجأ للاجراءات القانونيه اذا منعتيه
ليش حابه تمنعين ابوه يشوفه
يعني لا قدر الله اذا الابو زاني سكير فاسق مايصلي يمكن هني تخافين عليه من ابوه
بس بعد احس مايجوز انتي تمنعين هالولد من ابوه
لانه شوفة ابوه وزيارته يدخل من باب بر الوالدين مستقبلاً لما يكبر الله يحفظه

__________________

اعوذ بالله من عطاك الحق تحرمين اب من ابوه !!!! تنتقمين منه من خلال ولدك !! اتق الله ،،

المفروض تحببين ولدك في ابوه وتخلين مشاكلك مع ابوه بينكم الولد ماله دخل

أنا مابحرم الولد من ابوه الا لمصلحته وحمايه له ..
مشكلتي معاه بختصرها بمواقف عالقه بذهني وأثرت علي نفسيا بشكل كبير :
1- كان يلح علي بالحمل بشكل كبير واول ماحملت كنت فرحانه واهلي واهله يباركولي بعدها بيوم خرب فرحتي بكلامه قالي اول ماتولدين بسوي تحليل للولد اتاكد اذا ولدي او لا انهرت وبكيت بحرقه وقتها
2-لما كنت حامل بالشهر الثالث كنت صايمه ومنسدحه ع السرير فجاه بدا يشد شعري ويسبني بكلام قذر واني فين اروح اذا وداني بيت اهلي جلست الارض عشان الضرب مايوصل لبطني وبدا يرفسني برجوله
3-وانا بالشهر الرابع ضربني بالسلك ضرب جسمي كله صار خطوط خضرا وحمرا كله من الشك ويقذفني ويتهمني بالزنا مع اخوانه
5- بالشهر السابع جابلي ساطور وحشرني بركن يقولي اعترفي الولد اللي ببطنك ولد مين
6- وبنهاية حملي اللي المفروض ارتاح فيه خنقني مع رقبتي ونفس الكلام اني خاينه وان اللي ببطني مو ولده
والكارثه انو دائما يفتش جوالي ومخليني احذف البرامج وانا مطنشته عشان ارتاح خاني وراح كلم وحده من صحباتي كلام جنسي قذر بس هيا عطته بلوك وصورتلي المحادثه تمنيت الموت وقتها ..
الوقت اللي احتجته فيه لما ولدت سحب علي حتى اجرءات المستشفى سواها ابوي وابوه..
في الاربعين نفسيتي سيئه حزينه ع ولدي احس اني ظلمته بعدها جاني واعتذر وسامحته عشان ولدي وانا ليا عشرين يوم رجعت معاه البيت وليتني مارجعت انضربت وانا نفاس كمان
المره الاولى كنت شايله الولد انومه ضربني ع وجهي بدون مقدمات يقولي ايش تسوين مع اخوي وانا نايم ، من بكره ضربني كمان اتهمني بكلام ماقلته ، صبح العيد اللي ناس مبسوطه انا العكس رحت لاهلي ببجامه وانا منهاره
اخر مره ضربني قبل خمس ايام يتهمني اني احب زوج اخته ويقول انو الولد مو ولده ..
هاذا شي بسيط من معاناتي بسنه ونص زواج
للاسف اهله ماراعو الله خدعوني من البدايه كنت احس تصرفاته غريبه بس كذبو علي انه مسحور لين اعترفلي هو انه مدمن كبتاجون
الادمان اثر عليه عقليا بشكل كبير صار يسمع اصوات يتخيل اشياء يشك بشكل مرضي دائما يقفل علي الباب اذا خرج ومستحيل يعطيني مفتاح للبيت وياليت الشك راح صار يقولي انتي حتى في البيت ينخاف منك ..
لكن بحالاته الطبيعه انسان يعشقني مايرفضلي طلب حنون طيب يحاول يسعدني لو ع حساب نفسه كل مره كنت اروح فيها بيت اهلي واطلب الطلاق يترجاني ويبكي ويوعدني انها اخر مره واسامحه وارجع بس للاسف وعوده كلام ، انا بداخلي حب له ومبسوطه معاه لما يكون طبيعي لكن اذا ترك العلاج او رجع للحبوب تنتكس حالته وتجيه نوبات المرض اللي خلتني اخاف منه ع نفسي وع ولدي وماحس معاه بالامان

لاتستعجلين بالطلاق اخذي وقت كافي للراحه ، بعدها ستتغير امور كثيره تبنين عليها قرارك ، ترى الطلاق ليس سهلاً بعض الاحيان على الرجال مابالك بالنساء ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

كلمت انتي طالق اللي تكسر كل زوجه سمعتها مليون مره .. ترك وظيفته وابوه يعطيه مصروفنا اليومي بس عشان مايرجع للحبوب .. دخل مستشفى الامل اكثر من ثلاث مرات بس انسان ارادته ضعيفه ومو جاد بالعلاج حتى دينيا اوقات يصلي واسابيع يتركها انا وقفت معاه وحاولت اساعده وسامحته ع الاشياء اللي سواها فيا بس ماقدر احسني اتدمرت نفسيا وخايفه ع نفسيتي ولدي اكثر .. مابغا اتراجع عن قراري زي كل مره لما يكلمني احزن عليه واسامحه وهاذا اللي مخوفني من نفسي
معليش ع الاطاله